العلاج الشعاعي << قصتي مع اختي اتمنى انكم تدلووني على شي معين

بسم الله الرحمن الرحيم

هذا اول موضوع لي في هذا المنتدى وصرااحه انا حبيته وحبيت البنات اللي فيه

المهم بناااااااات اناا ابيكم تساعدووني الله يخليكم << تكفوون مالي غيركم

انا بكتب قصتي مع اختي اللي اكبر مني ب5 سنوات يوم جاء عمرها 6 سنوات اصيبت بالعين على شعرها وكان طويل وناعم المهم ابوي الله يحفظه شيخ وقرى عليها ووداها المشايخ واخر شي راجع فيها بالمستشفيات واكتشفوا ان براسها ووورم لكن طلع حميد والحمدلله
سوت العمليه بالرياض وطريقة عمليتها انها شعاعي مو كيماوي بحيث ان الدكتوور سلط الشعاااع على راسها من الخلف << اتمنى انكم فهمتوني

المهم راحت السنوات وكبرت ومن يوم عرفت اختي وهي مالها شعر الا خفيف وكانت امي تلبسها ربطات وقبعات وحركات ايام المدرسه ومكان العمليه من ورا ماطلع شي ااااااااااااااااابد لانه مكان تسليط الضوء الشعاعي

الززززززبده انو اختي جربت كل شي الثوم والبصل وراجعت عند دكاتره معرررووفين بالرياض اخر شي قال لها دكتوور شعرك من ورا ماينفع فيه شي مثل الصحراء اللي تصبين عليها مويا ولايطلع نباااات وان البصيلات مااااااااتت

بعد ماجت من الدكتووره الدنيا اسودت بوجهها وحالتها أيست منها وخاصه انها مخطووبه وعلى وجه زوواج << وزوجها يدري بها وماندري للحين يمكن يرفضوون

الله يخليكم بنات تكفوووووون ابيكم تدعوون لها وتحسوون انكم بمكانها ووش راح تسوون

والله يخليكم اذا تعرفوون ناس نفس الحاله وطلع شعرهم الله يجزاك خير لاتبخلين علي لاني محتاااااااااااااااااااااجه لها ممرررره

ابي منكم بس تدعوون لها واللي تعرف اماكن تبيع باروووكات كأنها طبيعيه وتصبغها وتستشورها او تعررررررررف خلطات تطلع الشعر جزاها الله خير

ابي باروكات من اي مكان سواء االشرقيه او جده او الرياض او من الخليج او من الاررردن اوو من اي مكااااااااان اهم شي انها تعيش مبسوطه

(((بنااات انا من الشرقيه اللي من الشرقيه لو مشغل عادي قولي اسمه انا مستعده لكل شي)))

طلبتكم بنااااااااات لاتقرون موضوعي وتطلعوون ردو علي