اكيد الكل سمع عن العلاج النفسي والي ماسمع يجي ويشوف ويستفيد
انا قلت لنفسي ياورده تعالي جربي وماراح تخسري شىء وانا انتقل من منتدى لاخر واقرأ كل طريقه و اتخيل نفسي بعدها
العلاج الاول
انا قلت لنفسي والله ياورده طريقه سهله جربيها ماراح تخسري شىء كل يوم تكتبي انك حامل ياسلام والله طريقه
وتخيلت نفسي بعد 3 شهور من العلاج
ورده : ابغى اروح السوق
زوج ورده : ليش ؟
ورده : ابغى اشترى حوايج ( ملابس ) للنونو
زوج ورده : لسا بدري
ورده : ياربي لاتعصبنى ويطلع النونو عصبيى ودينى وخلاص
زوج ورده : لالا تعصبي راح اوديك
ورده في السوق دايره من محل لمحل وتختار هذا 100 وهذا 150 وهذا 250 ورزج ورده راح يجن وهو بيدفع
وبعدين رجعت البيت
زوج ورده : يلا ياحياتي نبغى عشا
ورده : ايش يعنى مانت شايفنى حامل و دايره في السوق وكمان تبغى عشا لازم نتكد عليا وعلى النونو
زوج ورده : لالا خلاص راح اسويه انا
ورده وكمان خلص الغسيل انا ماقدر اغسل اخاف على النونو
وعلى هذا الحال شهر كامل
وبعدين ورده في المستوصف الدكتوره تقول لها معليش حبيبتى حمل كاذب :icon33:
زوج ورده : احمدك يارب
بصراحه فكره وانا من نفسي من انا صغيره افقع البالونات بس ماما كانت دائما تخصامنا
ورده : الو حياتي جيب لنا بالونات
زوج ورده : ليش عندنا حفله
ورده : حاجه زي كده بس لاتنسى تجيب البالونات
زوج ورده :ان شاء الله
وجا زوج ورده واتعشى ونام وبعد ماورده مادخلت ركن تأخر الحمل وواست البنات قالت لازم تواسي نفسها بتفجير البالونات
وجلست تنفخ في البالونات وكتبت اسم كل وحده مقهوره منها وبعدين هاتك يا تفجير وحده ورا وحده وبعدها صحي زوجها زي المجنون ايش في ،ايش هذا الصوت
ورده :فجرتهم وخلصت منهم ماحد بعد كده راح يضايقنى
زوج ورده : الساعه 2 بالليل
ورده : طيب الان كانو على بالي وفجرتهم
زوج ورده اخذ بالونه ونفخها وكتب اسم ورده الياسمين عليها وفجرها :09:
طبعا انا مالي خلق للمطبخ ولو كتبت شعر راح تنتحروا تعالو شوفو رسمي
يعنى مافي فايده الي في بال ام الخير تحلم به طول الليل
حبيباتى هذه مجرد تخيلات والتوكل على رب العالمين والدعاء والاستغفار والضحك والفرفشه هو احسن علاج
ايش راح تعمل لنا الدموع والاحزان بيكيت وبكيت واخر الشهر النتيجه سلبيه
يلا فكوها شويه وغيروا طابع الركن الحزين وخلونا نعالج همومنا بالضحكه الحلوه الي حرمناها على نفسنا
وتفائلو بالخير تجدوده
يلا يحلوات كل وحده تتخيل نفسها في موقف سببه تأخر حملها باسلوب ساخر
اتمنى من المشرفات عدم حذف الموضوع او نقله فالهدف منه هو تخفيف الحزن والحث على استخدام الضحك في علاج تأخر الحمل
مشكورة ورده الياسمين لي عودة للموضوع غاليتي