بنتي تنام احيانا الساعة ١الفجر وتصحى ٣ بعدين لين ٩ الصبح اما اخوها اغلب الوقت قاعد
جربت مرة نبدأ وهم نايمين الا بنتي تصحى وتخرب كل شيء واحنا مابعد بدأنا ومشكلة لاصحت تمسكني من رجولي مقدر اسوي شي حتى دورة المياه ادخل بها ويقعد اخوها وصياح ومقدر امسكه بسببها لانها تغار وتصيح زيادة ويصير اثنين يصيحو وأنا شوي واصيح معاهم من الوضع..لاهذي اللي ساكته ولاهذا والزوج احيانا يصارخ معاهم وأنا بس ضحية😹💔💔
واحيانا ماتنام واكون اخوها نايم وماعرف اروح له واحيانا العكس اخوها نايم هي صاحية تقعد لين تسع الصبح وأحاول انومها وماشوف من التعب الا خلاص انتهيت نمت..من كثر نامي نامي اقعدي خلاص بس يغمى علي وانام وساعة ساعتين الا صحيت عشانه يبغى الغداء وبدوام .
هي تنام احيانا بس لما بنبدا ماشوف الا صحت يعني توي مالحقت أقوم عنها الا وهي ورايي واء واء ويصحى اخوها من صياحها ويصيؤ اثنين يبكو .. احاول ارجعها تنام مافي فايدة ولو نامت صحى الثاني او احيانا قبل نخلص قعدو وزوجي ماقدر يكمل..توقف ليومك هذا من رمضان .
ان شاء الله اشوف مثل ماقلتي يجزاكم خير ويفرج همكم .

مااقولك ان فيه احد مرتاح بس ضروري ضروري تجلسين مع نفسك وتشوفين كيف ممكن تسيطرين على الوضع اقل حاجه تسوينها انك ماتخلين البنت تنام من يوم تصحى الصباح او الظهر الى ماتجي حزة نومكم ابد اشغليها واهلكيها لعب وباذن الله تنام لو اربع ساعات متواصله ولاتنام ابدايد وهي جيعانه لازم تنام على شبع وبالنسبه لاخوها عادي حتى لو صحي مامنه مضر باذن الله وجهزي رضاعته جنبك بحيث اول مايصحى تعطينه وادعي ان الله يسخر لك العيال وابوهم

معليش اسمحي لي يا اختي عندك سوء تنظيم لحياتك ، الامر سهل انك تنظمين نوم الكبير وثم تقدرين تسيطرين عالصغير وتخلينه جنبك عالقراش ان احتديتي ، الأم اذا انتظمت بحياتها ينتظم بيتها معها ..
روشي عيالك الساعه ٩ او عشرة يومين متتاليه روشيهم الليل عشان يخدرون ، وخليهم صاحين النهار غصب عليهم ، اطلعي بهم اي مكان لو للحديقة ، ترى حتى الصغير يمديه يتعود ، الترويش يسبب نوم للاطفال ،، المهم لايجلسون قبال مكيف ، يتروشون ونشفي شعورهم وحطي لهم كريم ولبسيهم بجايم وثم نوميهم ، الا مايجي ساعه نوم كاملة لهم بدون تقطيع ، روحي قيها لزوجك ، مو لازم الا وقت الفجر ترى ومو لازم هو يجيك بامكانك انت تبادرين وتروحين ولله انه يفرح بمبادرتك ،، انت مديرة بيتك وسيدة فيه والزوج يمشي على نظام الزوجة الجيدة ومايخالفها ويحس انها امه واخته وزوجته وكل دنياه .
اكلمك كأخت فلا تزعلين مني ..
حسيت بأسلوبك نوع من الاضطجار والضياع بنفسك والموضوع سهل ..
الاطفال سعادة فلا تخلينهم عائق امام سعادتك وخليهم سبب يزيد سعادتكم .. كون زوجك بدا يطفش معناته جو البيت غير مريح وجو البيت نكد .. رتبي البيت ورتبي وقتك واهتمي بنفسك وعيالك وشغلي البخور وتعطري ونظفي نفسك وحطي روج ونادي زوجك بوقت مبكر للبيت ،،، الا مايجي للرضيع وقت يكون نايم ،، انت بس ضايعه بحالك والأمر سهل .. جداتنا كانوا مبسوطات ومسفهلات بدون خدم وعيالهم على بعض ، تلاقينهم ينظفون ويرتبون ولكن ينامون بدري وينظمون عيالهم معهم ، وحتى كانوا كل عيالهم معهم بالغرفة بلا بيوتهم صغيرة وحياتهم كسيفه لكن كانوا منظمين ،، ولله وحدة تقول معها توأم ونظمتهم ماشاءالله بدون خدامة لأنه هي منظمة وبامكانك تسألين امهات التوائم ، نتعايش مع حالنا ومانضطجر ونناظر الغير ، نعيش بوضعنا وحياتنا مثل ماهي ، نسعد بكل لحظة وبكل دقيقة ، ان بكى الطفل نشوف وش مضايقة ونهديه ونلاعبه ونغاغيه ، ترى الزوج ينبسط بتلعيب زوجته لاولاده ويحب دلعها بتلعيبهم ، البعض طول اليوم صراخ وجفاسه ، لعبيه يانونو وياحياتي وياننه وياقلبي وووه وودي اكلك انت وابوك قد ايش لذيذين ، كلمة تويديهم وتجيبهم ولله

مشكورين يجزاكم خير على المساعدة لادعي لكم ليل نهار🦥💕
أنا مشكلتي عندي خمول وسرحان وارق فليل وتوتر من كثر زوجي يبغى كل شيء منظم اصير اتوتر لأنه ماصار مثل مايبغى وبنتي الله يهديها تحوس كل شيء وتعفسه في دقيقة 😞

وحركية واجد وتسوي شغب وزوجي ينزعج ماعنده تفهم ان هذا الاطفال كذا احاول افهمها لاتسوي كذا ماينفع ماتفهم خاصة إذا قبل النوم تجيها الحالة..وزوجي يعصب وحتى عليها وأنا اتوتر من الوضع ودي انها ماتسوي كذا وتكون هادئة الله يهديها واحيانا اسبحها المغرب وتنام بعد كم ساعة ولكن زوجي يجي ١١ ونص واحيانا ١٢ ونص الا مامدر وهي صحيت رأسها خفيف كان مسوين لها شفط شمع من الأذن ..والحين اقل شيء وتصحى .

البنيه تكبر تعقل باذن الله بس لاتاخذ من صحتك ، بردي قلبك ووسعي صدرك وخذي الامور بهدوء .
زوجك لو شافك مهديه نفسك وممشية الاموو بيهدا ويتعود