الشكر لك انت واحة الأمل

و لنتذكر .... تغيّر أنت ليتغير ما حولك!

أين تجارب البقية..

واللا منتدى ملائكي وحنا ما ندري :17: :27: << أمزح D:

:: ::


واحة الأمل


ما تتخيلين كيف ان موضوعك جا بوقته
بذروة حاجتي لحنان أمي وتفهمها ... وانها تسمع صوت
أنين قلبي .. ولو لدقايق بقلب نابض بأحساس ...


تسمعني بقلبها قبل عقلها .... بقلب أم دافي ...


آآآه جيتي على الجرح والله .... بس كلي أمل اني أعدل
علاقتي معها ... ترانا مو كلنا كاملين ... وانا مانكر
اني اغلط واخطي عليها بالكلام ... بس من قهري لأني
احس من ردودها لي ... اني بعالم وهي بعالم ثاني ...

لا تفكروني اسب ولا شي .. حشاني ما اسويها
احترامها عندي تاج على راسي ...




احس وكأننا نتكلم بلغتين مختلفتين !!! نحاول نوصل
المعنى بالقوه !! وبالاشارات !


__ __


بسمة للأبد ما تتخيلين قد ايش بكيت من موقفك
مع امك وتمنيت اني اقدر امر بنفس هالتجربه
لأن علاقتي معها .. يتخللها برود !



احس ان الكلام الوحيد اللي نقدر نكون
فيه مرتاحات ومنسجمات ... السوالف والضحك والاقتراحات في ديكورات
البيت ... وفي الملابس والاكسسوارات ... بس!



انا متأكده 100000 % انها تحبني بجنون
بس لا أنا ولا هي نبين لبعض بكلام واضح! ولا عمري ! تتخيلون؟



سافرت لدولة خليجيه ادرس فيها .. لمدة سنه
قالي والدي شي استغربته وحسيت بشعور غريب!


كانت امي طول فترة غيابي عنها تبكي! وتحاتيني !
رغم اني بكيت لما ودعت اخواني واختي الصغيره ... لكن
لما ودعتها هي وابوي ... ما نزلت ولا دمعه ! ليش مادري؟



هي توقعت لما شافت دموعي وانا احظن اخواني (لأول مره)
اني راح ابكي بكاء حار بين احظانها ... بس للأسف وداعنا كان جاف!



آآآه .... بالنسبة لي انا أهم شي عندي
الراحه النفسيه .. ما تهمني المظاهر او الماديات .. مهما كانت ....



الحاله النفسيه عندي تأثر علي بشكل كبير
رغم ان اللي يعرفني يفكرني شبه عديمة احساس !


مو اني ما احس بالغير بالعكس ... اني ما أتأثر
وماعندي مشاعر حب اظهرها !


امكن لأني استحي بطبعي !!!



شفتوا احد يستحي يظهر مشاعره؟ لأهله ؟
المشاعر الوحيده اللي اظهرها بكل ثورتها ... مع حبايب قلبي
وهم معدودات على اصابع اليد الوحده ! وحتى مو كل اصابع اليد !


لما اجلس معاهم .. ارتاح .... احس بالراحه النفسيه
بكل جوارحي ... بدون كدر ولا زعل ... ولا شي بالخاطر ...




الله يحفظهم لي ...






وخاصتا ً ....



الشخص الوحيد اللي منه فهمت نفسي ... وفهمني
كيف الحب الطاهر الصادق ... بدون هدف ولا مصلحه
وإجبار ولا مجامله ....



صاااااادق .... يدخل الى القلب بدون حواجز .....

__ __


وصدقوني راح احاول اني اقوي العلاقه
بيني وبين امي ... واحاول اسد الفجوه اللي بينا ...
واهدم الجدار اللي انوجد بين ضلوعنا .... ومنع ارواحنا تلتقي .... بصدق !




السموحه على الاطاله ...
تأثرت بالموضوع كثير !!!


:: ::

اقول لكم شي بس ماتزعلون والله مو تريقه ولا شي

بالعكس كلامك لو كل ام تسمعه كان الدنيا بخير

والله كل مااقرى رد اضحك من قلبي واقعد ابكي

بس يللااا الحمدالله بعيده بجسمها وبقلبها على قولتهم قلبا وقالبا

امي كانت صديقتي لكن!!!!!!!















































الله يرحمها ويغفرلها ولجميع موتى المسلمين ...مازلت احتاج لها..وافتقدها كثيررررررررر...
برغم المرض المزمن فيهاوتنويمها الدائم بالمستشفى كانت دائما" برغم كمل شئ تتفقدنا وتحتوينا وتسمع لنا
الله يغفرلها ويجمعنا بها في مستقررحمته يارب







































يابنات الله الله في امهاتكم ترى الام باب من ابواب الجنه ومثلها الاب.

كلام العيون ..
كلامك صريح واقعي.. من القلب إلى الكيبورد..
الله يجعلنا نرضي أمهاتنا .. ونبر فيهم.. حتى لو حسينا أنهم (( ظلمونا))
ولنكن نحن الأم التي نتمناها..


عذبة الفؤاد
هلا بك والله :)
تبيكين وممكن نتخيل السبب .. بس تضحكين .. ليش ؟ ضحكيييييييينا معك :)


شمعة في مهب الريح
صدقت .. بارك الله فيك وأسكن أمك الفردوس الأعلى .. آمين.