شوفي أختي اذا تبين نصيحتي لازم تكونين صريحه مع نفسك
يعني لاتقولين بنتي مؤدبه ولاتغلط
استحاله العمه على الفاضي تغلط على بنتك وتظربها
يمكن بنتك لسانها طويل تقول لعيال عمتها شي يضايق أمهم
أو بنتك من النوع اللي يستهزأ يعني مثلا ياالقصيره يالدوبه يالسوداء من هالكلام يعني تعاير بنات أو عيال عمتها
وأكيد زي ماأنتي ماترضين أحد يغلط على عيالك هي نفس الشي
أحيانا نتفاجئ بعيالنا وتصرفاتهم ولما أحد يشتكي منهم نستغرب ونقول معقوله لا عيالي مؤدبين
مافيه شي كذا بدون سبب
أنا على قولتك الاحظ دايم عمت عيالي تستهزأ بولدي من بد العيال وماتحبه حاقده عليه
اكتشفت ان ولدي مستهزأ بزوجها قدام ولدها اللي بعمره قايل لولد عمته أبوك أسود لأن زوج عمتنا أسمر
من يومها وهي حاقده على ولدي وأنا مالومها لأن
ولدها تعقد وصار مايبي أبوه يروح معه لبيت جدانه
أنتي اجلسي مع نفسك وشوفي عمتكم مع كل عيال اخوانها كذا والا بس مع عيالك اذا هي مع كل الأطفال كذا فهي من النوع اللي تحب عيالها بزياده ولاتبي أحد يغلط عليهم حتى من الصغار
أما اذاكانت بس مع عيالك فيمكن فيه مشكله بينها وبين زوجك اللي هو أخوها أو مشكله بينها وبينك قديمه هوشه قد صارت أوشي واذا مو كل عيالك بس بنتك هاذي فأكيد بنتك فيها يالقافه يالسانها متبري منها ماتحترم عمتها أو غلطت على عيال عمتها
أنا أقول لاتدخلين نفسك بمشاكل يمكن تخرب علاقتك بزوجك
بعدين شي مهم المفروض يوم ضربت بنتك ناديتي بنتك وجلستيها جنبك مهما كان بنت صغيره ترادد عمتها قدام الناس عيب أنتي غلطانه يومك تتفرجين ومتكتفه ليه ماقمتي وسألتيها وش سوت بنتي أنا أهاوشها مو تتفرجين على الهوشه وبعدين تدعين على الحرمه
وأنتي سلبيه مع بنتك مهما صار ومين ماكان الغلطان أنا ماأرضى ان بنتي تطول صوتها على اللي أكبر منها حتى لو قالت لي ماما ماسويت شي الطفل لازم من الصغر يتعلم الاحترام فما بالك بعمتهم
انتي استهدي بالله وماله داعي تدعين على عمة عيالك عشان شي تافه بزران كبري عقلك واستغفري وانسي الموضوع بنتك بتكبر وتنسى المهم أنتي لاتكرهين عيالك بعمتهم ولاتسمحين لهم يغلطون عليها قدامك بالبيت بالكلام قولي عمتكم تحبكم بس هي ذاك اليوم كانت تعبانه وفعلا ماتدرين عن نفسيتها ويمكن تكون حامل بعد ماتتحمل شي وحاولي دايم قبل لاتروحون لجدانهم تمسكين عيالك وتقولين اللي بيغلط على عمانه والاعماته مارح يروح معنا مره ثانيه هذولا أهلكم وحتى لو عمتكم هاوشت والا ظربت أحد هي زي أمكم وبنتك بالذات نبهيها لاتغلط على عمتها وعيال عمتها وكوني حازمه مع بنتك ولو صار شي مره ثانيه نصيحه قومي امسكي بنتك مع يدها واسحبيها وسكري فمها ترى أنتي تقولين أمها وخواتها ساكتين وأنتي صاحبة الشأن كنتي متكتفه لو قمتي وسحبتي بنتك وبينتي لهم انك ماترضين ان بنتك تطول صوتها وتغلط على عمتها صدقيني ماحد تجرأ وغلط على بنتك بس يمكن بنتك دايم تغلط وماتحترم أحد والا تتهاوش دايم مع الصغار وأنتي ماتقولين لها شي فقامت العمه بدورك اللي المفروض تقومين فيه
نصيحه لكل زوجه أكره ماعلى أهل الزوج واللي يجيب مشاكل ان الوحده حاطه رجل على رجل وتشوف عيالها يغلطون ويحوسون بالبيت والايبتهاوشون مع عيال عمانهم وهي جالسه تتفرج وتسمع عيالها يتلفظون بألفاظ شينه على الصغاروهي ساكته والا ممكن تنبهها عمتها على غلط سوتهوتقول وش دخلك كل هالأشياء تكره العمات بزوجة أخوهم هالسلبيه لو الله يفكنا منها

ليش كذا ردك ياميرة اول شي حبيت اقولك انها كذا مع كل عيال اخوانها واخواتها والكل يكرهها بعدين يفترض لوفرضا الطفلة غلطت عليها المفروض تتفاهم معي ودائماً اصلاً عيالها يغلطون على عيالي واسكت والمفروض حتى لوبنتي ردت عليها لانها مقهورة منها لانها ظالمة وحقود وهي تاخذ كل شي وتعطيه عيالها انا ابغى حل مابغى لوم وعتاب الحمدالله انا انسانة فاهمة وعاقلة بشهادة الجميع بصراحة بناتي يحبون كل عماتهم الاهذي مع كذا يحترمونه واشكر جميع الاخوات على ردودهم التي اثلجت صدري

والله في هذا الزمن صارو الأطفال سبب في تفريق الناس وهذا راجع لعقول الحريم الله يهديهم يتزاعلون والأطفال بطبعهم ينسون انا اقترح ان الأطفال يتصافون لحالهم يعني لحد يتدخل بينهم الا اذا صار شيء قوي ابتعادا عن المشاكل
الله يهدي عمتكم وترد لعقلها وتترك هالتفاهات

الله يهديها و يحنن قلبها على عيالك

أنا أبسألك أنتي ليه طرحتي الموضوع
عشان نطبطب عليك ونسب عمتكم وندعي عليها
والا تبين نشاركك بحل المشكله
ياترى لو كانت خالتهم هي اللي تسوي كذا بتتضايقين وتزعلين وتدعين عليها أكيد لا لأنها اختك عاادي تمون تهاوش عيالك بس للأسف بعضنا يعتبر العمه غريبه والا عدوه أي شي يصدر منها نكبره
ترى والله المشكله سهله بس أنتي مكبرتها لأنها عمتها لو أحد ثاني يمكن مازعلتي
عموما لاتزعلين أنا ردي نابع من تجربتي بالحياه الزوجيه وكثر المشاكل اللي أشوفها حولي بسبب الصغار
اذا من البدايه كل وحده اعتبرت أم زوجها أمها وخوات زوجها خوات لها عمر الزعل مارح يجي بينهم حتى لو يهاوشون عيالها ويطقونهم وأنتي تقولين علاقتك حلوه مع أهل زوجك
طيب كيف تدعين على أخت زوجك للحين عشان شي تافه
كبروا عقولكم ياحريم فلانه ضربت عيالي وفلان هاوش ولدي خذوا الأمور ببساطه ترى والله أنتم اللي بتنغثون ريناد ترى أكيد عمتهم من يوم طلعت من البيت ذاك اليوم وهي ناسيه السالفه وعايشه حياتها وأنتي منكده على عمرك وماتنامين وتدعين انسي الموضوع وادعي لها بالهدايه والله ياما بيوت اندمرت وأسر تفككت بسبب مشاكل الصغار
اصحي تشكين لزوجك من أهله أو تخلين عياله يتشكون ترى يسكت بس والله ماينساها لكم مهما كان هذولا أهله والله يهدي الجميع اذا أنتي للحين متضايقه من تصرفها اجلسي معها وناقشيها افتحي الموضوع واسأليها ذاك اليوم بنتي غلطت عليك يوم ضربتيها شوفي ردها يمكن تهدين وتعذرينها وقولي لها اذا مرره ثانيه أحد غلط عليك من عيالي علميني وحطيني بالصوره مو أتفاجأ بك تضربينهم وأنا ماأعرف وش صار وأوعدك لو هم الغلطانين يعتذرون لك ومن هالكلام ترى والله مافيه أحسن من المصارحه تصفي النفوس