السلام عليكم
بنات أنا جامعية الحمدلله و تخصصي تربية قسم علمي مطلوب بكثرة لكن المشكلة إني ما أبي أدرس ..وأنا دخلت هالقسم تحت ظروف قاهرة وإلا أنا كنت أرغب في مجال غير التدريس
المهم المدارس الأهلية مثل ماتعرفون متعبة من إدارة ومن طالبات مستحيل نسلم من هالشيئين أو أحدهم عالأقل أكيد انتم عارفين ..
وأنا جربت فترة وتركت ..أنا حابة التدريس كتدريس لكن كرهت الوظيفة من التعب والكرف تخيلوا أدرس أقل شي ثلاث مراحل كل مرحلة أكثر من فصلين .. يعني في المدرسة تعب وفي البيت تعب لدرجة إني لا أكلي ولاشربي ولانومي زي الناس لأني من النوع الحريص اللي يحب كل شي يكون متقن وأخاف أنقص شي يصير في ذمتي .. حتى أمي كرهت الوضع لأني نحفت وتعبت نفسيا وجسديا
المهم دورت على شغل ثاني مالقيت راح عمري لا تطورت في مجالي ولا اشتغلت شغل ثاني
والحين السنة الجاية عالأبواب أبوي وأخواني يقولون لازم تدرسين هالقعدة مو في صالحك والوالدة تبيني أشتغل في شي ثاني وأنا محتارة راح العمر وأنا في مكاني
مع العلم إني حاولت أدرس في جمعية أيتام أو جمعيات خيرية بدون راتب بس مالقيت .. و فكرت أدرس خصوصي في البيت لكن محد يرضى يجيب بناته لبيتنا وأنا نفس الشي ما أروح بيوت الناس ..وأنا أخاف أنسى اللي درسته.. حاولت أكمل دراسات عليا ما كتب ربي درست دورات ثانية من انجليزي وحاسب لكن مافي فايدة مالقيت شغل ... يمكن المشكلة مو كبيرة لكن أنا نفسيا تعبااانه وحتارة لأني من النوع العملي ما أحب القعدة الفاضية والحمدلله طول عمري متفوقة وأنتظر اليوم اللي اشتغل فيه وأحصد نتيجة تعبي .
وش نصيحتكم محتااااااارة جداً
فتاة الفضيلة @fta_alfdyl
عضوة نشيطة
يلزم عليك تسجيل الدخول أولًا لكتابة تعليق.
ظبية مكة
•
الله يعطيك اللي يتمناه قلبك
الله يرزقك اللي تتمنية حاولي تاخذين دورةخياطة اوتجميل او درسي في حلقة تحفيظ القران او محو الامية
الصفحة الأخيرة