مــثل العنوان بالضبط
وش رايكم بالعمه واخوات الزوج اللي تحسين انك تطيحين من عينها لو شافتك بمجلس الحريم هادئه وخجوله او وحده رمت عليكي كلام قامت عمتك تناظرك بنص عين ؟
او بيتك مو مدخول تصير تعاملك انك منبووذه ومالك قيمه
انا بخبركم على عمتي واخوات زوجي
انا وعمتي واخوات زوجي لو تقابلنا عند الناس سواء زياره او حفله او زواج
واجتمعنا انا وياهم لحالنا بعد المناسبه مايسولفون الا عن بنات معينات ويتركون الباقيات
وبعد فتره من عشرتي لعمتي لاحظت اللي تجيب طاريهم وتعجب فيهم يميزهم صفه مشتركه وهي (الجـــــــرأه واللسان السلييييييييييييط جدااااااا)
طبعا لما صرت عارفه عمتي زين وحافظه طبعها وطبع بناتها صرت يوم اروح مناسبه اقول اكيد بتناظر فلانه وفلانه الملسونات وقويات البـــــاس
وفعلاااااااااا
عيونها ماتشيلها عنهم مع انهم متزوجات يعني مافي مجال تخطبهن لعيالها لكن تحسين ودها تاكلهن
وحتى لاولادها ((قبل زواجي انا من ولدها)) ماكانت تسولف مع اولادها الا عن الحريم المعروفات بقوه الشخصيه والملسونات
لدرجه ان زوجي فاجأني وطلع يعرف عن خالتي اخت امي ,وبيوم قالي خالتك بوشو معروفه ؟؟ قلتله ليش تسأل؟ قال لا بس امي سولفت لنا عنها انها متكبــــــره و قووويه ومحد يقدر عليها وويتكلم وعيونه كلها اعجاب! خالتي ترى عجوز اكبر من عمتي بس اقصد اعجاب شديد بشخصيتها وكل الشخصيات اللي تشبه شخصيتها .
عمتي وش وصلها لخالتي ؟؟!!! بس عشانها ام لسانين والفاظها +18 قدرت تلفت نظر عمتي سبحان الله!
وتــــــــــرى اعجااااااااااب لاتقولون استغراب ولا استنكار
لدرجه اخوات زوجي دايما يحاولون يقلدون هالنوعيه من الحريم بعد كل مناسبه يجيهم زي الانفصام بالشخصيه وتتغير شخصياتهم ويقلدون نفس نبره الصوت او يغيرون طريقتهم في الكلام او الفاظهم يتقمسوها زي هالقويات المتكبرات المسلونات بالمجالس
وسبحان الله سبحان الله سبحاااااااان الله بعد كل مناسبه يكرهووووووني عمتي واخوات زوجي مره يبان بعيونهم ويرمون علي كلام , اصلا مايرمون كلام الا لو جات مناسبه ,وتقلب علي مررره.
اذكر مره دار بيننا حوار انا وام زوجي واخواته و حمدت الله على نعمه العقل :
قالولي مسكينه فلانه الحريم دقوها اليوم بالكلام وقالولها انتي كذا وسكتت ومادافعت عن نفسها
انا علقت قلتلهم غلطانه بسسكوتها المفروض انها ردت عليهم مو تسكت
ضحكوا قالو العيب موجود فيها يعني ترد وش تقول؟؟ ولا تنكر الصفه الموجوده فيها مثلا؟؟
قلت لا ماتنكر بس تاخذ حقها وتحافظ على كرامتها لانو فلانه بنت فلان وجهولها نفس الدقه وردت عليهم وسكتتهم
الا ام زوجي واخواته تحمسوا وصرخوا و ماتو ضحك قالو لااااااااا فلانه غييييييييييييييير فلانه هذه معروفه شخصيتها قووووووووووويه ومحد يدوسلها على طرف و تقدر ترد عليهم لايق عليها لكن هذه ماعندها لسان الصح انها تسكت ابرك لها !!
طبعا غسلت يدي من تفكيرهم العقيم وسكت.
يعني حتى الدفاع عن النفس ممنوع للهادئه واللي بحالها؟؟!!!
وردها ودفاعها عن نفسها ماله قيمه الا لو كانت رداحه وقليله ادب ؟؟!!
احسهم اغبياااء وسطحيين مايعرفون ان الثقه بالنفس لاتعني الهواش او الصراخ او اللسان الطويل.
ترى موضوعي مجرد سالفه وكنت ابي اقولها وقلت اشارككم الكلام كأننا بمجلس يعني ونسولف
وش رايكم بأهل زوجي ؟؟
هيبه ورزه @hybh_orzh
عضوة نشيطة
يلزم عليك تسجيل الدخول أولًا لكتابة تعليق.
كينونا
•
الله يشفيك ويشفيهم
نور
•
انا اشوف سلاطة اللسان مو كويس
بس الواحد يدافع عن تهمه جاته بالعكس هذي ضروري
او الوحده تدافع عن اهلها ونفسها واولادها بالعكس ذا المطلوب انها توظح وتبين بدون قلة ادب
اما الحرمه تذب كلام واذا جاتها كلمه بسيطه من وحده ما تقصد قامت طلعت من ذا اللسان السم الي يسم البدن
انا اعتبرها نقص عقل
ولازم تعرف ان كل كلمه محاسبين عليها ورسول صلى عليه وسلم حذر من حصائد اللسان
وانها تدخله النار اذا مسك للسانه عن الناس
انا احترم الي تعرف متى تتكلم ومتى تصمت
بس الواحد يدافع عن تهمه جاته بالعكس هذي ضروري
او الوحده تدافع عن اهلها ونفسها واولادها بالعكس ذا المطلوب انها توظح وتبين بدون قلة ادب
اما الحرمه تذب كلام واذا جاتها كلمه بسيطه من وحده ما تقصد قامت طلعت من ذا اللسان السم الي يسم البدن
انا اعتبرها نقص عقل
ولازم تعرف ان كل كلمه محاسبين عليها ورسول صلى عليه وسلم حذر من حصائد اللسان
وانها تدخله النار اذا مسك للسانه عن الناس
انا احترم الي تعرف متى تتكلم ومتى تصمت
اهل زوجك ع بالهم انهم اقوياء وشخصيتهم قويه واذا شافو وحده اقوى منهم بتلقت نظرهم اكيد وانتى خليك ع طبيعتك ومالك فيهم الله يعينك ويصبرك عليهم
نور :
انا اشوف سلاطة اللسان مو كويس بس الواحد يدافع عن تهمه جاته بالعكس هذي ضروري او الوحده تدافع عن اهلها ونفسها واولادها بالعكس ذا المطلوب انها توظح وتبين بدون قلة ادب اما الحرمه تذب كلام واذا جاتها كلمه بسيطه من وحده ما تقصد قامت طلعت من ذا اللسان السم الي يسم البدن انا اعتبرها نقص عقل ولازم تعرف ان كل كلمه محاسبين عليها ورسول صلى عليه وسلم حذر من حصائد اللسان وانها تدخله النار اذا مسك للسانه عن الناس انا احترم الي تعرف متى تتكلم ومتى تصمتانا اشوف سلاطة اللسان مو كويس بس الواحد يدافع عن تهمه جاته بالعكس هذي ضروري او الوحده تدافع...
وهذا اللي اقوله بالضبط
ليش قله الادب ورفع الصوت مو شي حلو
حلو الانسان يعرف متى يتكلم ومتى يسكت
ليش قله الادب ورفع الصوت مو شي حلو
حلو الانسان يعرف متى يتكلم ومتى يسكت
الصفحة الأخيرة