السلام عليكم يا آنسات ومدامات حواء
ولهت عليكم صحيح اني ما اشارك بس داااايم تفيدوني بمواضيعكم و تجاربكم
وانا حابة اليوم أعرض تجربتي ^___^
اللي استفدتها منكم الله يجزيكم كل خير
طبعاً غالبية البنات يعانون من جفاف الشعر بسبب الحرارة وقلة شرب الماء
فـ راح أعرض أفضل الاشياء اللي استخدمتها ( للترطيـــب ))
ونفعتني بفضل من الله ولله الحمد
1- االزيوت
- زيت جوز الهند ( باراشوت أو اللي يكون في علبه معدنيه + يكون صاااالح للأكل ) .. جربت كثيررر زيوت للترطيب لكن مثل جوز الهند الاصلي ماشفت
( الطريقة اني افرق شعري قسمين وامشطه زين مررره
وبعدها ابدا ادهن الفروه وانزل شوي شوي وانتبـه ان كل الشعرات تغطو بالزيت
وان الشعر ارتوااا منه وأجلس من ساعة إلى ساعتين وبعدها أغسله زين
وتمتعي بشعر لامع وصحي وجذاب << اخخخص خخخ)
2- الشامبوهات
- شامبو دوف >> يرررطب مرة + بس طلع لي قشرة ..لكن كل وحده وفروتها ^^
- شامبو برت للشعر الجاف
3- الخلطات
- حبتين اوفوكادو أو موز أو مانجو + ملعقة عسل + ملعقة زبادي + 1 بيض (اختياري)
- مايونيز +زبادي
-زبده أو سمن تذوبينه وتدهنين به شعرك
( ترطيبهم مررره قوي ويرووي عطش الشعر المسكين )
4- الاعشاب للعنايه العامة
- الجرجير (للتساقط)
-مويه البصل ( للتكثيف والتطويل )
- الحلبه
- الأملا (الأملج)
- السدر (يجفف) لكنه مفيد جداً + الياس
- الحنا ( طبعا الكل عارف فوايدها لكن صاحبات الشعر الجاف حاولو ماتتحنون كثير لانه مررره يجفف )
تقدرون تستخلصون فوايد الاعشاب والحبوب بتنقعيهم في أي زيت مدة 10 ايام
مثلاً جيبي زيت عافيه ونقعي فيه الحلبه أو اخلطيه مع بودرة الاملج أو السدر ..الخ
واستخدميه مرتين في الاسبوع للتغديه
5- حمامات الزيت
1- حمام زيت انرجي ,, مرررره يجنننننن
2- بانويل
3- لوريز
6- العناية
لبعد السباحه و المحافظة على ترطيب الشعر
- سبراي بانتين هذا اللي مرتز ع اليمين
أرشة على شعري وهو مبلول شوي وامشطه
2- بديل الزيت من بانتين
احط مقدار نقطع وامسح فيه شعري من فوق لتحت للمعة
3- بالمرز الكريم المغذي
بعد مقدار بسيط جداً
7- نصائح عامة
* انصح داااااااااايم بأستخدام مشط خشـــبي والابتعاد عن البلاستيك اللي يضر الشعر ويخدش الفروة
وتلقونه في أماكن كثير مثل بودي شوب وعند بعض التاجرات
*تمشيط الشعر قبل الاستحمام , علشان ما يتشابك بعد الحمام وتضطرين تمشطينه وهو مبلول وبالتالي يتساقط لانه يكون ضعيف
*العناية ع الاقل مرة في الاسبوع , ان كان بتزييته بأي نوع من الزيوت + أو حمام الزيت أو خلطه
* التمشيط بررفق ونعووومة ومن الأسفل للأعلي , حاولي تفرقينه من النص
و فككي المتشابك تحت وارتفعي شوي شوي للأعلى
علشان ما يتقطع الشعر وينشد
* فرك الشامبو بنعومه بأطراف الاصابع وعدم حك الفروة بالأظافر
* عند تزييت الشعر او استخدام خلطه أيضاً راعي ان الشعر يكون مرتب وغير متشابك
وبعدها أفردي الخلطه من الفروه للأسفل وركزي ع الاطراف ولفيه بهدوء بدون تتكسير للشعره
وحاولي تجلسين بمكان حار علشان تتفتح مسام الفروه وتتغذى
* الاتبعاد عن الصبغ بقدر الاماكان + كل انواع الفرد من الكيراتين وغيررره +الاستشوار
* اذا ماودك ينتفش وانتي نايمه , جدليه على جمب ولما تقومين وتفتحينه يعطي شكل ويفي ناعم
* شرب الماااااء + شرب الماء + شرب المااااااااااء والمشروبات العشبية مثل البابونج والشاي الاخصر و حليب الصويا وعصير البرتقال والجزر بين فترة وأخرى
* أكل الخضروات +البيض + الفيتامينات الي تحسينها ناقصتك
وأنصح بحبوب الفوليك أسيد + الحديد + فيتامن د << يفضل استشارة الطبيب حسب الحالة الصحية , لكنها فيتامينات ما منها شر بأذن الله
* قص أطراف الشعر كل 3 شهور
* لتعطير الشعر حطي نقاط صغيرة من زيت بيبي جونسون البنفسجي ودهن العود في شعرك وهو شبه مبلول وبعدها بخريه بـ عود .. تطلع الرييحة جنننان
* النصيحة الأخيره والأهم تصدقي عن شعرك وجسمك دايم ولو بريال
حطي حصاله في مكان دايم تمرين عليه مثل طاولة التسريحة وحطي ريال او ريالين
بـ نية الصدقه عن جسمك وشعرك
وآخر الشهر اعطيهم لأي جمعيه خيرية أو شخص محتاج
و بأذن الله بيتعالج الشعر شوي شوي مع الاهتمام والعناية الدائمة ^__^
واعذروني طولت عليكم ولكن حبيت أفيد بكل شي فادني
وحلال اللي بتنقل الموضوع
بس أبي منكم دعوة حلوة
سبحانك اللهم وبحمدك .. أشهد أن لا إله إلا أنت .. أستغفرك و أتوب إليك
زيت براشوت من فين اشتريتيه ؟