ر
طبعاً الشعر الجميل حلم كل انثى
طبعا الحين الحو بارد وغالبا اتحمم بعد 3 الى 4 ايام ..
لكن بالصيف *****الله وبما اننا نتحمم يومياً ادهن شعري قبل الحمام بساعتين
بالنارجين
وانتي اذا ماتحبي ريحته استخدمي هذي الخلطه وعن تجربه تغذي الشعر وتطوله
علبه خروع - علبة من زيت الحشيش - علبه من زيت الشمطري - وعلبه من زيت
الصبار والعلب هذي اللي على 10 ريال
وبعد كذا اغطي شعري كامل بكيس نايلون ولاافكه الا اذا بغيت اغسله .
واغسلي شعرك بالشامبو اللي يناسب شعرك وانا افضل شامبو زيت الزيتون
اللي من صانسيلك صراحه يخلي الشعر حرير خاصه الخاص بالشعر المقصف
والضعيف وما اغسل شعري ابداً وهو ناشف ومافيه زيت ..
وبعد مااغسل شعري وانضفه اجيب مقدار بياله من خل التفاح وبياله ماء واخلطهم
واوزعه على شعري ..
وكل بعد اسبوع اقص اطراف شعري واحاول اخفف من الاستشوار ..
هذي طريقتي للعنايه بشعري وهي سهله ولا تحتاج تكلف
والحين خلونا ننتقل للوجه
اذا تبغين بشرتك تكون حلوه ومشرقه اهتمي بتنضيفها لان التنظيف اهم شي
طبعا اول مااصحى لازم اغسل وجهي بالصابون واستخدم صابونه ( بايودريم) صابون
مبيض بالماده الواقيه من الشمس مع فيتامين ( E )
وهي صابونه للدكتور ( وونج ) المهم هي صراحه رهيبه .
بعدين ادهن وجهي بكريم توتال افيكتس
واذا جيت انا م اغسل وجهي بنفس الصابونه واحط حليب منظف لمده عشر دقائق
وبعدين انضفه بالقطن وبعد كذا احط كريم مغذي ومبيض ( سائل ) واوزعه بالقطنه
على وجهي ومن نفس ماركة الحليب .
وانتي ااستعملي اي حليب ويفضل المغذي يكون من نفس الماركه .
وانا افضل الصابون لان بشرتي دهنيه ولو استخدمت الغسول يطلع فيني حبوب والصابون حلو
ينشف الحبوب ويزيل الدهون .
والصنفره استخدمها بعد كل يومين وافضل صنفره اللي بالمشمش بس صناعتها XامريكيهX .
وبالنسبه للاقنعه نادر اعملها شهر احط وشهر لا . لن بشرتي الحمدلله مو محتاجه
واذا حسيت ان بشرتي مش ولا بد او طلع فيني حبوب استعمل المقشر ريتن A .
نجي للاسنان
طبعا مافيه احد ماينضف اسنانه يوميا لكن البعض ينضف اسنانه اول مايصحى وبس !!
وفيه جل للاسنان جديد يجنن استخدمه من مدة شهرين وجاب نتيجه معي .
وهو يزيل صبغات الاسنان ويبيض ويحمي من التسوس اكيد - ويستعمل بدل من المعجون العادي . اسمه freshdent ( فريش دنت )
وعلبته على شكل جذر سن .
وايضا انضف انضف اسناني بالملح والليمون او الفحم الطبيعي ..
وانا احط بعلبه صغيره ملح واحطها عند المغسله حتى مااتكاسل اروح المطبخ
والحين جينا لليدين والرجلين
ومن فيكم ماتحب يدينها تكون حرير
وصراحه انا اهتم بعنايتي بيديني ورجولي بدرجه مفرطه وراح اقولكم طريقتي
اولا انا عامله خلطه مخصوص وادهن منها يديني ورجولي اذا بغيت انام والبس قفاز ولرجولي
شراب . ولما اصحى امسحهم بماء الورد ( يوميا ً ) وماامشى بدون جزم ابداً وانتم بكرامه .
وراح اكتب مقادير الخلطه عشان تستفيدون
علبه زيت الاطفال من جونسون - علبه جلسرين + ملعقتين جليسوليد - علبه من زيت اللوز
اخلطيهم مع بعض كويس واحفضيهم بعلبه عندك وحطيها بغرفتك .
واذا جيت انام انضفهم بالقطن بالمنضف من كلين اند كلير الاحمر واسوي نفس الطريقه اللي ذكرت
الحين جينا للجسم كامل
جسم ناعم وناصع حلم كل وحده فينا
وراح اذكر طريقتي لعمل الحمام المغربي ....
ادهن جسمي كاااامل بالصابون المغربي وادخل الساونا لمده 30 دقيقه
وقبل لااطلع بعشر دقايق اقول لزوجي يفتح الدوش على الماء الحار بالحمام ويسكر الباب
وعلى طول للحمام بعدين افرك جسمي بالقفاز اللي مع نفس الصابون لانه احسن نوع
وافرك على شكل دائري من فوق لتحت وبسرعه واركز على الركب والاكواع
بعدين ادخل تحت الماء الداااااافي واغسل الصابون بسرعه واطلع مره ثانيه وافرك مره ثانيه تفريك كامل وعميق
وبعدين اغسل من الصابون واشطف جسمي بالماء
واكون مجهزه بصحن ملح خشن + عصير نصف ليمونه وافرك فيه جسمي وبشويش لان الجلد بعد الحمام بيكون رقيق وبيتأثر على طول .
وبعد مااطلع ادهن جسمي بالخلطه حقت اليدين اللي ذكرت سابقاً 0
واخر شي اشب الفحم واحط البخور ( عود ) او معمول ريحته حلوه ورشتين من عطر مونتانا
واحطه بين رجولي عشان يطلع لكل جسمي .. والريحه تطلع جنان
هذي الطريقه اسويها كل شهر .
منقول من ايميلي المتواضع..
مع تحياتي للجميع
اختكم