السلام عليكم صبايا
موضوعي اليوم عن عنايتي عن الوجه
وجهك هو مرآة جمالك وعنايتك ونظافتك
وواجد اشوف بنات مدهرات خلطات لاجسامهن وناسيات وجيههن ورقابهن ويوم تشوفينهم بحفله والا عرس حطت فاندويشن افتح من درجة بشرتها بعشر مرات وهمن يطلع اللون وووع جاي رمادي
والا تحط بوجهها وتنسيى الرقبه جاي رمادي ع بني
عموما نبتدي الشرح للعنايه بالوجه
معلومات قد ترغبون بمعرفتها :
1/ الاستمرار على نظافة الوجه دائما يعني هالكورس اعتمديه طول حياتك وش عندك غير نفسك ؟؟
2/ موب بالشرط تطبيق العنايه بحاذفيرها للوصول الى النتيجه المطلوبه اهتمام قليل متواصل خير من اهتمام كثير منقطع >> اررررررررررحمينا
3/ بشرتي تعتبر بشره عاديه( مختلطه) وماسيبطق ادناه من خلطات وكريمات لم يؤثر علي الحمدلله واللي تجرب وتطلع لها نتائج عكسيه تتوقف فورا عن الاستخدام
4/ الصور للامانه عن طريق عمو قوقل ماعرفت اصور اغراضي واسحب باللاب لعدم توفر خدمة البلوتوث او بالاحرى (خربان ) >> لابها
من العصر الحجري
يلا نقول بسم الله:
اول شي مع الصباح الباكر اصحى واهلل واكبر واروح اغسل وجهي بصابونة البابايا واتوضى واصلي الفجر >> يوميات صارت
لاصدق اغسل الوجه بصابونة البابايا 3في 1 افضل نوع ناسبني
بعد كذا احط واقي الشمس وانتي عاد وبشرتس بالنسبه لي استخدم ماركة ( نيتروجينا ) وفيك تستخدمين ماركة بيزلين او فيشي كلها واقياتها تأدي الغرض
وبما اني اداوم في مكان مغلق فمايحتاج احط كل اربع ساعات
لكن نصيحة طالبات الجامعه بالذات عشان المطامر بين المباني وبعز القايله ياخذونه معهم ويتمرطسن (يضعونه )
كل 4 ساعات
اذكر بالجامعه كنت اروح التواليت (والله يكرمكم) واتمرطس هناك اطلع ووجهي ويديني تلمع << ضريبة الاهتمام
خلصت دوام ورجعت البيت طبعا اغسل وجهي برضو بالبايايا واحط قناع طبيعي ( هالقناع 3 مرات اسبوعيا فقط )
ملعقة صغيره عسل , ملعقة صغيرة نشا , ملعقة صغيرة ماء ورد ,ملعقة صغيرة زبادي , حبة ليمونه معصوره
اوزعه عالوجه والرقبه واخليه لين ينشف وازيله بالماء الفاتر واجفف وجهي واحط مرطب
مرطبي كريم جونسون او دوف او فازلين بزبدة الكاكاو امممممم ياريحته لذيذ
بنات: ضروري ضروري الترطيب اللي يسبب الاسمرار والتجاعيد هو ان الوجه يجلس جاف ويتقشر والمويا الحاره هي السبب الرئيسي في ذلك
بعد كذا وقت النوم احط قبل لاانام كريم افالون للتبييض روعه روعه روعه وانام فيه لليوم الثاني واقوم اغسل وجهي بالبابايا وهكذا
بالنسبه للافالون نصح فيه جابر لعدم احتوائه عالكورتيزن او الزئبق مبيض طبيعي وخفيف عالبشره
اذكر استخدمته قبل زواجي ايام الجامعه لان الشمس لعبت فيني لعب واستمريت خمس شهور >> متحمسه
وربي مابقى بنت الا تسال وش زينتي بوجهتس لا اله الا الله
هنا خلصنا العناية اليومية
برب