العناية بالجسم في فترة النفاس

جزاك الله خير على الموضوع
وانا اضم صوتي لصوتك
ارجو من الاخوات يفيدونا
لأن كل شي خربان :(

up

مشكورة على الموضوع المهم،، و يا ريت في تفاعل عشان الكل يستفيد بس سبحان الله ما في حد يبا يشارك تجربته،، أنا ما زلت في النفاس،، طبعا ما في ريجيم،، حطي بالج،،، لا تسوين أي نوع من أنواع الريجيمات لأنها مضرة في فترة النفاس،، المفروض تاكلين و تشرين ماي وايد عشان تعوضين اللي فقدتيه في فترة الولادة،،، و تشربين الأشيا الحارة عشان تنظفين الرحم،،، بس لا تكثرين عصاير عشان ما تنتقخين وايد،،،و عادي لو وزنج زاد شوية بس مب أكثر عن كيلوين أو ثلاث

- قبل الشاور بساعتين حطي لج الخلطة (كريم جليسوليد و زيت اللوز و ليمون حطيهم في علبة خاصة) على جسمج كامل خصا الأماكن السودا مثل الأرداف و البطن و لو ولادتج قيصرية حاولي تبتعدين عن الخياطة قدر الإمكان و حطي دايما عليها كلينكس عشان يتم جاف و بعدين خذي الشاور و أفضل لو تستخدمين صابون البابايا للتبييض أو إكسترا ديرم للتبييض
- بعد الشاور جففي جسمج و حطي كريم مرطب و اخلطي فيه شوية من كريم فير ند لفلي للتبييض على جسمج كامل
- قبل لا تنامين خذي قطنة و بلليها ب إسكينول و افركي في الإبطين و شوفي السواد اللي بيظهر
- اشتري لج استرج و البسيه دايما و حاولي تلبيسين مقاسات شوية ضيقة عشان جسمج يتماسك، و لو ولادتج قيصرية لا ترصين بطنج قبل ما تكملين 6 أسابيع عالأقل
-سوي لج ماسكات للوجه من الطين عشان يتماسك عدل ،، سويه مرتين في الأسبوع كفاية،، باقي الماسكات سويهم للعناية و الترطيب و التبييض بشكل يومي
-حاولي دايما ترطبين وجهج بالليل قبل لا تنامين
- بالنسبة للشعر الحمدلله أنا ما عندي مشكلة التساقط،، بس حاولي تسوين لج حمام كريم باستمرار و ادهني شعرج مرة بالأسبوع و لو تساقط مب طبيعي خذي راي الدكتورة عشان تعطيج فيتامينات حديد و أدوية تعوضج من الداخل قبل ما تهتمين من برع
- حاولي تسوين تمارين بطن لو ولادتج طبيعية و كثري من المشي و لو قيصري بس امشي و لا تشدين بطنج أبدا
- و لا تنسين تمارين كيجيل تراها وايد مهمة
- آخر أسبوعين من النفاس سوي لج حمام مغربي 3 مرات عشان تتنظفين عدل
- و طبعا آخر شي سيري الصالون عشان تسوين لج نيو لوك،،، طبعا أول شي تتنظفين بالحلاوة و حاولي تسوين هير كت و لو تبين تصبغينه (ما أنصحج إلا لو تبين تصبغين خصل فقط) بس الغرة بتغير شكلج و شقري ويهج و سوي شعرج و مكياج خفيف و فستان يديد و لا تنسين العطورات المميزة و قميص نوم مميز
- مري بدربج على عبداصمد القرشي و اشتري المسك عشان بعد ما تتطهرين تنظفين المنطقة الحساسة و تمسحينها بالمسك من برع عالخفيف
هذا اللي أنا أسويه و ما زلت،، و باجي لي 15 يوم و بخلص النفاس و الله يوفقني و إياكم جميعا،، أتمنى أكون أفدتكم حتى لو شوية و و السموحة

جزاكم الله كل خير

الســــــــــاحل

موضوع حلو

ما شاء الله عليك اختي الساحل تجربة مليئة بالفوائد الله يجزاكي خير

بس انا سمعت ان شرب الماء ينفخ البطن

نبي مزيد من المشاركات والفوائد والتجارب