العناية بالشعر

السلام عليكم بنات كيفكم ان شاء الله طيبين. الله يصلح الحال لما ولكم ياارب ويرزق كل وحدة بلي تبغاه . بنات انا مقلقة شوية وقلت استشيركم بخصوص موضوع شعري. كان عندي ماشاء الله شعر كثيف وقوي ولكن للأسف تساقط لي وصار خفيف ولسى في تساقط بعد وهذا لي معصبني لكن الحمد لله . المهم بنات والآن مرة ابغى اهتم فيه يعني لي رغبة قوية فبدأت استخدم زيوت مرتين فالأسبوع وبيضة مع زيت زيتون مرة في الأسبوع وماء البصل مرة في الأسبوع وبخاخ الروز ماري( ماء واكليل الجبل والقرنفل يغلي اصفيه وابخه على فروة راسي ) كل ماكان شعري مغسول وناشف حطيت منه. ا يعني تقريبا 5 الى6 ايام في الأسبوع استخدمه. المهم بنات والآن لي تقريبا شهر على هذا النظام ومالاحظت ان شعري توقف عن التساقط وهذا اللي قهرني وسألت قالو لي كثرة الإستخدامات ماتصلح قالو لي استخدمي شيء واحد واستمري عليه يعني لاتخلطي اشياء كثير والآن وقفت ماء البصل والزيوت الكثيرة والآن كذالك اقول راح اعتمد فقط على بخاخ الروز ماري من غير شيء ثاني ولكن قلت استشيركم وانتم تنصحوني لأني والله مترددة ومتوترة والله يفعل يلي فيه الخير . بالله بنات لاتبخلون علي بالرد والله محتاجة نصايحكم وشكراا.