اول شي في كتير بنات ما بيعرفوا مسامية شعرهن
اختبار المسامية كتير بسيط وسهل بتحتاجي كاسة مي من الحنفية تكون شفافة وشعرة وحدة من شعرك مو ضروري تكون من الجذور يعني فيك تقصيها قص دون ما تنتفيها بس اول شي لازم يكون شعرك نظيف وماعليه منتجات او زيوت
ضعي الشعرة جوا كاسة المي وراقبيها
- اذا الشعرة طفت على المي معناها شعرك مساميته منخفضة
- اذا الشعرة منتصف الكاسة معناها شعرك متوسط المسامية
- اذا غرقت الشعرة بالمي معناها شعرك عالي المسامية
اسهل طريقة لمعرفة مسامية شعرك طيب شو يعني مسامية الشعر: يعني قدرة الشعر على امتصاص المنتجات والرطوبة وكمان الاحتفاظ بالترطيب
فاذا كان شعرك منخفض المسامية معناها صعب يمتص المنتجات ويحافظ على الرطوبة لفترة طويلة وممكن اذا استخدمتي منتجات تعلق على شعرك ويزيت ...مو بس هيك الشعر منخفض المسامية اذا ما عتنيتي فيه منيح ممكن يتقصف ويجف ويتوقف طوله
طيب كيف اعتني بشعري منخفض المسامية؟
كتير بسيطة وسهلة الطريقة :
اول الشي ما تبالغي بالاستحمام وغسل الشعر بالشامبو
استخدمي منتجات خفيفة وشامبو لطيف
استخدمي ماسكات خفيفة وبيقدر الشعر يمتصها مثل جل الصبار جل الكتان العسل الغليسرين وماء الاررز ولتعرفي طريقة صنع هي الماسكات
استخدمي ماسكات زيوت خفيفة مثل زيت الارغان وزيت الجوجوبا وزيت بذور العنب وابتعدي عن الزيوت الثقيلة مثل الخروع ولتعرفي كيف هي الطريقة
لا تكثري استخدام الحرارة على الشعر
حاولي تتجنبي اشعة الشمس الضارة وماء السباحة قدر الامكان
