العناية ايام الدورة مهم لكل البنات
________________________________________
هذا الموضوع حبيت اطرحه بسبب الحجم الكبير للمشكله اللي تقع فيها بنات هالوقت من عدم الاهتمام بانفسهم في وقت الدوره ومو عارفين خطورة هالشي
بهالموضوع راح اوضح للبنات ليش دايما الامهات يقولون لا تشربين لبن او تاكلين مانجا او تشيلين شي ثقيل بدون مايوضحون لكم الاسباب
راح اناقش شنو ممكن يصير في البنت اذا مااهتمت بنفسها ايام الدوره وشنو الممنوعات وشلون تهتم البنت بنفسها
هالموضوع متعب ووااااايد لكن لان وايد بنات ممكن يدمر مستقبلهم من ورا هالسالفه فحبيت اوضحلهم كل المٍسأله واللي صار فيها هوا او بالعامي اختربت شلون تتعالج منه وماابي منكم غير الدعاء
]الخـــوا
له فوائد عظيمة حيث ينبه وينعش التمثل الغذائي ومنشط جنسي.
يقضي على الروائح والإفرازات المهبلية.
مفيد في كثير من الأمراض النسائية الخاصة بالجهاز التناسلي والآم الدورة.
تحذير:
لا يستخدم للمرأة الحامل والأطفال.
طريقة التحضير:
نحتاج لزنجبيل طازج وعند عدم توفره نستخدم زنجبيل بودرة جاف.
لكل لتر من الماء نحتاج الى100-140 غرام من الزنجبيل الطازج او ملعقة كبيرة من الزنجبيل المجفف.
نحتاج الى 3-4 لترات من الماء.
نضع الماء على النار حتى يغلي.
نحضر الزنجبيل ويفضل عدم وضعة مباشرة في الماء لكن يوضع في قطعة قماش طبيعي مثل القطن او الكتان ونضعه بعد غليان الماء.
نخفف النار ونضعه ونتركه يغلي لمدة 3 دقائق.
بعد ذلك نطفئ النار ونقوم بعصر القماش جيدا..لا تستخدمي يدك لذلك.
ضعي الماء بعد ذلك في حوض او إناء يمكنك الجلوس فيه..الحوض فقط الأرجل تكون خارج الحوض.
لابد ان يغطيك الماء حتى ما قبل السرة.
انظري الصورة في الرابط في الأعلى.
غطي باقي جسمك.
الماء لابد ان يكون ساخن للدرجة التي تتحمليها.كلما برد الماء أضيفي من الماء الساخن..
ابقي في الحوض 15 دقيقة.
يفضل عمله كل أسبوع او عشرة أيام مرة.
يعمل في الليل قبل موعد النوم بـ10-20 دقيقة.
لابد ان يكون مر على الأقل ساعة على تناولك للعشاء.
ابقي جسمك دافئ بعد الانتهاء واذهبي الى فراشك فورا
سادسا:الفطور ( ولازم يكون بدري مو إذا قمتي الظهر يعني الساعه 7 أو 8 يفضل قبل ما يقومون أهل البيت ) تمر مع سمن أو زبده إذا ما لقيتي مع رشاد مع حبه سودا >>> تسخنين التمر و تحطين الزبده وتعفسينه مع الرشاد و الحبه السودا .... تسوين الكويه اللي تكفيك أيام الدوره و تحطيها بعلبه بلاستيك و تحطينها إما بدولاب المطبخ أو بغرفتك إذا غرفتك بروحك عشان ما يشوفك أحد
وتسخنين لك حليب و تحطين معه حلبه تغلينهم مع بعض أو تغلين الحليب بعدين تضيفين الحلبه
وتأكلين التمر مع الحليب ( الرشاد ريحته قويه بس عادي غسلي يدينك بالصابونوعطريهن بأي عطر عندك و فرشي أسنانك و كولي علك بالنكهات يروح الريحه مباشره
و بعدها إذا حبيتي تنامي أو عادي
وإذا أفطروا أهلك أفطري معهم بس على حسب فطورهم إذا فيه شيء ممنوع لا تأكلينه كولي خبزه بجبنه بكراث أو جرجير على راحتك وأشربي شاي القرفه مع الكمون ( تفوحين ما و تحطين عليه 2م قرفه و 2م كمون و تخلينهم يطبخون على نار هاديه ربع ساعه )وهذا الشاي ممكن تسوينه الصبح و تحطينه بزمزميه ( دفايه ) و تحطينه بغرفتك و تشربين منها متى ما بغيتي
و الغدا عادي إلا إذا كان فيه مرقة خضار لا تأكلين المرقه بس الرز و اللحم أو الدجاج عادي ... الزبادي و اللبن ممنوع بهالفتره لانهم حوامض
والعصر أو المغرب تتقهوين القهوه بس تحطين بفنجالك قطعه صغيره من المقل ( تطلبينها من العطار و تجيك لونها عسلي غامق مره مايل للسواد و تكون تتدبق مثل ملمس التمره بس أخف شوي ) هذي حلوه تطرد الهوا .... وإذا فيه نقوعه ( خلطه تباع عند العطار مطحونه ) بعد تحطينها بفنجالك >>>> و تتقهوين على تمر عادي أو اللي مع رشاد على حسب وضعك مع أهلك
والعشاء عادي بس أهم شيء ما فيه ممنوعات و حاولي يكون من الطبخات الدافيه مثل المطازيز أو المرقوق أو القرصان بس أهم شيء من دون الخضار
شاي القرفه و حليب الحلبه سمعت أنه بس الثلاث الأيام الأولى
سابعا:
انصحك كل يوم اول ماتقومين تاخذين على الريق 7 حبات فقط من الحبة السوداء اقتداء بسنة المصطفى عليه الصلاة والسلام
وقبل موعد الدوره بــ 3 ايام احرصي على المشروبات الدافئة مثل الزنجبيل ( هذا احسن شي ) والقرفه واليانسون والكمون
والحليب المبهر بالفلفل الاسود والهيل والزنجبيل .
في اول يوم من الدوره بعد ماتاخذين الحبه السوداء بساعه واحده او اكثر خذي لك ثلاث تمرات وسويها على شكل عبيط ( يعني
تعجنيها ) وتكوريها على شكل دوائر بعدين غطسيها بالرشاد وكوليها مع القهوة أو الحليب
لااااااا تنسين فقط باليوم الاول لانه الرشاد اذا استمريتي عليه بالدوره راح يعجل لك بالطهارة والرحم يكون مابعد نظف
وخذي لك حلبه ( جافه )يعني ماتكون مغليه بالمويه لانه اذا شربتيها مغليه وقت الدورة تجيب لك رطوبة ( زيادة بالمويات ) وتخرب المراة
لكن بعد ماتتغسلين عن الدوره ممكن تسوينها مغليه وتشربيها زي الشاي بأي وقت ( بالنسبة لي انا اشربها بالليل ) تراها مفيده جدا للدم والبشرة
واذا بتقولين ريحتي تتكون مو حلوه فيه شي عند العطارين اسمه عود الحلبه تحطينه مع الحلبه يغلي وهذا العود مايطلع ريحه للحلبه وتسبحي كل يوم الصباح ,
لكن وقت الدورة تجنبي الاماكن الباردة ولاتنسين البنطلون في كل وقت ( قبل موعد الدورة واثناء
الدوره ) بصراحه له فوائد بس حنا مانصبر ,, وحاولي انك تتسبحين قبل موعد الدوره بيوم او اثنين حتى تتجنبين المويه اثناء الدوره .
واذا تغسلتي عن الدورة لاتنسين استخدام المسك ( انصحك باللي عند عبدالصمد القرشي )
العلاج _ والنظام المتبع أثناء الدورة
بنات شفتوا كل الانظمه اللي حطيتها وحده من البنات اختصرتها يزاها الله كل خير وسوتلنا هالنظام:
تقسمين دورتك قسمين مثلا الغالبية دورتهن 6 ايام
يعني نقسمها على اثنين يعني يطلع كل قسم 3 ايام
نبدأ بالقسم الاول
1- اول يوم بالدورة ما لك خلق تعبانة وطفشانة وقرفانة وماتشتهين الاكل ومع ذلك لازم تصحين بدري تقريبا من الساعة 6 الى 7ونص وتسفين على الريق أوتلهمين ملعقتين كبار من اللهوم أو السفوف وتشربين كأس حليب حار
وراح احط لكم ثلاث انواع من السفوف اللي يناسبك اخذيه مو تاخذين الثلاث واحد منهم بس وراح اذكر المصدر اللي اخذته منه
1-(كوب حلبة+نص كوب حبة سوداء+فنجان حبة حلوة+ملعقة كبيره قرنفل) وهذا من نظام فيافي
2-خلطة الايام الاول من الدورة
فنجا ن من سويد(حبة سوداء) وكمون وملعقة كبيرة عدس ونصف ملعقة فلفل اسود وماش وهذي من الاخت &fulla2006& وهي مجربتها
3-حلبه مطحونه مع ماش مطحون سوي وهذي من الاخت دلع لرياض (وأنا راح اسوي هذي لانها الاسهل واغلب البنات اتفقوا على الحلبة )
2- بعدين تفطرين فيه نوعين اختاري اللي يعجبك
1-عصيدة التمر المحلاة وهي عباره عن( كوب تمر بدون النوى + 4كوب ماء)
أنقعي التمر في الماء من الليل ثم توضع في الخلاط وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثل الباشميل والافضل ان تكون اثقل من الباشميل ثم تضيفين إليها فلفل اسود وحب الرشاد,
2-أو تأكلين مع قهوة (و الاخت الفرس وامها تقول القهوة حطي عليها ملعقة صغيرة كمون في فنجالك)(الكمون طارد للغازات) تمر معبوط + م.ك. سمن غنم او زبدة (المقادير على راحتك) يطبخ على النار هادئه حتي يذوب التمر قليلامع شوي تحريك ,بعدين اضيفي الرشاد وهو حب ناشف وكثري شوي (وهي أفيد من العصيدة) , حافظي على اكلها فهي تسمى (ربيبة الارحام) ولايمكن تتخيلين فأيدتها والسمن البلدي
3- أرجعي نامي وأصحي مع أهلك أذا قاموا وأفطري معهم لكن حذاري من المعلبات
4- الظهر نشرب شاهي الاعشاب( اللي في نظام فيافي مكوناته كثيرة لذلك راح ناخذ شاي الاعشاب اللي ذكروه لنا الفرشات في بداية الموضوع )
1-ويتكون من ( حلبة + كمون + يانسون + نعناع + قرفة )
2-أو شاي زهورات
3- أو زعتر
المتوفر عندك سويه شاهي عادي واشربيه لكن الافضل واللي أجمع عليه عدد كبير من الفراشات الخلطة الاولى تقدرين تستغنين عن اليانسون وباقي المكونات اكيد موجودة في البيت
4- ويجي وقت الغداء تغدي عادي وابتعدي عن الممنوعات اللي ذكرناها سابقاً
بعد الغداء بربع ساعه عليك بمنقوع التالي: ( م.ك.عنزروت+م.ص.مره+ م ص محلب) في كوب ماء تكونين قبل الظهر ناقعتها في كوب الماء وبعد الغداء بربع ساعه او نص اشربيها وتراها مرررة بس تحملي
لانها تعمل كمهضم وملين وتنضف الأمعاء (هذي من نظام فيافي )
5- فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق
اذا جعتي كلي ماتشتهي نفسك إلا الممنوع ممكن شابوره بر
6- العشــــــــاء:المجال امامك مفتوح الا الممنوعات اهم شي لاتجوعين
خلي عندك تمرة معفوسة برشاد وسمن بري في غرفتك واذا جعتي اكلي منها واذا بغتي تقهوين هذه هي تمرتك وحطي في فنجالك كمون او عنزروت مع القهوة لانه مفيد جدا لا تشربين قهوة عادية لازم عليها شي
الايام الاخيرة
خذي التالي 2 ملعقة كبيرة من السفوف التالي على الريق مع شاهي الاعشاب السابق,السفوف هو:
1-اطحني(كوب حبة سوداء+م.ك.قرنفل+ م.ك.دارسين(قرفة)+م.ك.فلفل اسود+ م.ص.محلب+ فنجان كمون+ م.ك. نونخة + فنجان صغير حبة حلوة(شمر))+فنجان رشاد غير مطحون (هذا من نظام فيافي)
2- انا راح احط سفوف عبارة عن ماش + حبة سوداء
والحلبة وما تاكلينها الايام الاخيرة لانها ترخي الرحم والرحم في اايام الاخيرة يبدأ يشتد
والباقي زي ماهو مايتغير
نجي الحين للاعتناء بالمنطقة الخاصة اهم شي النظافة كيف تنظفينها واحنا قلنا ابتعدي عن الموية في غسول نسويه
1- غسول التشطف للمناطق الدخليه يكون يوميا باستخدام الغسول التالي لمنطقة المهبل وهو:
( ارطا تكسرينه + يطبخ مع ماء + ملح) تلاحضين لونه يتحول الى الاحمر لاتخافي عادي ثم صفيه وضعيه في جركل وتوضئي منه يومياَ
( انا اقدرها تقدير ولكن خذي مقدار 3كوب ارطا +1كوب ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه ,الغسول مرة في اليوم ايام الحيض والنفاس واكتفي بالتنشف بالمناديل
,اغلي الارطى مع الماء والملح لمدة ربع ساعه وبعدين صفيه واحفظيه للاستخدام لتشطيف تلك المناطق) وهذا الغسول تبع نظام فيافي
2- نوع ثاني وهذا انا اسويه وهو ماء حار + ملح وكثري الملح ونظفي المنطقة ونشفي بالمناديل على طول لا تتركينها مبللة
لكن ارجع وانبه ان الجوع او الرجيم في تلك الفترة ممنوع .لابأس با لسمك والروبيان,
تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار
وتستخدم السفوف وشاي الاعشاب والتمرة مع الرشاد مهمه
منقوووووووووووووووووووووووووووووول لعيونكم.
يلزم عليك تسجيل الدخول أولًا لكتابة تعليق.
شوق العسوله
•
مشكووره الله يعطيك العافييه
والله العظيم اني زعلت عليكم:(:( اذا كتبت موضوع محد يرد علي:44::44: ماني كاتبه شي مره ثانيه:icon33::icon33:.
الله يجزاك خير
بصراحه موضوع جدا مهم للبنات والمتزوجات سواء كتبتيه اونقلتيه ربي يوفقك قولي آمين
بصراحه موضوع جدا مهم للبنات والمتزوجات سواء كتبتيه اونقلتيه ربي يوفقك قولي آمين
الصفحة الأخيرة