العنايه اليوميه + حركات اضافيه

السلام عليكم

مساء الخير

كيفكم صبايا؟


اليوم حبيت انزلكم مجموعه من الحركات الجديده عشان تستفيدون - العنايه اليوميه - + - شغلات اضافيه

اول شيء لمن اصحى الصبح اسخن مويه بالسخان واحط عليها م ك عسل +قطرات ليمون = الفايده تنظيف الكبد والامعاء

وبعده وجبة الافطار :

كاسة عصير او حليب
ساندويشه اللي تحبين اما جبنه بخيار او مرتديلا مع جبنه صفراء او بيض او او او اللي يجوز لك المهم تفطرين

بعدها كبسولة مالتيفيتامين

مع كاسة ماء كبيره


بعد العصر لان زوجي يطلع لشغله كل يوم اسوي شغله واحيانا مااسوي يعني ايام احط كريم حمام للجسم

احيانا اسوي حمام زيت للجسم

احيانا اسوي حنه للجسم


واحيانا ماسك جاهز للجسم



اخليه تقريبا ساعه الى ساعه ونص اكثر شيء

بعدين اجي اجهز ملابسي اعطرها وابخرها واجهز دهن عود او خمريه او مسك

عندي خمريه اسمها سيف العرب ريحتها مره حلوه مثل الاعشاب العطريه وانااعشق ريحة الاعشاب

وايضا مسك العروس او مسك عادي او دهن عود فيه مسك فرنسي مع الازهار ماخذته من باسم القاسم مره حلو

واجهز مزيل العرق وكريم ترطيب الجسم

دايما وابدا اختار الكريمات اللي تكون مشبعه بالجليسرين مثل لوشن جليسوليد او لوشن جليسرين بالمسك
او كاميل بالبابونج وساعات جونسون اللي بزيت الاطفال واللوز وساعات لوشن زبدة الشيا من بودي شوب اعشق ريحته خفيفه وحلوه وبرضو مرطب من فازلين التوتال الاصفر اللي بالمعادن

طبعا انتي اختاري المرطب اللي يناسبك بس يكون يرطب من قلب مثل اللي ذكرت وحاولي يكون العطر خفيف عشان مايسبب اسمرار




نجي هنا للحمام ابيك تستفيدي اقصى استفاده من الصابون :

اختاري الصابونه اللي تناسبك انا اختار دايما لوكس او صابون جونسون بالحليب او جونسون العاديه

ممكن صابونة غار او صابونة الوزير او اي صابون يريحك


ندخل دورة المياه اكرمكم الله ونفتح الماء على العادي نبلل الجسم ونغسل الشعر بالشامبو ونحط حمام زيت او ممكن بدون لاني مااحب البلسم وحمام الزيت اسويه مرتين بالاسبوع


اختاري شامبو يكون ريحته حلوه وهاديه وينظف الافضل في الصيف شامبوهات مضاده للقشره

انا جربت بانتين وهيداند شولدرز

حممي شعرك واشطفيه كويس بالماء ولاتتركين اثر للصابون

وبعدين ارفعيه واشبكيه بملاقط عشان تبداي بالمهمه الصعبه



جيبيلك وعاء وصبي فيه ماء ساخن ونقعي الليفه فيه قبل الحمام بربع ساعه مع الصابونه حطيها بالوعاء مع الماء والليفه

طبعا هنا بتكون الصابونه طريه جدا خذيها بيدك ودهني كل جسمك بالصابون مع التدليك بواسطة اليدين لسه مابدينا بالليفه وافتحي الماء على الحار عشان يتعبى الحمام بخار وانتي دلكي الصابون بيدك بعده بتحسين الصابون بدا يصير زي الكريم ع جسمك بفعل البخار خذي الليفه الرطبه وليفي جسمك كله بشكل دائري مرتين متتاليه يعني ليفي كامل الجسم وارجعي اشطفي الليفه ودلكي مره ثانيه بدون لاتشطفي الصابون من جسمك وبعد التلييفه الثانيه اغسلي جسمك بالماء العادي المايل للبروده اشطفيه كويس مره

وبعدين خذي المنشفه ونشفي كامل جسمك واطلعي خلي جسمك يجف من الرطوبه شوي بتحسي بشرتك مشدوده شوي خذي الكريم المرطب ودهني كل جسمك وركزي عالمناطق الخشنه والمسمره وبعدين حطي مزيل العرق ورشي على جسمك بودره او بخاخ ماء العطر اللي تحبين وبعده البسي وشوفي الانتعاش وريحة النظافه

انا مااحب البودره كثير استخدم بخاخ مسويته انا حاطه فيه ماء ورد ونقاط جليسرين سايل وشوية عطر اللي تحبين وممكن ماء العطر من بودي شوب لانه خفيف

ساعات استخدم ماء العطر حق الاطفال انتي اختاري اللي يعجبك

والان نجي للشعر رطبيه بسيروم او زيت لوز نقطتين فقط لااكثر وبعدين وزعي الخمريه على مناطق خلف الشعر والاطراف فقط وسرحيه كالمعتاد

حطي شوية مرطب على وجهك النوع اللي تستخدمينه اناارطب بكريم جليسرين مع فيتامين اي جبته من برى المملكه لقيته بالصدفه وخذيته وتندمت اني ماشريت كميه كبيره خصوصه ان صلاحيته لعام 2013

واتكحل احط لمسة بودره ورديه على الخدود وشوية احمر شفاه لون وردي عاجي او اورنج بيج نظافه وريحه وجمال وشكل يفتح النفس


جربو وماراح تندمو



بالنسبه للسنفره اسويها مرتين بالاسبوع من السنفرات اللي منزلتهم هنا بالمنتدى

حمامات الزيت للجسم :

استخدم م ك من زيت اللوز الحلو +1م ك فازلين + م ك زيت ليمون او زيت ورد واحيانا زيت زيتون واتركه ساعه او ساعه ونص


كريم حمام للجسم :

1م ك جليسوليد +فنجان عصير ليمون او ماء ورد +زيت اطفال اتركه ساعه واتحمم


حنه للجسم :


2م ك حنا +1م ك سدر + م ص قرنفل ناعم +م ك سكر +عصير ليمون او عصير تفاح حسب المتوفر واتركه عشر دقايق بعدين اتحمم


عطر الملابس :


اي عطر تحبين وبخري بعود او مبثوث (عود مدقوق )

اتمنى يكون الموضوع عجبكم

ودعواتكم لي بصلاح الحال والنيه والذريه

والف شكر لكم مقدما