العنايه باليدين وتفتيحها في وقت قصير بإذن الله

السلام عليكم ورحمة الله 








بكتب لكم طريقتي في عنايتي بيدي والحمدلله مااعاني من تجاعيد اليدين ولا سمار المفاصل 
وطبعاً النتيجه يد ناعمه وجميله اذا استمريتي 
وخليها اسلوب حياتك 
لازم يابنات تهتمون اعتبريه نوع من الاهتمام اليومي مو تهملون سنين وفجأه تبون تعالجون الاضرار الناتجه عن الاهمال 




المهم هذي طريقتي وطبعاً هي الاسرع يعني تبان النتيجه خلال اسبوع ان شاءالله 




اول شي تعودي تسوين تقشير ليدينك بالملح والليمون << فوايدها معروفه في التنعيم والتفتيح 








اذا خلصتي دهني ايدك بشوي نقط زيت زيتون 


سوي الطريقه هذي يومياً 

وسوي الخلطه هذي جداً رائعه 
ملعقة ونصف عسل و 10 ملاعق ماء ورد و 4 ملاعق جلسرين و نصف ملعقة خل ثم قوم بتسخين العسل على نار هادئه ثم اخلطه مع بقية المكونات وبعدين ضعي على يديك وارتدى اكياس لمدة نصف ساعة وهذه الوصفة فعالة لحد كبير عن تجربة 




وبالنسبه للوشن راح استخدمه طول اليوم  عشان كذا احب اشتري لوشن سعره معقول وحلو لأني راح احطه طول اليوم وماراح يطول عندي وكل شوي برجع اشتري 
نرجع للكريمات واللوشنات اللي بنستخدمها طول اليوم  اهم شي الترطيب والترطيب ثم الترطيب
مهما اهتميتي وعملتي تقشير او ماسك لليدين بدون ترطيب مستمر ماينفع 
وفيه كذا كريم جميل وانتي شوفي اللي يناسبك 
مثل كاميل او جليسوليد او كريم 21 البرتقالي 
وطبعاً مافيه مرطب قوي مثل الجليسوليد مع انه ثقيل شوي  
او اي لوشن انتي تحبيه 








وممكن تعملي ماسك الزيوت لترطيب مكثف زيت زيتون +زيت اللوز المر + زيت جنين القمح +محتوى كبسولات فيتامين E 
تحطيها على ايدك وتلبسي قلفز 




وبكذا ان شاءالله راح تودعي تجاعيد اليدين وسمار المفاصل والخشونه 


وانتبهي تغسلي ايدك بصابون مثل فيري او تايد او اي صابون لاتغسلي الا بصابون اليدين 




وغسيل المواعين وشغل التنظيف البسي قلفز عشان مايروح تعبك خساره 
وتعجز ايدك بدري 


وبس