مشكوورات اخواتى

لكن اللي ماعندها موقف لاترد عشان مانبي صفحات على الفاضي

الموضوع واضح
اللي عندها موقف تذكره اللي ماعندها بلاشئ تكتب ماعندي

فديتكم

انا من نوع اخر عنف نفسي اذكر كنت بصف ثالث وفيه مدرسه تدرسنا تفتش على شعورنا عنالقمل والوساخه المهم انا والله ماكنت وسخه بس شعري فيه زيت شوي وامي الله يخليها لي كبيره المهم وهي كانت تمر تفتش علينا طبعا بفاين واقلام وتعزل الشعر بالقلم عشان تشوف مرت من عندي والله مااذكر الموقف بالظبط بس للحين اتذكر نظرتها لي كرهتا كره هالمدرسه ومره جلدتني بس اخذت حقي منها

في رابع ابتدائي قرصتني معلمه الرياضيات مع اذني ومن يومها واكره الرياضيات كره
وكمان معلمه عربي الله يسامحها كمان في رابع كرهت القواعد الى ان تخرجت
حسبي الله ونعم الوكيل
والحين بنتي ثاني ابتدائي وتقول فيه ابلات عصبيات ياماما والله انها تصعب علي بس ماقول الا حسبي الله ونعم الوكيل على كل من خان الأمانه لو هم بناتهم مارضو احد يصرخ عليهن

الله لايسامحهم معلمات الابتدائي وربي كانوا عنيييفات لأبعد درجه ومستحيييل أسامحهم ..
أتذكر في أولى ابتدائي وحدة من الطالبات ماكانت حافظه قامت المعلمه وضربت براسها في الطاولة الين نزف أنفها!!!! ولاكلفت على نفسها تعطيها منديل او تعالجها!!!
ومرة كنت واقفة في الطابور وهاديه والله العظيم والمديره كانت متنرفزة ومعصبه وشوي تطالع فينا وجت بسرعه عندي وصفقتني ذااك الكف اللي ما أنساه!!!بدون سبب طبعاً فشت خلقها فيني...
وكمان طالبه ماحلت الواجب وشعرها طوييل ومسويه ظفيرتين والله مسكتها من ظفايرها وجلست تجرجرها في الفصل وتضرب براسها في السبورة !!! 
هذا غير القرص والكفوف اليوميييه والله حاولت أسامحهم بس ماقدرت سببولنا رعب فظييع...

حسبي الله ونعم الوكيل اذكر معلمه في الابتدائي كانت اذا عصبت من بنت كانت تطقنا كلنا على ايدينا بالمسطرة الخشب واذا رفضنا تطقنا اذا هي ايدينا مسكره يعني على العظم او تطقنا على فخذ اليد حسبي الله ونعم الوكيل وانا كنت اسكت ما اقول لي أمي شي لو اقول راح تقوم الدنيا عليهم واذكر معلمه دعت على أختي بالموت وش سوت فيها أمي وقفتها عن حدها أحسن هالاشكال ماينفع معهم الا كذا