العنوسة.....الكذبة التي صدقها الجميع !!

الله يجزاك الف خير

بالنسبة للعنوسة هذا أمر انتهينا منه من زمان العنوسة ليست فقط موجودة بل انها فارضة نفسها بقوة
لأسباب متعلقة بالمجتمع ككل وبالأفراد
من الأسباب المتعلقة بالمجتمع أن تكون البنت من عائلة غير مرغوب فيها لعدة أسباب (سرقة قتل فجور الخ.....) لا أعتقد أن يناسبهم أحد الا في حالات خاصة وأنا أتأسف للجميع من ذكر هذا السبب


أما للأفراد منها عدم التوفيق وهذا بيد رب العالمين فكم من بنت انخطبت وتمت أمورها ولكن بقدر الله عليها لا يتم زواجها وقد تحدث أكثر من مرة للفتاة.

منها غلاء المهور

عزوف الشباب عن الزواج بسبب ضعف الدخل أو البطالة الله يصلح أحوال الشباب

الشروط أو الطلبات المجحفة من الشاب والفتاة من رشاقة وجمال الخ....

العصبية القبلية بعض القبائل ترفض تزويج بناتها لغير أبناء القبيلة (وهذا اللي ذابحني الوالد وأخواني حالفين اني ما أتزوج الا من نفس القبيلة وهذا اللي مقعدني لليوم مع انهم بدأوا يقتنعون بأني أتزوج من أي شخص لكن بعد ايش الله المستعان)
هذا حضري وهذا بدوي وهذا جنوبي وهذه كلها عوامل تعصف بالمجتمع وتضيق الخناق عليه مما يجعله سلبي وتزيد من مشكلة العنوسة للشاب والفتاة
==================================================================================================================

عزيزتي الغالية أبا بقلك نفس المشكلة صايرة لأخوي لنا سنة وحنا ندور له على عروس ونفس مشكلة أخوك

أخوي من الأب أمه متوفية وعايش معانا من صغره عمره 28 سنة ما سبق انه تزوج ويشتغل مدرس حظه سيء ما فكر انه يتزوج أو يخطب الا لما يكون نفسه وحنا عندنا عادة سيئة الولد من يقرب عمره على الزواج يخطبو له من نفس القبيلة ويعلق البنت معاه ا
المهم هو ما خطب ولما فكر انه يتزوج كل ما حطينا عيننا على بنت نلقاها مخطوبة طبعا بنت مناسبة مو أي وحدة

خطبنا من برا وكل ما خطبنا له يوافقون وبعدها مدري كيف تتفركش الأمور مع انه ما شاء الله عليه والكامل الله ما ينقصه شي وماهو متشرط كثير بس حظه تعبان
مع انه موكل الله ثم موكلنا ما شاف ولا بنت ويقول عيب أشوف بنات الناس ما أشوفهم الا اذا تمينا على كل شي


من المواقف اللي صارت له خطب وحده وتمت الأمور بشكل ممتاز بعدها تفاجأ ان البنت سمعتها سيئة
مره ناس وافقوا عليه وبعدها ردوا علينا وقالوا بنتنا ما تتحمل واحد ملتزم ومتشدد
ومره وحدة سمعت اننا ندور له قالت طيب عندي اختين وقلت لها ان شاء الله خير وشفت أخواتها وتكلمنا وبعدها ردوا وقالوا لا حنا نبي نكمل دراسة يعني من جد ناس ما يستحون يدورونا وما صار أي شي ولا أي اتفاق يقولون لا نبي نكمل دراسة طيب ليش تقولون تعالوا

ومرة ناس يقولون لا حنا ما نزوج بدوي اللي يشوفونه كأنه جايهم بالبعير

وفي نفس الوقت هو شارط ان البنت تكون بيضاء وشعرها طويل وما تتعدى الـ 23سنة

احترنا معاه قلنا له طيب ندور وحده قريبة من عمرك28 27 26 هذول أكيد انهم نا ضجات وما عندهم دلع ولا تشرط والله يسامحه يقول لا

آخر شي قرر انه يتزوج من سوريا وأحسن لليوم وهو عاجز عن التصريح وان شاء الله ما يحصله

صاجه يا اختى .. فى بنات اشكثر يقطعون نصيبهم بيدهم .. ويتشرطون ..
وانا وحده منهم بصراحه يجون ناس لكن ماهم نفس المستوى .. واللى اقصده
ان الخطاب كثيرين لكن احيان مايصير نصيب ..
والرسول قال تنكح المرأه لأكثر من سبب .. وهذا شى فعلا معروف لكن اللى ينصح فيه الرسول ان اللى ترضون دينه زوجوه .. لكن العادات والتقاليد تلعب دور حقيقى بحياتنا .. وهذا شى مجبورين عليه ..
يعنى مافى وحده مانخطبت لكن فى ناس مايناسبون .. بصراحه والوحده مننا تفكر انها تقعد مرتاحه فى بيت اهلها افضل ماتتزوج زواجه ماتريحها ..
وفى ناس بصراحه عيشتهم ومستواهم مايتناسب مع الناس اللى بيخطبون منهم ..
والله أهم شى التناسب بين العوايل وان يكونون من نفس المستوى .. سواء مستوى قبيله أو مستوى اجتماعى او مادى المهم يكون فيه تقارب حتى تمشى الحياة .. ماهو معناه انى مغروره او شايفه نفسى لكن هذى الحقيقه
هذا رأييى وكل وحده لها رايها ..

العنوسة للأسف

حقيقة

واقع مر وقااااسي


الله يفرج علينا ياااااااااارب

:( :44: :06: :icon33: :icon36: :mad2:

لا ما أعتقد أختي ما فيه أحد كذا يرفض بدون أسباب مقنعة

كلن ألحين يبي الستر والاستقرار بس اكيد فيه ظروف

ويمكن لأن أخوك مطلق الناس يخافون

الله يوفقه وييسر امره وكل مسلم