العنوسسسه حطمتني (الحمدلله)

السلام عليكم ورحمة الله وبركاته


انا ترددت كثير في اني اكتب موضوعي
لاان فيه بعض الاخوات هنا فيها همجيه وتكتب ردود بدون ماتثمنها

بس الي شجعني اكتب ان بالمقابل فيه اخوات ماشاءالله ذوق وادب وطيبه






المهم انا مشكلتي مو شي سهل


بتكلم معاكم بشفافيه

انا كنت مضرب مثال لكل ام لبنتها
الحمدلله ادب واخلاق واهتام وعنايه فضيعه وشخصيه متزنه وواثقه ومنطوقي متزن واعرف اسولف مع الغريب قبل القريب والكبير قبل الصغير

بوصف لكم عنايتي قبل
كنت يوميا ازيت شعري وارطب جسمي واحط اقنعه بوجهي
احب اكون كشخه واهتم بشعري وبمكياجي وباادق التفاصيل فيني



شخصيتي

كنت واثقه جدا ومتصالحه مع نفسي ومااغار من احد ولااشوف ان فيه احد افضل مني واذا شفت الافضل ذكرت ربي ولااتاثرت فيه او حسيت بغيره لو بسيطه
لساني طلق وكلامي متزن وردودي في محلها واعرف وش اقول وبدون تاتاه ولا تردد





كان الكل يتمنى يخطبني الحمدلله والكل كان يقولي انك انتي بتتزوجي قبل كل بنت





مرت السنوات وانا ماانخطبت ولاشي
شخصيتي وشكلي صار ينهدم وانا مو حاسه



بكتب لكم حاليا وضعي وقارنوه في الي قبل وانصحوني وجهوني الله يجزاكم الجنه بجد اتمنى المساعده منكم




عنايتي
وزني زايد ولااهتم كرشتي وربي كاني بشهر السابع
زنودي من كبرها صرت البس مقاس 18
بشرتي بقع وزيوان وسمار
جسمي جاااف وربي تقريبا لي اكثر من السنه او السنتين مارطبت جسمي ولالي نفس حتى
رقبتي اسمرت من قل العنايه
رجولي وانتم بكرامه والله ماحد يصدق انها رجول بنت كانها رجل فلاح اسمرار وجفاف وتشققات يمشي فيها الماء على قولة خالتي

شعري صار خشششن جدا ومتقصف


شخصيتي
صرت محطمه
اذا شفت بنت افضل مني احس بالنقص جدا
كلامي مو متزن وصار كلامي كله كلجات واخطاء
ارتببببك مررره مرررره

مظهري ماعدت اهتم فيه اهم شي اكون نظيفه وريحتي حلوه وبسسسي
ححتى شعري دايم لامته كعكع







العنوسه حطمتني يابنات
من كثر ماانا مقابله الجدران انعدمت


كيف ارجع مثل قبببل وارجع لوزني وشخصيتي واهتماماتي



اعرف ان فيه فئه بترد الي تصنع المثاليه ولاكانها عايشه بنفس العالم
الي بتقول الزواج مو كل شي الزواج مو مهم 000الخ



اعرف ان الزواج مو مهم
( وما خلقت الجن والإنس إلا ليعبدون )

بس ياعزيزاتي احنا عايشين بمجتمع شرقي بحححت
ولاننكر تقديسنا للزواج والزوج
حتى معاملتك مع المتزوجه غير ومع المتاخره بالزواج والمطلقه وغيرها غيير
دراسه ودرسنا تخرج وتخرجنا وظيفه وتوظفنا وبعدين !
تبغين زوج واطفال وماننكر ان هالشي زينة الحياة الدنيا

فرجاء هذا ردي للي بتقول الزواج مو مهم
وانا مستغنيه عن كلامها
ولاكتبت موضوعي عشان الزواج


انا كتبته لان ابغى اعرف كيف اصلح مافسد

وجزاكم الله خير