الكزبره والورقيات بشكل عام انا احفظها في قصدير بحيث احطها كل نوع لحاله والفها بالقصدير وع الثلاجه وحاولي تكثرين سلطه تستفيدين منها وماتخرب عليك بدري والكوسه والجزر افرزنها والبطاط احطه برا ماادخله الثلاجه نهائيا وبالنسبه للطماط انا افضل المعلبه في الطبخ والطازجه اسويها سلطه بس ومااكثر يعني مااشتري كرتون وتقدرين زي ماقالو الاخوات تفرزنينها وبكذا راح تطول معاك وسبق شفت اعلان لاكياس في قناة سيتروس تحطي فيها الخضار والفواكه وحتى الحبوب والمكسرات وتشفطي منها الهواء بجهاز صغير يجي معاها بس ماجربت اطلبها لكن هي عمليه ومريحه كثير.

أنتي قبل تشترين حددي جدول أسبوعي

مثلا الأحد بتسوين سلطه جيبي حق اليوم بس و أذا بتسوينها طول أيام الأسبوع نص كيلو تكفي
و الخضار مثل الكوسا و الباميا برضو حددي يوم تطبخينها وجيبي ألي يكفي هاليوم
أنا كذا أسوي من بداية الأسبوع أحدد أيش هي الوجبات ألي بسويها و بناء عليه أقضي
بالمقاس المناسب ....

انا اشتري و اطبخ الخضار ع طول مرا صينيه و مرا مع حشوه


و اذا زاد اقطعها و احطها في كيس و ع الفريزر

الورقيات نفس الشيء نوع واحد و اخلصه مع السلطه او الطبخ

الخضار جدا مفيده


حنا عايله صغيره ونادر اعاني من انها تخرب


اول شيء من انا بالسوبر ماركت اخذ على قد حاجتي مااكثر


ويوميا اسوي طبق سلطة , او اقطع الخضار اصابع واقدمها مع صوص زبادي


والخضار اللي محتاجه طبخ اسوي فيها ايدام او مرقوق او شوربة خضار بالكريمه , وكمان ممكن اضيفها مع الكبسه

الورقيات عن تجربه
لفيها في مناديل المطبخ لف زييين
وحطيها بحافظات بلاستيك وحطيها بالثلاجه
تطول ماتخرب ولا تذبل
سويها وادعيلي ❤️