العوده للمدرسه وتجربتي مع القضاء على القمل،،،

السلام عليكم ورحمة الله وبركاته
اخواتي لا يخفى عليكم معاناة الامهات مع المدارس وانتشار القمل بشكل فضيع
انا وحده عانيت منه في الابتدائي مع بنتي وكنت مهمومه وقلقانه بشكل فضيع منه
لكن خواتي هذا ابتلاء ولا تقولو قلة نظافه ووساخه وماادري ايش من تعليقات البنات
والله انه شئ مكتوب على الواحد ومبتلى به ولا امدح نفسي واقول لكم حتى شكله ما كنت اعرفه حتى بحثت عنه في النت وماكنت متخيله انه تصاب به وحده من بناتي
المهم وجدته في بنتي وكنت متوقعه اصلا لان المدارس كلها تشتكي والمعلمات يحذرون منه وبنتي كل يوم تقول عنه
جربت الشامبو والبخاخ وكان يرجع بعد فتره والحمد لله كان مقتصر على بنتي فقط في البيت
وبفضل الله لقيت خلطه حلوه وغير ضاره بالشعر وجربتها وصرت اعتمدها كل اسبوع او اسبوعين مره طبعا بعد القضاء على بيوض القمل(الصيبان)
معلومه الشامبوهات والبخاخ تعدم الشعر وتخشنه ومالها فائده وقويه على شعر الاطفال
المهم الخلطه بيسطه ومتوفره في كل بيت وهي عباره عن:
فنجان صغير خل
فنجان صغير زيت زيتون
تخلط مع بعض والكميه ممكن تزيد على حسب الشعر وتوضع على الشعر بحيث انه يغرق بالخلطه ويلف بمنشفه او شيله ويترك عشر دقايق والريحه بتكون قويه لكن تروح وبعدها ادخلي بنتك الحمام وابدي مشطي الشعر بمشط واسع ولما يفك امشطيه بمشط القمل الصغير معروف وشوفي كيف يطلع بيض القمل بسهوله لان الخل ذوبه ويمشي معك بسهوله وبعده اغسلي الشعر بالشامبو العادي وكرري العمليه كل يوم وبعدها اعتمدي الخلطه مره ف قط كل اسبوع ااو اسبوعين للوقايه
والله انه راح من شعر بنتي بسهوله والزيت والخل عطى الشعر نعومه ولمعان ولا ضره
والريحه تروح مع الشامبو وممكن تبخرين الشعر او تعطرينه بخمريه حلوه
وسلامتكم
ما ابغى منكم الا الدعاء لي بكل خير
والسلام عليكم