العيب بالناس ولافيني

لا ماهو زوجك اللي بيتأثر من اسلوبك


اهل زوجك اللي بيكرهونك من اول يوم ...اهل الزوج مايحبون المره الدفشه اللي ماعندها اسلوب


لا اختي اسلوبك غلط


اسمحيلي




انا ما اقول نافقي


بس طنشي وسلكي


يعني وحده هرجت فيني بالطقاق مو لازم اتهاوش معها او ابين لها اهميه اطنشها بالمره


لكن الاسلوب الحلو والتودد للناس امر محبب


ولايعتبر نفاق ولاتسليك




يعني ابتسم واسأل واتودد لهم باللي اقدر عليه


وهالشي لازم نسويه مع الناس اللي نحبهم واللي مانحبهم




دايم نسمع نصايح للشخص اللي يكرهنا ان المفروض نعامله بمحبه لين يتغير


هذي الدنيا وهذي نفوس البشر تحب اللي بضحك بالوجه ويسأل ويجامل




ترا المجامله مطلوبه


وفرق شاسع بين النفاق والمجامله


باين انت صغيره وبكره الحياه تعلمك




لكن انتبهي تزوجين وانت كذا
غيري من اسلوبك ً..رطبي لسانك بالكلام الحلو.. اكتمي غيظك ..تغاضي عن الزلات ...فوتي بعض الصغائر ..جامل بالكلمه الحلوه ...اللي يضايقك ما اقول جامليه بالكلام بس طنشيه افضل

اسلوبك بينفر الناس منك والرسول يقول الرفق ماوضع في شئ الا زانه ومانزع من شئ الا شانه ..حلوه الصراحه بس بذوق بدون ماتجرحين احد وان ماقدرتي السكوت والابتسامه والتطنيش حل مريح للناس اللي يضايقونك وصدقيني لو مارديتي عليهم بترجعين للبيت وانتي مرتاحه

السلام عليكم و رحمة الله وبركاته. .
حلو انك ما تنافقين لكن يا عزيزتي(و الكلمة الطيبة صدقة) مثل ما قال الرسول صلى الله عليه وسلم والله سبحانه و تعالى يقول : (( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء، تؤتي أكلها كل حين بإذن ربها ويضرب الله الأمثال للناس لعلهم يتذكرون )).مو معناته تجاملين كذب لكن خليك لماحة شفتي شيء جميل لو بسيط امدحيه و احتسبيها لله..و خليك بشوشة و مبتسمة على طول يعني أثناء السلام تبتسمين و اذا طاحت عينك على وحدة ناظريها ببشاشة. ..الفاظك تكون لطيفة مثل سمي ابشري و غيرها و إذا احد طلب رأيك بشي مو عاجبك مثلا خليك دبلوماسية في الرد... أما أخطاء الناس اكيد ماراح تقولين عنها صح لكن قوليها بأسلوب لطيف مو بشدة و عنف والله سبحانه و تعالى قال (فَبِمَا رَحْمَةٍ مِنَ اللَّهِ لِنْتَ لَهُمْ ۖ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ ) هذا و هو صلى الله عليه و سلم نبي الله ! ..
كثر ما تقدرين يا اختي اثني على الإيجابيات اول و بعدين قولي السلبيات اللي لاحظتيها بقصد النصح و من الافضل مو قدام الناس أو ممكن تستخدمين أسلوب ما بال أقوام ؛ يعني تقولين التصرفات الخطأ بشكل غير مباشر (تلميح ) ... و دائما الإنتقاد يكون للتصرفات مو للاشخاص للفعل و ليس لفاعل الفعل...
حاجة ثانية الإنسان محتاج للتغافل يعني الأشياء الخطأ البسيطة حاولي تغضين الطرف عنها ..فمن الأفضل لنا قبل الناس أننا ما ندقق على كل صغيرة و كبيرة كلنا لنا ايجابياتنا بفضل الله و لنا سلبياتنا كوننا بشششر ما نكمل ... فحتى نرتاح نفسيا و نقدر نتعايش مع الناس بسلام والأهم ترتفع مكانتنا عندالله سبحانه -ان شاء الله- نتغاضى عن أمور و الأمور اللي ما تحتمل التغاضي نبينها لكن باسلوب اخوي من غير لا نجرح أحد أو نكره الآخرين فينا..
بالنسبة لأمك و اخواتك الله يجزاهم خير على تسامحهم و لطفهم مع الناس و الله يزيدك و يزيدهم من فضله..
و أنصحك بقراءة كتاب استمتع بحياتك للشيخ محمد العريفي و هذا الكتاب جدا جميل يتكلم عن مهارات التعامل مع الناس في ظل السيرة النبوية و بإذن الله راح يفيدك كثير...
و بالنهاية عزيزتي تذكري أن كل ما احسنتي قولك مع الناس و احتسبتيها لله كل ما ارتفعت مكانتك عند الله إن شاء الله تعالى...
الله يوفقك لما يحبه و يرضاه و ينفع بك..

و دائما ادعي " اللَّهُمَّ كَمَا حَسَّنْتَ خَلْقِي ، فَحَسِّنْ خُلُقِي " و "اللهم ارزقني محبة في السماء و قبولا في الأرض" ..
و لا تنسين أن الله سبحانه وتعالى يعفو و يسامح و هو المنعم الغني عن عباده فكيف احنا بشر و نطلب من الله العفو عن اخطائنا و مع ذلك احنا ما نعفوا عن الناس ..و الله سبحانه و تعالى امتدح العافين عن الناس في كتابه لذلك أسألي الله دائما أن يعينك على العفو عن الناس و أن يرزقك سلامة القلب..

والله اسلوبك حلو بالعكس افضل من المجامله
خليك على طبيعتك واذا هذا رايك عادي مافيها شيء لو قلتي رايك بشيء بدون مجامله بصراحه جداً طبيعتك حلوه