السلام عليكم ورحمة الله وبركاته ....
انا قصتي في هالموضوع تطول ومعاناتي مازالت مستمره ... عمري الان30سنه كل ماانخطب تتفركش الخطوبه
بس لحين خواتي الي اصغر مني كلهم كبروا وصرت انخطب بالاسم واول مايعرفون عمري يعتذرون ويخطبون خواتي الصغار رغم ان العريس اكبر مني بكثير ليش طيب مافكروا اني انجرح من هالحركه كأن عمري مليون سنه نفس المشكله صارت تتكرر علي
وانا يشهد ربي تعبت نفسيا احس اني مجروحه حبيت افضفض لاني تحطمت نفسيا من نظرات الي حولي ومن العرسان والخطوبات المتكرره بدون توفيق💔🥺
ثريا^^ @thrya_16
عضوة جديدة
يلزم عليك تسجيل الدخول أولًا لكتابة تعليق.
vip_sa
•
لا تتضايقين حبيبتي ، لسه ماجاء نصيبك ، ولله ان نصيبك المكتوب بيجي وبتشوفينه ، ابليس يبيك تحزنين وتنشغلين بالتفكير السلبي عن ذكر الله والسعادة ، ان جاك عريس يخاف الله الحمد لله وان ماجاك ماطارت الدنيا ومصيره يجي ، بس لاتستعجلين حبيبتي ، الحين الرجال صاروا يعرسون كبار والبنات كذلك ، مو انت لحالك اللي وصلت ثلاثين وما اعرست ، كثير بنات والرزق على الله ، اهم شي يوم تعرسين يكون يخاف الله فيك هذا اهم شي
حبيبتي باذن الله رزقك موجود بس اصبري الخير جايك باذن الله والله حريم اعرفهم انخطبو اكبر منك ومبسوطات
زينيتسيا
•
كل وحدة صارت فيها هذي الحركة وتأخرت وتزوجن خواتها قبلها..العريس اللي يجيها بعدين ..يكون مستاهل الانتظار بإذن الله.
معليش ..ادعي واصبري وافرحي لخواتك...وعسى ربي يعوضك ويرزقك وكل بنات المسلمين بالأزواح الصالحين الطيبين.
معليش ..ادعي واصبري وافرحي لخواتك...وعسى ربي يعوضك ويرزقك وكل بنات المسلمين بالأزواح الصالحين الطيبين.
الصفحة الأخيرة