العيدقرب وولدي مازال تعبان .... افيدوني الله يخليكم

السلام عليكم ورحمة الله وبركاته

تقبل الله منا ومنكم صالح الاعمال يارب والله يبلغنا واياكم اتمام صياح الشهر الفضيل يارب


يا اخواتي ولدي عمره3 سنوات عملنا له عملية استئصال لوز ولحميه قبل سته ايام وللحين يشتكي من الم حلقه والم اذانه
مضاااايقني حيل صياح ويشتكي واول ما اعطيه المسكن الحمدلله يهدا شوي لكن بعد ساعتين او ثلاث يرررجع للصياح والالم وكله كوم ووقت النوم كوم ثاني لازم صياح ولازم ضيقه صدر وحوسه وينام ويقوم
الطبيب عطاه مضاد وفيفادول وهستوب ونقط للانف اول ما طلعنا من المستشفى عطيته اول يومين كل الادويه لكن لاحظت انه طايح بالفراش ودايخ وماله نفس ياكل ولايشرب ولا شي وطبعا الدوخه ذي من الهستوب قمت حضرتي وتركت الهستوب واكتفيت بالفيفادول والمضاد ونقط الانف مسيكين صحصح شوي وبدا يقوم ويلعب شوي ولاحظت برضوه انه يشتكي من بطنه او معدته اتصور من الادويه وقله الاكل فقمت استبدل شراب الفيفادول بالتحاميل على اساس اقلل الادويه اللي يشربها لعل وعسى تنفتح شهيته ويخف الم بطنه ياربيه هو بالاصل جسمه صغير وضعيف واكبر مافيه راسه بعد العمليه صار كأنه عمره سنه وضلوعه طلعت ونحف زود ياربي قلبي يعورني عليه استغفر الله بس ماودي اشكي ولا ودي اجزع بس شسوي الام الطقه بقلبها قبل لا تصير بعيالها هم يكبرون وينسون لكن الام مسكينه تضل محتفظه بكل الذكريات الؤلمه اللي مرت على عيالها عسى يعظم اجر والديني ووالدينكم يارب

يا اخوات سؤالي مين مرت بهالتجربه مع اطفالها الله يخليكم افيدوني ووش تنصحوني فيه وكم بيجلس ولدي مع الم الاذن والحلق وهالادويه ذي وكثرتها ما تاثر عليه بعدين ؟:(
افيدوني يا ذوات الخبره الله يعتق رقابكم من النار يارب