العيدمرومافرح به فؤادي

ابيات رائعه جدا جدا.
والله يصبر كل من فقد غالي ويرحم كل ميت ....
والله انه طرا على بالي اذا هذا شعور الأخت وش شعور الأم ....

اللهم اغفر له وارحمه واموات المسلمين ,,
والهم اهله وذويه الصبر والسلوان ..آمين

عظم الله اجرك اختي الغاليه ولا تنسي ان ترددي ((اللهم اجرني في مصيبتي واخلف لي خيرآ منها )) واكثري من الأدعيه واللجوء الى الله والتقرب منه ..




الابيات جدآ معبره عن ما في النفس من حزن والم الفراق

*** العيد مر ومافرح به فؤادي ***

غاب الحبيب وغاب ثالث أعيادي ***وشلون أبسلى بعده اليوم وشلون

أختاي لكما جزيل الشكرعلى التصفح ****ولكما الثواب والاجرمن الله على جميل الرد

بعض التعديلات **********************
العيد مر ومافرح به فؤادي** حيث إن عيد القلب بالقبر مدفون

والموت حان وصار للموت حادي** وقاموا بتكفينه وبقبره يلحدون

غاب الحبيب وغاب ثالث أعيادي** وشلون أبسلى بعده اليوم وشلون

رحل حياة الروح والعيد بادي** والناس جونا في ضنيني يعزون

وأنا أسلم عند مد الأيادي** كني بحلم(ن) ماأعقل اللي يقولون

ودي يصير العلم ماهو وكادي**ياليتكم ياناس للعلم تنفون

والله عقبه ذقت مر البعادي** وخيم علي الحزن وأظلم بي الكون

من لآمني عساه يعاف الرقادي** ومن لآمني لعل أحبابه يبعدون

يسوى جميع الحضر وأهل البوادي** اللي فنى منهم واللي يعيشون

يستاهل أشعاري وبالصوت أنادي** مفتون قلبي في هوى أخوي مفتون

واللي أقوله فيه صدق(ن) وكادي** ماهي أباطيل(ن) وقالوا يقولون

ولا أظهرت بأشعاري مناي ومرادي** وأقول لأبياتي تراكم تعجزون

ومهما كتبت في دنيتي بالمدادي** أقول باقي داخل القلب مخزون

يارب يارحمن ياخير هادي** محيي يباس الأرض بأمطار ومزون

أسألك ياغافر ذنوب العبادي** لأخوي رحماتك وجنات وعيون

وإنك تصبرني على ذا البعادي** يالله يارب(ن) لك الخلق يرجون

والختم أصلي عد ماسال وادي** على النبي والآل واللي يتبعون

اللهم صلي وسلم على نبي الرحمه

محبتكم شعور