السلام عليكم
ابغى افضفض ابغى ارتاح , صدري ضايق وقلبي كله حزن وهموم
الحياة تجارب والحياة اكبر مدرسة صدق الحياة تعلم بس ابعرف ليه القسوة في الناس ماعاد فيه عطف ورحمه ما بقول حب بس بقول مودة بس .
يعني الدنيا تغيرت والا الناس تغيروا , الناس الحين فيهم كذب وفيهم قسوة وفيهم شكوك وطنون وانا يا غافل لكم الله .
المشكلة اللي تحز بالنفس ان القسوة تكون من اقرب الناس لك لو كانت من البعاد ممكن تتحمل اما اقرباءك صعبة بالحيل .
ليه الناس تحب نفسها اول ثم تحبك يعني مافي تضحية مافي ايثاااار وحتى لو حبوك بيحبونك لمصلحة بس .
يعني الغلط مني والا من الناس ,
انا الحين اكتب لكم ودموعي تذرف وحالتي يعلم بها الله جل جلاله
انا ماعدت اهتم بشي ماعدت استمتع لو حتى بشربة الموية . كل شي عندي ماله أي قيمة كل شي اشوفه ما عاد يهمني . ما احب اكلم احد ولا احب اتواصل مع احد بس جالسة ابكي وافكر مابي احد يشوفني ولا اشوف احد ولا ابي احد يشوفني وانا ابكي ولا ابي احد يشوفني وانا مكسورة .
انا كنت اكتب في اوراق وافضفض واطلع كل اللي بصدري وبعد كذا امزعها وارميها .
بس انا ابي احد يسمعني احد يحس فيني . احد يحسسني اني انسانة لي لحم ودم .
انا بقولكم عن وضعي باختصار انا يا بنات كل شي كل شي تتوقعونه عندي من ناحية شخصية انا بنت حلوة وجامعية وعمري 23 سنة ومو ناقصني شي واجتماعية واحب الناس وطيبة وهذا عيبي لان فيه ناس ما تستاهل الطيب وانا صغيرة تربيت مع ولد عمي وحبيته حب مو بطبيعي ( حب براءة ) تعرفون اللي تربوا مع بعض وهو طيب وحبوب واعرفه مثل ما اعرف نفسي واعرف كل شي عنه بادق تفاصيل حياته لانه ولد عمي وولد خالتي بنفس الوقت ( ابوي وعمي ما خذين اخوات )
سبحان الله من يوم انا في الثانوي وانا انخطب وانخطبت كثير وكنت دايم ارفض بحجة الدراسة واني صغيرة والصدق لاني احتري ولد عمي وانا ما كنت ادري عن شعوره اتجاهي بس من خلال بنت عمي اللي هي اخته عرفت انه بيخطبني قريب .
وبالفعل جا وخطبني ( عمي كلم ابويه ) ابويه ما كان عنده وحتى امي لكن صار اللي ما توقعته اخوي هو اللي وقف في طريقي وحرمني سعادتي . اخوي قلب فجأة وصار انسان مو طبيعي يحلف ايمان انه ما ياخذني ويهدد ويتوعد وامي تحب اخوي كثير ولا تحب تزعله بشي سمعت كلامه واقنعت ابوي انه يعتذر ان البنت استخارت وما ارتاحت . وانا يا غافل لكم الله اصلا ما دريت عن كل هذي التفاصيل الا بعدين ولا استخرت ولا شي .
اللي علمني بنت عمي اتصلت وهي معصبة مني وتقول دامك ما تبينه ليش ما قلتي من اول ليه تخلينه يخطبك ثم ترفضين وانا مدري وش اقول ولا اعرف السالفة وقتها .
بعد كذا عرفت من امي كل شي . وحسيت اني في دوامة وحسيت ان اخوي خرب حياتي .
رحت ابغى اتكلم معاه باسلوب هادي وسالته سؤال بسيط ليه منت موافق على فلان انت تعرف عنه شي ؟؟
هو سمع مني هالكلام نزل عقاله وطاح فيني ضرب بالعقال وبرجوله وضربني كف على وجهي كأني سويت مصيبة .
انا يشهد علي ربي ما حد يقدر يزل علي بكلمة اخاف الله ومتربية . وولد عمي محترم ومؤدب ولا يحط عينه بعيننا كبنات
انا راحت كرامتي وراح حلمي وضاع مستقبلي وضاع مني كل شي .
الحين انا وش اسوي في العيد انا شايلة هم العيد حنا عاداتنا في العيد نعيد مع بعض ابوي وعمي لمدة خمس ايام . يعني لو هو يوم بصبر بس كيف اتحمل الخمس الايام كيف اقابل خالتي وبناتها وش اقول لبنت عمي ( بنت خالتي في نفس الوقت ) وهي صديقتي وانا وياها مثل الخوات وش اقول لها وهي كانت الوسيط بيننا . في العيد اكيد ثم اكيد بنخرج البر يعني بشوف ولد عمي اكيد ( لا تفكرون انا نكشف ) لا بس اكيد بشوفه .
ادعولي
يلزم عليك تسجيل الدخول أولًا لكتابة تعليق.
الأخوات الثلاث
•
قولي الحقيقه لبنت عمك
الله يفرجها عليك حبيبتي اوصيك اجتهدي بالعشر الاواخر من الدعاء والفرج قريب يارب
يارب هل علينا الافراح واجعل عيد هالسنه علي وعلى المسلمين عيدين
يارب بشرنا كما بشرت زكريا بيحيى
دعواتك يالغاليه انابعد احس بالعيد وافرح فيه مثل البشر يارب لك الحمد ماقد مر علي عيد وانبسطت
يارب فرجك علي وعلى صاحبه الموضوع وعلى كل من قرا وامن ومن قرا ولم يومن يااااااااارب
يارب هل علينا الافراح واجعل عيد هالسنه علي وعلى المسلمين عيدين
يارب بشرنا كما بشرت زكريا بيحيى
دعواتك يالغاليه انابعد احس بالعيد وافرح فيه مثل البشر يارب لك الحمد ماقد مر علي عيد وانبسطت
يارب فرجك علي وعلى صاحبه الموضوع وعلى كل من قرا وامن ومن قرا ولم يومن يااااااااارب
طيب امك فهمت من اخوك وش السالفه
يمكن شاف عليه شي دام انه معصب لذدرجه .. ولا اصلا مافي اخو مايبي اخته تتزوج وبسرعه بعد
انا مااظلم ولد عمك بس لاتحكمين من الاخلاق والاسلوب من برا
الله يرضيك بقدرته ويشرح صدرك ويريح بالك
يمكن شاف عليه شي دام انه معصب لذدرجه .. ولا اصلا مافي اخو مايبي اخته تتزوج وبسرعه بعد
انا مااظلم ولد عمك بس لاتحكمين من الاخلاق والاسلوب من برا
الله يرضيك بقدرته ويشرح صدرك ويريح بالك
sho0ogi
•
اعووووذ بالله وش قطع الرزق ذا؟
سوري اختي بس والله استفزني الموضوع على اي اساس يرفض؟
بس اسمحيلي يمكن غيره اخوك من ولد عمك هي سبب الرفض
مالك الاتفسرين لبنت عمك الي صار وهي تفهمه بطريقتها
سوري اختي بس والله استفزني الموضوع على اي اساس يرفض؟
بس اسمحيلي يمكن غيره اخوك من ولد عمك هي سبب الرفض
مالك الاتفسرين لبنت عمك الي صار وهي تفهمه بطريقتها
sho0ogi :
اعووووذ بالله وش قطع الرزق ذا؟ سوري اختي بس والله استفزني الموضوع على اي اساس يرفض؟ بس اسمحيلي يمكن غيره اخوك من ولد عمك هي سبب الرفض مالك الاتفسرين لبنت عمك الي صار وهي تفهمه بطريقتهااعووووذ بالله وش قطع الرزق ذا؟ سوري اختي بس والله استفزني الموضوع على اي اساس يرفض؟ بس...
والله هذا احساسي
الصفحة الأخيرة