العيد صار قصة حزن بالنسبه لي

شايله هم العيد 
السلام عليكم

بقول لكم قصة فراقنا ﻵخي الحبيب ثاني أيام عيد الفطر
أخوي كان لنا نعم الاخ وكان ولد بار بأمي وأبوي وكان محبوب من أطفالنا 
لدرجه إن بناتي يزعلون إذا ناديته بإسمه يبوني أدلعه وأناديه بإسم الدلع..
ماكنت أتخيل أخوي بيروح مننا بلمح البصر ماكنت متخيله من الاساس أنه يموت قبلي ...
بس قدر الله وماشاء فعل 
طبعا ثاني العيد بالليل كنت أنوم بناتي الساعه 10ونص تقريبا وقتها أنا غفيت معهن وحلمت أني أمووت وأن روحي تطلع وأني أختنق وصحيت وأنا مفزووعه وكنت خايفه وأتلفت حولي مو مصدقه إني عايشه مابعد مت 
آآآآآه بس ما كنت أدري أن أخوي وشقيقي وقتها كانت روحه تطلع ويحتضر
بعدها رحت لزوجي وقلت له أنا خايفه وحاسه إني أختنق حاسه أني أموت
قال لي تعوذي من الشيطان وروحي توضي وغسلي جسمك وإن شاء الله تخفين ...
دخلت الحمام ودمعتي تخنقني وكلها دقايق ولحظات إلا ويجيني إتصال من زوجه أخوي تقول تعالي أمك محتاجه لك وقتها صرت أصرخ وأقول أمي أكيد ماتت ...خليت بناتي بالبيت لحالهن ووداني زوجي وأنا حافيه وأحمدالله إني لبست عباتي وصلت البيت شفت أخوي الكبير وأخوي الصغير وولد أختي وعيونهم وااارمه من البكاء أكلمهم مايردون علي دخلت  البيت شفت أمي وأبوي حالتهم يرثى لها ذاك الوقت صرررخت وبكييبببببت بأعلى صوتي 
وأقول لهم ﻻ تقولون لي وليد ماااات...
قال لي أبوي  لسى عايش أدعي له آخ ياحسرتي عليك يالغالي 
بعدها جوا خواتي وجوا أمهات أصحابه وقالوا لنا وليد الله يرحمه 
آه من أقسى اللحظات إللي مرت علي من أشدها إيلاما كل ما أتذكرها أحس بجمره على صدري
أكتشفت بعدها أن أبوي كان يدري إنه توفى بس ماقدر يقول ﻵمي ولا يقول لنا بهذا الخبر المحزن لله درك يا أبتي على قد حزنك على فلذة كبد على قد خوفك على أمي من الصدمه 
مرت علينا أيام العيد ثقيله حزينه ﻻ أرى فيها غير الظلام ﻻ أرى فيها غير الحزن كنت أشوف الشمس أحسها تبكي وكنت أشوف القمر واحسه حززززين 
أشوف بناتي وأولاد خواتي بأعينهم حزن يعجز الاطفال عن التعبير به
كل ما أسمعه منهم هي كلمة وليد في الجنه وليد راح عند الله
وأحسبه كذلك ﻵنه وصلنا أن أخر ما قاله أخي في هذه الدنيا هي كلمه الله أكبر أشهد أن ﻵ إله إلا الله وأن محمد رسول الله
وأحمد الله على هذه الخاتمه الطيبه 

أمي وأبوي راحوا الحج هذا العام وسيحج أبوي عن أخوي الغالي
وأسأل الله أن يتقبلها وأن تصله الحجه ...فقد كان أخي ينوي الحج هذا العام

أوالحين شايله هم العيد شايله هم جرح لسى ما إنبرى شايله هم عيد من غير حبيبي وليد الحين صار العيد حزين أكتب لكم الحين ﻵني عجزت أنام من الهم إللي فيني ..هم فراق الغالي كيف أعيد والبس وأستانس وحبيبي تحت التراب آآآه ياوليد تركتنا لدنيا كلها شقى 
آه ياوليد إشتقت لك وإشتقت لسوالفك ولضحكك و إشتقت لكل تفاصيلك
ما أقول غير اللهم آجرني في مصيبتي وأخلف لي خيرا منها


المعذره الموضوع فوضوي وغير مرتب أنا قاعده أكتب والحزن يقتلني 
أخواتي دعواتكم ﻵمي الحبيبه وأبي الغالي ولي وﻷخواتي بالصبر