عظم الله اجركم وغفر لميتكم غاليتي الموت ليس نهاية الحياة هناك حياة ابدية سنلتقي فيها باحبتنا باذن الله تلك ثقتي بربي ،انا فقدت امي وابي وسبحان الله مع العيد او اي مناسبة ابي افرح فيها اتذكرهم لكن مالي ع الصبر حيلة لا املك الا الدعاء ،،احمدي الله ع النعم اللي حولك ربي اخذ اخوك لكن حولك امك وابوك وزوجك وبناتك الله يربط ع قلبك وقلوبنا

لاحول ولاقوة الابالله الله يصبركم وينزل السكينه على قلوبكم الفراق وفقد الغوالي صععععععععب ومر اسال الله ان يرحم ميتكم وموتانا وجميع اموات السلمين

الله يرحم اخوك ويجبر كسركم يارب

انالي خمس شهور دموعي مانشفت ع فراق ابوي

صوته وضحكة وحكاياته كلها باذني وكل شي من حولي يذكرني به

صرت اختنق لرحت بيت اهلي الذكريات تذبحني

الله يرحم ابوي واخوك وجميع اموات المسلمين

ﻻ كان شاب صغير بعمر الزهور كان عمره 17سنه سليم معافي
بس وفاته بسبب إصابه بالالعاب الناريه
آه يالقهر كانت اللعبه خربانه وماشتغلت ولما قرب منها أخوي أصابته بصدره
حسبي الله ونعم الوكيل
أتذكر يوم العيد إللي فات أرسل لنا صورته على الواتس وهو لابس وكاشخ 
ونعلق عليه وننبسط من رسايله لنا واليوم أشوف الجروب ميت ماعاد فيه حياه مافيه إلا الحزن.......
يا أخت صعب اتجاهلك ماقدرت أرسل لك خاص ﻻني داخله من جوال

ياخوي الناس حولي تهنيني وتهديني التهاني والتبريكاتي 
    وكان ودي لو إنك جنبي وأقول عساك من عواده وعسى عيدك سعيدي**
ليه ياعيد تعود من غير أغلى البشر وأعز أخواني
  ماعهدتك ياعيد تقبل علي من غير شقيقي وحبيبي وليدي**
ياثاني العيد تكفى خلك خفيف ومر مرور الكرامي
  ترى قلبي كل ماله يضعف ويون كل يومي وليلي **
ماتدري ياعيد؟!بقدومك هيجت همي وأحزاني
وخليتني أبكي وأبكي وأشعلت قلبي بنار شوقي وحنينيي**
والناس حولي تقول يكفي حزن كلن فقد عزيز وغالي
 أ كلن له عزيز رحل بس وليد مابنساه لو ينعكف ظهري وأمشي على عكازي**
قاعده أعيش على ذكرياتك وأتذكر سوالفنا ومزحنا وضحكنا آخر الليالي
وأتذكر يوم أقولك كبرت ياخوي وبتتزوج وبتنسى سنيني**
وترد علي بصوت كله رجوله:وش دعوه ياخيتي!!ما يشغلني عن خواتي لازوجه ولا بنيني
  والحين رحلت عني وأقول وينك ياللي كنت حامي لي من غدر الايامي**
آآآآآه بس ياخوي ليتك خبرتني قبل رحيلك بيومي
  وخالق الكون كان ودي أفديك بروحي وببنياتي**
وكان ودي أهديك عمري ويصير عمرك طويل ومديدي
بس قدر الله ومالنا إلا الرضاء بالمكتوب والاقداري**
بس وشلون أعيش من بعد فرقاك وأنا أتذكر كل السنيني
  أتذكر يوم قدومك وشرشفك الابيض وريحتك كالياسميني**
وأتذكر يوم رحيلك وريحتك كأنها جنه وورد وبساتيني
وأتذكر مابين اليومين وأتألم وأقول يارب صبرني وآجرني في مصابي**
وفي الختام أعاهدك ياخوي ما أصبح وأمسي إلا وأهديك دعواتي
  الله يتقبلها ويجمعني فيك في جنه عرضها الارض والسمواتي**
وفي النهايه ياناس أنا ماأعرف أكتب للنثر والاشعاري
هذي كلمات خنقتني في يوم العيد قلت يا قلم فضفضها وإكتبها على أوراقي**