العيد واي عيد اللي مر علي هالسنه؟؟؟؟ نكدت علي الله .....

السلام عليكم خواتي مادري شو اقول مادري شو اكتب انا اول مره اكتب مشكلتي في هالقسم يمكن كنت اكتب في قسم الحياة الاسرية اكثر بس احب استشيركم في هالقسم بمشكلتي اللي الظاهر انها ما راح تنحل :(

هالعيد زوجي ماكان موجود كان ماسك طوارئ العيد وهذا اول عيد لنا في بيتنا اللي اضطرينا نسكن فيه قبل لا يجهز الديكور والفرش والاثاث من كثر ما طفشتنا ام زوجي واخوه الله يسامحهم جميع وكنت اتمنى ابدا بدايه جديده وارتاح في بيتي محد يقول فلانه قالت والا فلانه سوت ولا حد يسئ الضن فيني ويكرهني بدون سبب بسسسسسسسسسسسسسسسس مب راضين يخلوني في حالي انا وزوجي وعيالي يدورون لي المشاكل دواره مع اني حاولت اتم على اتصال معاهم بشكل سطحي يعني ازورهم بس ما احتك فيهم مثل قبل مثل الضيف اكون مجرد مستمعه واادي الواجب واطلع عشان خاطر زوجي وعيالي :16:
مع ذلك امه مصره تنكد علي عيشتي تخيلو خواتي يوميا تقريبا ابعث البنات عندها يزورونها وزوجي يزورها بس عشان ماتقول اني كرهت عيالي فيها او اقطعهم عنها وراح زوجي شغله من قبل العيد باسبوع تقريبا والله ولا فكرت حتى تسال عنا او تزورنا او تدش بيتنا هي والا عيالها وبناتها محد حتى سوا لنا تلفون يطمن علينا قلت معليه بكون انا الاحسن رحت قعدت عند اهلي اللي هم جيرانها وخليت بناتي كل يوم او يومين يروحن يزورنها بس بعد ما بين بعينها اول ايام العيد رحت اسلم عليها انا والبنات ولو تشوفون الاستقبال اللي استقبلتني اياه ولا تكلمت ولا نطقت وخليت كل شي بقلبي حتى ما قلت حق زوجي تركت البنات عندها ورجعت بيت اهلي مكسور خاطري حتى امي قامت تصيح يوم شافت وجهي كيف احمر ومتفشله :icon33:
ثاني ايام العيد قمت الصبح بنتي مريضه وحرارتها عاليه وبنتي الثانيه اللي اكبر منها كانت تلعب في الصاله لما رحت اتسبح واغير ثيابي عشان اودي بنتي المستشفى رجعت مالقيتها في الصاله سالت عنها الخدامات واهلي قالوة ماندري وينها اثاري خدامة ام زوجي جت عندنا وخذت البنت معاها ولا قالت لحد عذرها ان خدامتي شافتها وخدامتي ولا قالت لي وقعدت على نار ادور بنتي مب محصلتنها بعدين خدامتي قالت لي يمكن راحت بيت عمتي لما خدامتها جيت عندنا رحت على نياتي ادور بنتي شفتها واقفه عند باب المطبخ الخلفي سلمت عليهم وضربت بنتي على كتفها بشكل خفيف مثل التهديد او العتب وقلت لها انتي هنيه وانا وادورك ليش ماقلتي لي يوم طلعتي ووالله يابنات مالحقت اكمل كلامي الا تثور علي ام زوجي وتقعد تصارخ في ويهي وتقولي خلاص بس ماله داعي تضربين البنت وبنتي خافت وقعدت تصيح وهي تصارخ وتهزء فيني وانا ساكته قلت لها انا ادورها صار لي ساعه وما خليت مكان مادورت فيه لا الخدامه قالت لي ولا هي استأذنت يوم طلعت وهي بس تصارخ وتنازع :44: مثل اللي كان يدورها من الله عشان تمسك علي اي غلطه وتستفزني قدام ولدها واخوها وزوجته انا سكت ولا رديت وطلعت وديت بنتي بيت اهلي وركبت سيارتي ورحت اودي بنتي المريضه المستشفى وهات يا اتصالات اخو زوجي اتصل فيه وشرشحه وسمعه كلام مثل الزفت وتكلم علي وهاني وكذب على زوجي وقاله اني صفعت بنتي وغير القصص اللي مألفتنها امه وتارسه فيها راسه الحمدلله ان زوجي ماصدقه ووقفه عند حده واتصل فيني يسالني عن اللي صار وقلت له كل شي وحلفت له وهو صدقني بعدين ثاني يوم طرشت لي بنتها الكبيره تهزئني في بيتي وتفرد عضلاتها علي مع العلم انهم ياما ظلوني وانا سكت ولارديت وقدام بنتهم الكبيره هاي بس مادري كيف وصلت فيها الوقاحه والجرأه توصلني لين البيت وتحاسبني على تربيتي لعيالي وتحاول تمنعني اني اادبهم او اضربهم ووصلت بها الجرأه والوقاحه انها تسأل خداماتي عن اللي صار ولما اكدو كلامي مادري شو صار فيني يعني كنت ساكته وصابره واسمعها واكلمها بكل احترام بس بعدين انفجرت في وجهها وسمعتها كلام ماضني بتتجرا انها تتدخل في حياتي او تحاسبني في يوم من الايام :30:

بصراحه بنات قلت كلام وايد ووقفتها عند حدها وقلت لها انتو مافيكم خير ولا تستحون واللي يقدر منكم ماعنده سالفه واللي يحترمكم بعد ماعنده سالفه جايه تعلميني وتهينيني في بيتي وتشهدين علي خداماتي صدق ماتستحين ولا فيك ادب وقلت وقلت وايد كلام هي سوت حق زوجي تلفون قبل لا تجيني البيت وطولت السانها عليه وكانت تصارخ وزوجي كان ماله خلق يرد عليها وقال لها اذا تبغين تعرفين السالفه عندك فلانه روحي سئليها وسكر عنها بعد ماطلعت من عندي سوت حق اخوها تلفون وقالت له تصدق فلان احتقرت نفسي لما رحت لزوجتك لا تقولها شي هي معصبه وزعلانه اللحين هو عرف من طريقه كلامها انها جتني واني انفجرت ماقدرت استحمل خلاص وقالها خلاص ارتحتو اللحين ظلمتو زوجتي واتهمتوها واسأتو الضن فيها وقلتو انها تدري ببنتها في بيت اهلي بس كانت تبغي تسوي مشاكل وماتبغي البنات يروحون عند امي سمعها كلمتين واتصل يسالني عن اللي صار وقلت له كللللللللل شي هو ضحك وقالي تستاهل ماجاها احسن

بنات انا تعبت من المشاكل ونفسي افهم ام زوجي ليش تسوي جذيه مع اني ماعمري قصرت معها بشي خلاص اعصابي انهارت واخر خيط كنت مخليتنه بيني وبينهم خلاص قطعته وانا حلفت ماروح لها ولا ادش بيتها وزوجي قال لي على راحتك سوي اللي تبغينه بس والله ان قلبي مقهور وشاب نار يعني على شو كل هذا وليش تحاول تهدم كل عشرة هالسنين والعيش والملح وتحاول تسوء سمعتي بين عيالها واهلها وانا ماسويت لها الا كل خير معقول بعد كل هالسنين تكرهني جذيه بدون سبب وانا اللي حطيتها بمكانة امي ولا قصرت عليها وسويت لها اللي ماسويته لامي ليش ياربي ؟؟؟؟؟؟ انزين معقول يكون السبب لانها بتزوج عيالها قريب وبتحصل حريم عيال غيري طيب ليش تسوي كذا يعني هي كانت تعرف ان احنا بنطلع من البيت لان خلاص ماعندنا مكان يكفينا وبناتي كبرن مب معقوله انا وبناتي الاربع نتم طول عمرنا في غرفة وحده حاولنا نتوسع نبني غرفه ثانيه بس على قد امكانياتنا والغرفه تشققت وطاحت لما كانو يسون صيانه حق بيتهم يوم حفرو طاحت الغرفه وتميت خايفه على بناتي انها تنهار على روسهن

والله يابنات ما كاسر ظهري الا زوجي المسكين اللي خلاص شاب راسه من مشاكل امه واتهاماتها لي وله بدون سبب ولا دليل تعب يابنات وتعبت معاه وادعي ليل نهار ان الله يريحنا وتنتهي هالمشاكل مابغي ارد لهم مثل قبل ولا ابغي اي شي يربطني فيهم لا فرح ولا حزن بس يخلوني في حالي اعيش مع زوجي وعيالي براحة بال :icon33: