العيد و زوجي و أنا

كيفكم *****الله تكونون بخير








معليش بضيق صدوركم وانكد عليكم والعيد بكره وياليت تعطوني حل لاني تعبت من زوجي لانة اناني بكل ماتعني الكلمة تخيلو ماوداني للسوق ولا مرة اروح بسواق اهلي ونقصني كماليات بسيطة قلت له امس ودني اسوق فية اشياء ناقصتني قال بكرة الظهر يكون السوق فاضي انا سكت وماقلت شي ومن تسحرت وهو مزعجني روحي نامي علشان تصحيني بكرة زن علي لين نمت وصحيت 12 الظهر اليوم ومالقيته نايم طلعت للصالة لقيتة مانام جالس عالنت يلعب قلت له يلة نروح رفض انا مانمت انا تعبان اصلا مو لازم مشي حالك وااله يابنات ماقت ولا كلمة رحت اكمل نومي ولحقني على بالي بيلطف علي الجو وقام يسولف

واهله ماعندهم عيد في بيتهم امه تروح تعيد عند اخوانها والعام رحت لهم المغرب اسلم عليهم لقيتهم نايمين وتعبانين بالعربي مالهم خلقي

فحطيت في بالي انا ماراح اروح لهم لان زوجي بيروح ثاني العيد مع اخوانة وعيال عمة لمزرعة خاله ومع انة بيسافر ويتركني والله يابنات ماقلت شي ماعارضت ابدا

لكن تخيلوا قلت تو يافلان وين بتوديني انا وبنتي يوم العيد " بما اني ماتعيدت الصباح وهو بيسافر ثاني العيد "

قال وبكل بساطة مالي دخل فيك انا بروح اسلم على امي سلام العيد وبطلع مع صديقي متواعد انا وياه نتمشى

انا باللحظة هذي ودي اصيح باعلى صوتي وش الظلم هذا

واكيد تسألون واهلك ليش ماتروحين لهم اولا ماعندي خوات وامي متوفية وابوي متزوج علشان كذا ماتحمس اروح لهم ابدا يكفي اني بروح لهم ثاني العيد وبقعد 3 او 4 ايام


امانه يابنات ادعولي زوجي يحن قلبة علي احسة ظالمني بقوة المشكلة اني سألته وين عيديتي قال وبكل بساطة مافية وانا شارية له عطر وناوية اعطيه له ليلة العيد


الله يعافيكم ردو علي بآراآكم و لا خطة جهنمية ولا دعوة حلوة مثلكم