هنادي ج :

جوى العسل ربي يقضي حوائجك متل ماقضيتي حاجتي مااتصورت انه عندي فانوس علاء الدين السحري وقلت باحسن الاحوال راح تدخل ذاهبة وتحط الرابط بس اتاريك متل العادة منقذتي جزاك الله خيرا ورزقك سعادة الدارين وكفاية همهما ------------------ زهودة بسم الله عليها جورية شكلها حابة تستنفذ صبرك عالاخر بس الله يرضى عليك عم تعرفي تمام كيف ماتعطيها على هواها لحتى ماتطول بدلالها وتتعب وتتعبك معها بالنسبة الامورتي الكبيرة ليش تزعلي بالعكس زهودة انا مبسوطة انه اخيرا اتعرضت لموقف اكون انا معها لحتى ارشدها لاني مابعرف متى بتتعرض لموقف او تحدي وانا ماكون موجودة لساعدها لذلك عم حاول اني اتابعها واساعدها مع اعطائها فرصة تكتشف بنفسها اديش هي اقوى مما هي تتخيل اليوم رحت لصفها بس لتشوفني اني موجودة ومهتمة بس الحقيقة هي عملت كل شي بدون ماتحتاج مساعدتي انا جبتها للمدرسة بالسيارة مو بالباص وهيك كان معها اربع دقائق في الصف قبل دخول البنات وهي استغلتهم بانها راحت لصف تاني مخصص لبنات المعلمات وسحبت المقعد لصفها واخدت مقعدها المكسور بدلا عنو وبسرعة جلست بمقعدها الجديد بعد ماشالت من عليه اي علامة او لاصق موجود ولما البنت يلي كانت جالسة بهالمكان طلبت منها تغادر المقعد وترجع لاخر الصف اجابتها بنتي انها ماراح تتزحزح من مكانها وانها البارحة كانت كل مابنت بتزعجها بتصبر وبتقول راح اخليكم لذوقكم بس اليوم خلاص ماراح اتزحزح من مكاني وطبعا اجت الموجهة وبنتي اكلت نصيبها لانه البنت اتهمتها بانها طردتها وهيك اشياء بس المهم انه بنتي بقيت مؤدبة مع معلمتها ومافتحت فمها بكلمة وبالاخر الموجهة تركت بنتي بالمقعد والمضحك المبكي انه بنتي طول النهار ماراحت للحمام من خوفها يروح مقعدها هههههههههه طبعا البنت قعدت بجنب بنتي على نفس المقعد وعملت حركة ضربت فيها بنتي وبعدين قالت لها مو قصدي كمان هون بنتي صبرت وطولت بالها بس من هون لاخر النهار كانت بنتي مصرة انها تكسب صداقة هالبنت وهي نحنا عم نفكر باكتر من اسلوب انا لما كلمت الموجهة وعامل النظافة الكل اكد لي انه بنتي بحمايتهم وكله تمام وبالحقيقة هنن ماعملوا شي بس المرات القادمة راح تتعزز عندهم فكرة كونها مؤدبة وكمان شوي راح يكتشفوا شطارتها وهيك راح تكسب احترامهم غصبا عنهم في شغلة تانية خففت عن امورتي انه اليوم وصل بنات من مدرسة ممتازة وكمان قضوا النهار بيبكوا خخخخخخخخ يعني صارت هي بدها تخفف عنهم وتعطيهم امل انه ممكن نغير الصف ونساويه جنة بس اذا تعاوننا يعني حسيت انه ماعاد فيها تستسلم لانه في غيرها محتاجها قوية والحمد لله انا مبسوطة كتير من التجربة لانها اجت بوقت مناسب جدا يعني الصف العاشر مو مشكلة ينزل مستواها الدراسي لانها السنة القادمة راح نرجعها لمدرسة خاصة محترمة بس يكون الوضع الامني صار احسن وهيك بتطلع من هالتجربة برصيد يعلمها كيف بتكون اقوى بوجه اي صعوبات وماراح احكيلها اني عم ساعدها ولا راح احكيلها عن تعاملي مع عمال النظافة خليها تفكر انه الناس لطيفة بطبعها مو لانه في من عم يعاملها بشكل مميز يوم هدية ويوم خدمة وهيك اشياء كنت لما اشوف حدا عم ياخد هدية لمديرة او مشرفة اعتبره رشوة وبشكل واضح ودايما برفض هالاسلوب وعمري مااتبعته بس اليوم في من كلمني كيف اني ماعم اخد شي مو من حقي اصلا وهو ان اتعامل باحترام فقط وانا اخد هدايا ترفع من مستوى المدرسة بشكل عام وليس هدايا مخصوصة للشخص نفسه وتالتا انا بس بدي الفت نظرهم الى اني امراة لطيفة فقط ليسمحوا لي بالاقتراب والمشاركة بتحسين مستوى المدرسة ولو بشكل جزئي رابعا الموظفين كلهم مساكين عن جد مساكين من افقر طبقات الشعب وحسبي الله على كل من جعل التعليم عنا بهالشكل المخزي ويارب يارب ماكون غلطت باسلوبي هاد وعارفة انك ممكن تلوميني فارجوك لا تتواني لانك صديقة عزيزة واكيد احتاج رايك --------------------- فيافي المدينة. / ام ببيبرس ربي مايحرمني من تعاطفكم بس ياغوالي لو اتراجع مستواها الدراسي معلش هي بعام مو فاصل ابدا بالنسبة لمستقبلها وممكن تعويضه واكيد انا هالسنة راح احتاج الدروس الخصوصية ويارب مااحتاجها جزاكم الله خيرا عتعاطفكم وربي يفرح قلوبكم بولادكم

جوى العسل ربي يقضي حوائجك متل ماقضيتي حاجتي مااتصورت انه عندي فانوس علاء الدين السحري وقلت...