وهذه النتيجه النهائيه واللوك الجديد
(والشاطره اللي تعرف بإيش زينة العلب الملونه )
وهنا التسريحه : الصندوق الخشبي للعطور
_العلب للقزاز وحده لتولات دهن العود ووحده لحبات العوده
وعلبه صغنونه فيهامكياجي اللي استخدمه غالبا
وهذا صندوق مخليته لعطور البيت والكريمات وبعض المستحضرات
وهذه كمان علبة شماغ مغلفتها بقطع أقمشه زايده من زمااااااااان
ومخليتها لأغراض زوجي واوراقه
وهذه سله معلقه فوق مرايه طويله احط فيهاسجادتي وشرشفي
واحيانا اي شئ ابغى ارفعه عن اولادي
وهي اساسا كان فكرتها اني احط فيها الكتيبات والأشرطه لكن مرفوعه فوق
تطفش اذا بغيت منها شئ
فغيرت استخدامها وهذه المره كمان علقت عليها اطواق لولو ونظارتها
(أشغلتهم هذه النظارات كلما لبست نظارتي قلدوني عاجبهم شكلي مو متعودين )
وختاما
صورة لفطوري المتواضع اليوم تمر وقهوه وجبنيه
الله يقبل منا ومنكم باقي عليه يومين واخلص الست الله يتممها لي
بعدها سويت العشاء وروشت الصغار وبخرت ونظفت المطبخ وغسلت الأرضيه
وتذكرت ملابس الروضه ابغى اغسلها رحت غسلتها مع باقي المجموعه
ونشفتها وكويت اللي احتاج والباقي طبقته مايحتاج ولله الحمد
وماصدقت والله اني اجلس خلاااااااااااااص في الأخير مليت وقلت الباقي بكره على خير
مو ذابحني في البيت كله الا غرفة الألعاب جننتني كلما رتبتها حااااااسوها
مع اني خليت لولو اخر مره هي اللي ترتبها وحاولت تحافظ عليها لكن
جلسوا معاها بنات جارتي وماقدرت تسيطر عليهم قامت ساعدتهم في التدمير
اكثر من اول وان شاء الله انظفها اناواياها بكره مره ثانيه باذن الله
الله يصلحهم ويهديهم من بعد الاجازه مشيبين راسي فقدت السيطره عليهم
وجالسه اعيد كل شئ من البدايه
هذه علومنا وسلامتكم
وكل اللي نزلوا يومياتهم بصور اوبدون الله يعطيكم الصحه والعافيه
ويبارك لكم في اوقاتكم وفي عمالكم واعماركم يارب
ويرزقنا واياكم الاخلاص في العمل
واعذروني اليوم عن الردود لأن عيوني والله تعبت من تعديل الصور وتحميلها
اوعدكم في اقرب فرصه باذن الله ادخل واستمتع بالردود والسوالف معكم
تصبحون على خير
وهذه النتيجه النهائيه واللوك الجديد
(والشاطره اللي تعرف بإيش زينة العلب الملونه )
وهنا...
1- 1/2 كيلو فول مدشوش
2- ربطه كزبره
3- ربطه كرات اخضر او بصل اخضر كامل واذا حطيتى بصل اخضر استغنى عن العادى
4- شطه , كمون قليل,كزبره ناشفه ملح
5- بصله كبيره + بعض فصوص من الثوم
طريقه التحضير :
1- ينقى الفول ويغسل وينقع بالماء لمده 6:5 ساعات
2- بعد ذلك يصفى الفول من الماء
3- تقطع الخضره بعد غسلها والبصل والثوم
4- بعد ذلك يفرموا بمفرمه اللحم او مفرمه الكهرباء
حتى تنعم جدا
5- وتكيس فى اكياس وتوضع فى الفريزر
6- عند قليها يخرج الكيس من الفريزر حتى يفك من التجميد
7- نضع عليه الملح والبهارات وقليل من الكربوناتو انا ما استخدم كربونات
8- وتشكل الطعميه الى اقراص وتقلى فى زيت غزير وحار
8- تبلل اليد بالسمسم والكسبره الناشفه وتبطط الاقراص
وتوضع فى الزيت حتى تستوى
وتوضع اقراص الطعميه على ورق نشاف
حتى يصفى من الزيت الزائد
ملحوظه :-
لا نوضع البهارات على الطعميه عند دخولها الفريزر
لانها سوف تجعل العجينه سوداء