صباح الخير
اصبحنا وأصبح الملك لله , اللهم اني أعوذ بك من الهم والحزن وأعوذ بك من الجبن والبخل وأعوذبك من غلبة الدين وقهر الرجال
اليوم بدأت بالمطبخ الخزن العلوية , ورتبت المنزل ع السريع ولما حسيت بالنعس أجيت سلم عليكم وأقرأصفحاتكن اللي فاتتني مع فنجان نسكافيه ,,, خصوصا مالي نايمة غير 4 ساعات ,,,,,
وشفت ردك يا هنادي منشي ساعة والله وما رحتي عن بالي عم فكر فيكي شو بدي قللك والله مالي عرفانة الله يا رب يهديه ويصلح حاله يا رب وتشوفيه بأعلى المراتب يا رب , مابعرف شو احكي هنن الصبيان هيك ولا نحن العصبية يلي عنا هي اللي عم تخليهن هيك والله مالي عرفانه ,أنا لما سألتك حتى أستفيد منك لأني مو عارفة أترك أبني يدرس لحاله لهلأ وهو تماما بعمر أبنك الله يسلمهم 11 سنة صف سادس وموادو صعبة عندو فرنسي من الصف الأول وساينس (علوم ) وكمبيوتر أنا لما بفتحوا ما بفهم فيه على قد مو صعب وماث (رياضيات ) انجليزي هاد غير المواد يلي بالعربي يعني مدرسته بتعطيه منهاج عربي وانجليزي وماادة الانجليزي دسمة وأنا يلي دارسة هون كل عمري ومفكرة لغتي تمام ملاقيتها صعبة بس عنا المدارس هيك بتهتم باللغة أكتر من كل شي,وهو ما بيحب اللغه الانجليزية , المهم هو عنده اكتر من 8 معلمات ومن صف الأول يا عزيزتي وأنا كل مابروح على مدرسته ما بعرف وين بدي ودي وجهي من الخجل , هو ذكي ماشاء الله وواثق بنفسه لدرجة الغرور ومثقف جدا بس عامل حالو أفهم من المدرسة تبعوا ومستحيل مستحيل يقدر يقعد على مقعدو يعني كل الحصص واقف هاد الحكي لنهاية صف الخامس هلأ ما بعرف كيف صار , بس انا برمي نص حكيوا بالبحروما بصدقوا وهلأ من جديد صاير الولد بيكذب واكتشفت هالشي من الصلاة لما بقللوا قوم صلي بيقللي صليت من شوي هون وانا قاعدة معو وشايفة أنه ما صلى ولا شي بس حتى يسكتني , واللي بيكدب بهي بيكذب بغيرها
ياعزيزتي , انا مرة سمعت محاضرة د.الخليفي قال فيها انه الأم يلي بتجيب شنتة ابنها وبتفتح بتشوف شو عنده هي أم عم تخلي أبنها طحلب بعمره ما رح يكبر ويصير يعتمد على نفسه طيب اذا هنن مو مهتمين ومضيعين حالهم نحن كمان منضيعهم والله مالي عرفانه لأني لهلأبفتح شنتايته وبشوف شو عليه , علما بأنه اذا شكيته لأبوه لح يضربه ضرب مبرح والله بندم على كل مرة بوصل فيها لأبوه شي لأنو بخاف ع الولد يروح بين ايديه على قد مابيضربه وبيحمله من آذانه على طوله يا ربي دخيللك , الله يوفقك لا تقولي علي عم بتفلسف عليكي لأني حاسة بوجعك بس أنه انتي تسألي رفقاتو وأهلهم كمان فهاد غلط المفروض انو صار كبير ويعتمد على حالو والا والله بيتجوزوا وبيجيهن ولاد وهنن لس ولاد , يمكن لازم يتحملوا نتيجة اعمالهم مهما كانت قاسية علينا نحن يعني الولد بيتعلم من غلطه لما بيرسب مثلا بشي امتحان بيتعلم درس عمره مابينسى نحن ما عنا صبر نخليهم يتعلموا لوحدهم اذا ام الرسام عم تقرا ردي عليكي يا ريت بس تقلي صح ولا لأ , لني لهلأ مو عارفة أتركه يوصل لهامرحلة , اخته صف ثالث ما شاء الله عليها بطلع عليا من بعيد وهي عم تدرس ومن الوائل وهو صار يغار منها ويضربهااا وبس مو تحمس يعني ,,,,
وموضوع التبول اللا ارادي الحمد لله ما حدة من ولادي عانى منه بس انا اللي كنت عاني منه بصغري ولهل ما بنسى قديش كان مشكلي أزمة يمكن ضليت لنهاية الابتدائي وكانت امي موظفة واسمعي بهدله الصبح .......... والموضوع أبداااا مو بايده الله يا ربي يشفيه شفااءا تاما لايغادر سقماا أدعيله ادعيله ادعيله وبس
يمكن لازم نكون اهدى بكتير من هيك انا عني عصبية جدا وشريرة يعني عند الانفعال ما بعود بشوف قدامي ويمكن صوتي بيوصل للجيران ومن شي أربع سنين من عصبيتي كنت آخد مهدئات بس قطعتها لني ما استفدت ولما داومت على قراءة القرآن وقيام الليل تحسنت أموري كتير بس هلأ متراجعة الله يصلح حالي
وبصراحة ولادنا ما عم يشبعوا حنان أنا عني ما عنديوقت أحكي معهم أبدا وهاد اكبر غلط بس الله يصلح حالي قبل ما يفوت الأوان لأنو بيضل عندي امل انه رب العالمين بايده كل شي ولما بقول للشي كن فيكون قادر يهديهم ويصلح حالهم ويبارك فيهم بس أرجوكي هنادي لا تقولي حسبي الله ونعم الوكيل فيه لأنها خطيره ,الله يا رب يفرج همك ويفرح قلبك فيه ويجعله يا ربي قرة عين لأمه
صباح الخير
اصبحنا وأصبح الملك لله , اللهم اني أعوذ بك من الهم والحزن وأعوذ بك من الجبن والبخل...
هنادي مو مشكله اذا كبرتي الخط ,أنا ما عرفت
هل لح استاذن لأنو تأخرنا عنا معهد
أدعولي
زاهدة بدك خط اكبر من هيك !!