غرفة عيالك حطي فيها جلسه وشاشه لهم يتفرجوا فيها. وحطي لكي بغرفة نومك او اذا فيه ممر بين الغرفتين -ركن قهوه- حطي غلايه وقهوه وشاي واغراض تحضيرهم. حتى لو شاي اخضر وغيره كل طقوسك. وتلاجه صغيره داخل غرفتك. صح الاطفال ينحشروا بغرفه يملوا ويطفشوا . لكن حاولي قد ماتقدري تخلي غرفتهم هم يحبوها مو انتي تجبريهم. اشتري لهم عصيرات وشغلات وطلعيها على شي يحبوه بالتلفزيون. خففي من اختلاطهم. وغرفتك خيلها غرفة عروسه لا تخلي الظروف تخليك تبعدي وتهملي زوجك. الله يكتب لنا ولكي ولكل من تتمنى البيت الواسع الجميل المستقل اللي نكون فيه ملكات مرتاحات يارب

الوضع غلط كلمي زوجك اذا ميزانيته تسمح له تطلعون بره لو بغرفتين وصاله وحمام وفي كثير شقق رخيصه وايجارها حتي 12 الف بالسنه يعني 1000 ريال بالشهر مابيهز ميزانيته اهم شي راحتكم

الله يفرج همك

اصبرى انا خالتى كانت نفس وضعك بس معودة عيالها على الترتيب وغرفتها هى وزوجها نضيفة دائما عيالها بيجلسو فيها بس لازم تكون مرتبة وقبل زوجها يجى من الشغل تكون ذادت من ترتيبها وبخرتها واتروشت هى وغيرت ملابسها حتى عيالها تخليهم يتروشو ويغيرو ملابسهم عودى عيالك على النظام والله خالتى الحين صار عندها شقة لحالها صبرت سنيين على الوضع دا وان شاء الله انتى كمان يصير عندك بيتك بس الترتيب مهم لانو حتى لو صار عندك بيتك عيالك حايكونو تعودو على عدم الترتيب وحايعذبوك وصدقينى لو قدرتى تغيرى فى عيالك عيال عماتهم حايشوفوهم ويتغيرو ولا اخوات زوجك حايغيرو منك ومن عيالك ويصيرو مثلك

عليك بمفتاح الفرج الإستغفار والدعاء ،
وأكثري من قول لاحول ولاقوة إلا بالله ،
و ( ربنا آتنا في الدنيا حسنة وفي الآخرة حسنة وقنا عذاب النار )
والدعاء فالسجود له أثر عجيب لأنك تكوني قريبة من الله تعالى ، الله يعينكم ويرزقكم من واسع فضله .