ماشاء الله ... لاقوة الابالله
العيش الحساوي الكل يترقب طلته بعد التشويق والألحاح الشديد في طلبه
قررنا تنزيله وشرحه بالصووووور
العيش الحساوي شغل مرت أخوي اللي هي بنت عمي أم سعد
ترى هي طباخه عليها نفس بالطبخ ماشاء الله تبارك الله
بس ياليت تعرف للكمبيوتر والاللنت هي شاغله نفسها بالدروس الدينيه
الله يثبتها ويعطيهاماتتمنى ويصلح لها عيالها والتصوير تصويري من كاميرتي
ندخل على شرح الطبخه مقادير وطريقه بالصور الممله
نغسل الدجاج ونقطعه
نغسل العيش وننقعه
وهذي شكله بعد النقع
نقطع البصل ونخليه في قدرمع كم قرن فلفل وليمون أسود عدل على النار وننتظر يصير قاع القدر أحمر
نرشه بشوية ماي ونخليه يشرب الماي اللي لون البصل مرة ومرتين
لغايه مايذبل البصل ويحمر نصب عليه قليل من الزيت
ونضيف الدجاج والبهارات كمون كزبرة ناشفه بزار كركم هيل ودارسين ناعم
نضيف نصف مقدار الكزبرة الخضراء الطازجه ونقلبه
نضيف الطماطم المقطع قطع صغيرة
ونخلط الكل مع بعض
نضيف معجون الطماطم والنصف الباقي من الكزبرة
ونخلطهم مع بعض
يتبع
نصب الماي ونضيف الملح ونتركه على النار لغايه مايستوي الدجاج
نضيف القرع
نضيف العيش
ونتركه يغلي على النار لغايه ماينشف المرق
نتركه على نار هاديه
وهذي الشكل للعيش
سامحوني بنات نسيت أصور الطبق أول مانشبناه ماتذكرت الاقبل يخلصون
فصورت صحني بس
فبل أكله
بالعافيه