ثاني مره انزل الموضوع اتمنى يضبط معاي لأن فعلاَ تعبت ههههه
اليوم وصفتي العيش الصيني بالدجاج
FRIED RICE
نبلش بالشغل
المكونات
دجاج منظف عدل بالطحين والملح ومقطع + صويااا + بازلاء+ بصل هندي مقطع صغير
زنجبيل مبشور مقدار نص ملعقه+ملعقة سكر وملح + بصل أخضر مقطع شرائح رفيعه
باقي المقادير : سمسم نص ملعقه + زيت عافيه + بهارات مسالا + فلفل اسود ناعم نسيت اصوره
عيش مشخول طريقته معروفه
نجيب جدر ونحط فيه شوية زيت ونشوح البصل لما يصير احمر شوي
نضيف الزنجبيل
نضيف الدجاج هالخطوه نسيت اصورها اخذني الحماس ماعليه سامحوني
بعد مايستوي الدجاج تقربا نخليه ربع ساعه نضيف البازلا والبصل الاخضر
والسكر والملح وبهارات المسالا
نضيف الصويا و نخليها خمس دقايق تمتزج مع المقادير السابقه نغطي عليها
ونروح للعيش المشخول
نجيب جدر ونحط فيه زيت عافيه مقدار كوب ونحط فوقه العيش المشخول
ونقلبه شوي شوي حتى مايتكسر بس نشوف حبته تقسي نشيله ونحط تحته مصفاه
عشان ينزل الزيت الزايد
بعد ماصفيناه من الزيت نضيفه على الدجاج وباقي المقادير
لي عوده لاتردون بنات :26:
بالنهايه نحط الفلف الاسود ونقلب الخليط كله ونغطي عليه ونخليه لما يستوي
الشكل النهائي
احس الصوره مو واضحه حيل :44:
هنيه شكله اوضح
واخيرا الصلصه : كاتشاب + معجون +فلفل اسود + بصل اخضر مقطع شرائح يخلط مع بعض على النار لمدة عشر دقايق
واتمنى يعجبكم الطبق
ابي الدعاء لي بالشفاء العاجل وان ربي يحفظني لعيالي
وتدعون لي بالستر انا وبنات المسلمين كافه
ملاحظه : لا احلل من تنقل الموضوع لمنتدى اخر دون ذكر اسمي واسم منتديات عالم حواء