ازيكم اخواتي في الله يا رب دايما تكونوا بخير 😍
و بمناسبة دخول المدارس هنعمل سوا
العيش الفينو تطبيقى للشيف محمد فوزى 👌
بجد يا جماعة ماشاء الله العيش تحفة هش و طري و اقتصادى جدا و احلى من عيش المخابز كمان و ريحته جميلة جدا يعنى من الاخر يتاكل حااااف ...اتمنى انكم تجربوهو الكمية دى بتعمل 14 رغيف وسطبسم الله نبتدىالمقاديرنص كيلو دقيقمعلقة و نص كبيرة سكرنص معلقة صغيرة ملح250 م ماء ( كوب و ربع ماء ..بس هو خد معايا اقل من الكوب و ربع بقليل )معلقة كببرة خميرة ...(انا استعملت خميرة بيرة قطعة فى حجم الليمونة الصغيرة )2 معلقة كبيرة زيتللوجه ( سمسم + حليب )يسوى على درجة حرارة 190 (( نار فوق المتوسطة )الطريقة********@ اول حاجة هاخد الخميرة و ادوبها فى نص كوب ماء مع نص معلقة سكر من المقادير و اغطيها لحد ما انخل الدقيق و احط عليه الملح السكر و الزيت و اعجن بالماء المذاب فيه الخميرة مع باقى الماء و هعجن كل المكونات مع بعض كويس جدا لمدة 10 دقايق و ا غطيها بكيس و اسيبها تخمر لحد ما يتضاعف حجمها,,اخدت معايا ساعة و نص تقريبا@ هاخد العجينة بعد ما تخمر و اقسمها نصفين و كل نصف هقسمه لسبع قطع ..عشان ده الحجم المتوسط للعيش الفينو ..و اغطيهم و اسيبهم يرتاحو 10 دقايق@ هاخد كل قطعة عجين و افردها على سطح مرشوش دقيق خفيف على شكل مستطيل او بيضاوى بالشكل ده@ و بعدين هلف العجينة اللى فردتها رول و ما ننساش قبل التقفيل النهائى للرغيف الفينو اقفل حروفه كويسمن الجانبين ..و اخلى تقفيل الرغيف لتحت لما نيجى نحطه فى الصنية ( و ماننساش نشيل الدقيق الزيادة بالفرشاه),,اما الكيزر يا دوب بتطغطى عليه بايدك
@ و بعدين هنرصه فى صنية مدهونة زيت و تغطيه بقماشة او فوطة و نسيبه يخمر لمدة ساعتين ( اوعى تغطيه بكيس عشان ما يلزقش منك و هو بيتخمر و يضيع التخمير على الفاضى)
@ و لما يخمر و حجمه يتضاعف هنمسح وشه بالحليب و نرش سمسم و ندخله الفرن اللى شغال قبل كدا بخمس دقايق ...و لااااااااازم و ضرورى اول ما يطلع من الفرن تغطيه بفوطة او قماشة عشان بفضل طرىلانك لو مش غطتيه هينشف منك ...و لما يبرد شويه حطيه فى كيس ابيض ...و الف هناالكمية هنا عملت 14 رغيف ,,,9 فينو و 5 كيزر و ماخدش معايا فى الفرن 10 دقايق للصنية الواحدة
اتمنى ان الموضوع ينول رضاكمفى رعاية الله و حفظه اخواتى فى الله 💚❤
تسلم الأيدي