صباحكم ورد حبيباتي
طبعا اغلب اللي عيونهم صغيره اذا جو يحطون مكياج يطلبون من الكوافيره تكبرها لهم
مع ان العين الصغيره لها جمال خاص وناعم
فحبيت احط لكم رسمة عين تبرز جمال العين الصغيره وهي الطريقه الصحيحه علشان مانزيدها صغر
.
.
بعد مانحط نجهز الوجه للمكياج بالطريقه اللي تعودنا عليها نجي لخطوات الشدو
نرسم الحاجب بخفه ونرتبه ومانكثر اللون
بعدين نحط اللون الابيض من شارمل على كامل الجفن
بعها نحط اللون الوردي اللؤلؤي من شارمل على الجفن الثابت وندمجه مع الابيض صعودا للحاجب
ونوزعه شوي في مقدمه العين على الجفن المتحرك
بعدها نرسم العين بالايلاينر الازرق ونحط كحل ازرق فاتح داخل العين
ونرسم بالشدو الازرق فوق الايلاينر ونوزعه بخفه على الجفن وعند نهايه العين نوزعه صعودا للحاجب مثل الصوره
بعدها وزعت غلاتور من شارمل على كامل الجفن
تحت العين نرسم خط رفيع بالشدو الكحلي او الازرق ونحط خط من الغلاتور يعطي منظر حلو
بعدها نحط الماسكرا ونكثر لأن الرموش هي اللي تعطي الجمال والمنظر اللي نبيه
وهذي النتيجه النهائيه جربوها وان شاء الله تظبط معاكم لأنها جد نعومه ومنظرها حلو
وهذي الصوره حطيتالشدو اللون الفضي والايلاينر الرمادي بدل الازرق وداخل العين نحط ابيض
