العين

السلام عليكم ورحمة الله وبركاته
كيفكم حوائيات إن شاء الله تكونوا تمام
انا يبنات عندي موضوع يخص صاحبتي لي فتره متردده أكتبه أولا
الموضوع حساس شوي ولاني عارفه من وين ابتدي
بحاول قد ما أقدر أوصل لكم شعور هالإنسانه
اول شي هي إنسانه طيبه لأبعد حد ماتكن لأي انسان شر اللي فقلبها على لسانها أغلب الناس يتكلموا معها وينتقدوها فوجهها ماعمرها زعلت منهم وعادي تحش فنفسها معهم بدون ماتشيل على أحد فخاطرها حظها من الدنيا بسييييط لاتعليم ولا وظيفه ولا دخل
نأتي للمشكله اللي مدمره حياتها على قولتها تقول تحس ان عندها عين قويه ماتشوف شخص الا ويجيه شي وعلى طول تنفث على مويه وتعطيه على طول يتعافى تقول ماعلمت غير زوجها يقول يمكن قلبك حسود وهي تقول يشهد عليها الله انها ماتحسد إنسان على شي أعطاه الله تقول راضيه بكل شي عطاني الله
بس همها الوحيد كيف تتخلص من العين مع انها على كلامها محافظه على الأذكار وماعمرها دخلت بيت بدون ماتسمي وتذكر الله
ياليت اللي عندها حل لمشكلتها أو مرت عليها نفس حالتها تعطيها الحل
وهل تنصحوها بالذهاب لشيخ وإخباره بمشكلتها