العين حق

الله يكفينا شر العين 
انا مر علي موقف وحده ركبت سياره اخوها 
اخوها هذا يصير زوج اختي طبعا اختي شاركت معه في شرا السياره 
لما ركبت اخته قالت واااو سياره خطيره وماذكرت الله
بنفس اليوم انقلبت عليهم السياره والحمدلله سلموا
وكل الي شافو السياره استغربوا كيف اصاحابها سلموا من هالحادث الشنيع الله يكفينا الشر 

ههههههههه على طول جا في بالي سالفة اختي و زوجة خالي
اختي ماشاء الله تبارك الله ربي يحميها جميلة جدا جدا خصوصا عيونها مرسومة الله يحميها ولا يضرها
و مره كانت راسمه الايلاينر وطلعت خيال وشافتها زوجة خالي وطول الوقت تتأملها وتتغزل فيها
طبعا ما اخذنا الموضوع بجديه عادي نضحك لها وكذا لما طلعت من البيت اختي بدت تبكي من عوار عيونها
وصارت حمرررراء ومنتفخه تخوف ):
وديناها الطبيب قال جاها حساسية رمد ربيعي وللاسف جاها وهي كبيرة بالعشرينيات يعني راح تتأخر جدا على ما تطيب
عرفنا انو منها العين اخذنا غسالها عقب فنجالها بدون ما تدري وغسلنا عيون اختي فيه
وربي تحسنت مرا ماشاءالله وشبه تشافت وبشكل ملحوظ
بعدها فعلا آمنت اكثر بالعين

خالتي شرت بناجر جديديده تقول جتها من الجماعه وحده تحب خالتي وخالتي تحبها تقول سالتني من وين جبتيها وبكم وماقد شفت زيها بس تقول من حبي لها استحييت اقولها بركي واصلا ماتوقعت انها بتضرني تحلف بالله ياذيك الليله ماقدرت تنام فيها تقول ريحتها صارت ولا مجاري الله يكرمكم ولاعاد قدرت تلبسهم من هاالريحه وبعدين باعتهم

وفي الحَدِيثٌ : " الْعَيْنُ حَقٌّ تُدْخِلُ الْجَمَلَ الْقِدْرَ ، وَالرَّجُلَ الْقَبْرَ
وفي مررة وحدة زارت صاحبتها في بيتها الجديد واعجبها البورسلان جدا وشهقت ونسيت تبرك وتقول قبل ماتجلس فطع البورسلان تحت رجولهاونزلت مساحة كبيرة من الغرفة يعني نزل من مكانه.
عاد راعية البيت تقول انحرجت الزايرة جداً وما قدرت تكمل الزيارة وراحة بيتها فوراً.

مره كنت لابسه بناجر جدد وفرحانه فيهم. ويوم العيد لبستهم. ورحنا بيت عمي. وعلى طول انتبهوا. ماطلعنا من عندهم الاهن. متكسرات. رايحات.