العين حق ...ولكن ....

السلام عليكم ورحمه الله وبركاته ..
كيف الحال بنات ان شاء الله تكونون بألف صحه وعافيه🌷
اااةة يابنات فيني ضيقه مو طبيعيه الله لايذوقها لكم ولا لحبايبكم
للي مايعرفني من اول
انا متزوجه وعندي طفلين وعلاقتي بزوجي الحمدلله كويسه بس 🙆🏻‍♀️🙆🏻‍♀️ بس هذي وراها اشياء واشياء
بالبدايه بقولكم زوجي عنده اعتقاد كبير بالعين وكل شي يربطه فيها هي فعلاً حق وانا مؤمنه فيها بس موكله امري لله ومااخليها شماعه لكل مشاكلي
المهم
للي يعرف وضعي من قبل قد تكلمت عن وضع السكن ان زوجي واخوانه ساكنين جنب بعض بيوتنا وامه بعد وعندهم ديوانيه ويجتمعون فيها كللهم
تخيلو يابنات وضعي مع هالرجال مايجي من الديوانيه الا اخر واحد اعتقد هو اللي يطفي اللمبات والمكيف متخيلين انتم
بيجي ببالكم عنده خرابيط ولا انا مقصره معه لا والله ظليمته شينه وانا بعد اجواء البيت زي مايحب وواحسن
وطول وقته يرسل يترجى لاتنامين انتظريني لاتنومين الصغيره
اقوله طيب ليه تعال الان ليه اقعد انتظرك بس عشان اجلس معك شوي يقول والله اذا جيتك احس عيوونهم فيني 😭 لانهم يتكلمون تعرفون شباب وياخذون راحتهم يقولون اي تناديك المدام
ف هو يتكهرب مايجي ولمن يجي يحط بباله انه انتبهو ف يتوتر وغالباً نتهاوش واروح غرفه عيالي انام عندهم
تخيلو معي ان عشان اشوفه اقعد اطل من غرفتي انتظره لين يطلع المجلس مكانه بالزاويه ومن غرفتي يكشف المكان اطفي الانوار واطل لييين يجي ومرات ازعل وادخل انام ومرات اجلس انتظر ومن يدخل اتهاوش معه وابكي
الحين عندنا تعديلات بالبيت وطالعين بشقه صار يجي وعادي نتقهوى مع بعض ونسهر وماعندنا مشكله عجبته السالفه وبعد فتره كنا رايحين عند امه انا وهو بحكم انه اذا جيت ازورهم الان لازم بسياره لاننا بعدنا وقال والله يايمه ان الحي اللي مستاجرين فيه الان حلو وحتى فيه بيوت جاهزه للبيع جديده مرره حلوه امه على طول التفتت علي قالت لاااااا والله ماتطلع من هالبيت انا انحرجت مرره ووهو قال لاا موقصدي احس حنا الثلاثه عارفين كل شي حتى امه تعرف طبعه وكم مره اشتكي لها منه .. بس والله ماعمري قلت له خلنا ننتقل بعيد عن اهلك
المشكله واضحه زي الشمس اتمنى تقولون لي كيف اقنعه ان البيت شي عادي الواحد يسري له بيرتاح بياكل بينسدح مو شرط انه يبي زوجته ولا راجع عشانها ياما يوم كنا متهاوشين وبعد يسوي نفس الشي