العين خربتني

السلام عليكم انا عضوه جديده عندي مشكله صارت من سنه الحكايه اهي اني انا الوحيده بيضاء بين اهلي كلهم بس مره رديت من دوله عربيه كان عندي فيها شغل وهذه الدوله مررره جوها حار اثر في بشرتي وسمرت مررره وكان عندنا وحده مرره تحب الشماته وقالت لي اسوديتي عاد انا بثقه رديت وقلت لها كلها يومين وبشرتي ترجع زي اول واحسن وصدق يابنات واللله كلها15 يوم ورجعت زي اول واحلى والله صرت مثل القشطة وجات عندنا وانا كنت لابسه اسود وسلميت وجلست واهي بس اتطالع بقووه واستأذنت وسرت السوق وقلت لاختي احس ان وجهي يعورني قالت هذا كله منها كانت بتاكلك اكل مع اني عادييه بس مرره بيضاء واختي قالت دقي على امي تخلي اثرها بس كانت امي خلاص غسلت الكاسات وهذا بعدها بكم يوم اقسم بالله الذي لااله الاهو صار وجهي اسود وعالجته بالكريمات ولا نفع عاد بعد ماسافرت انتبهت انها اهي اللي عاينتني والحين هي سافرت وما قدرت اخذ منها اثر والله يابنات ان وجهي من عاينتني له سنه مو راضي يرجع زي اول وكل ماشافني احد قال يمه بسم الله مرره اسوديتي بنات شلون اطلع العين من جسمي اخذت منديل مبلل ومسحي فيه مقبض الباب وحطيته بمويه بس ما ادري ماافاد شو الحل اللخ يسعدكم زواجي قريب عسى اللي ترد تكون من اصحاب اليمين