العين وماادراك مالعين .....هل من حل ..

والله يااختي بصراحه ماادري
العين حق ماانكر
لكن فيه ناس صار كل شئ عندهم عين
صحيح ناس يكونون مايذكرون الله لكن عيونهم مب حاره
والمفترض ذكر الله في كل الاحوال
لكن المشكله بعض الناس عزلوا مسالة القضاء والقدر وحطوا العين سبب دائم لكل المصائب
اما بخصوص اختك
فماادري اسئل الله انه يعوضها
اما بخصوص مرة اخوك اذا فعلا حسيتوا ان هالشئ منها وتاكدتوا لان بعض الظن اثم يعني مو شئ سهل
فخذوا منها
وحاولوا دايما تذكرونها بذكر الله
وتحصنوا
لكن تاكدوا ان فعلا هالحرمه عينها حاره مو بس تمدح حالها حال غيرها من طيب قلب
يعني مو من مجرد استنتاجات حريم حطيتوا التهمه عليها

انا لامعها ولامعك انا مجرد رئي كتبته وانتم الادرى بالتفاصيل

مشكورة ياخت دانه على المرور .....والله ياختي مادري شقولج ...اللي لفت انتباهنا اسلوبها بعد تلقي الخبر ....كانت مب مباليه بالمرة وكانها ارتاحت .حتى واختي تقول لها الخبر قالت هاة اوكيه حتى ماتعظمت ولا قالت الله يرحمه ولا شي ..انا معاج في كل كلمه قلتيها ان مب شرط كل شخص يمدح معناه انه ينظل كلنا نمدح وكلنا اذا شفنا شي حلو مدحناة بس فيه ناس لاشافوا شي حلو معاد يشيلو عينهم منه لدرجه تخافين من نظراتهم .وفيه منهم اللي يخاف من فلان وعلان .وكانهم بقاسموة في رزقه مع ان الارزاق بيد الله ......قد يكون اسلوبها دفش وماتعرف تعبر جايز واكون ظلمتها يمكن .....بس اسلوبها شككنا فيها للراحه اللي شفناها عليها خصوصا انها بدايه حملها مع اختي يوم درت ان ثنتينهم حمل قالت لاحول بعد اختكم حامل معاي في نفس الوقت كان اجلت شوي ...لازم يعني نحمل كلنا في نفس الوقت ...مع ان حملهن ثنتينهن صدفه في نفس الوقت ...بعدين بعد اللي صار لختي قامت تخاف من العين بشكل مو طبيعي ...مع ان حنا ماطرينى سالفه العين عليها خير شر ومعاملتنا لها ماتغيرت هي معنا زينه وحنا معاها نفس الشي ....بس صار لنا كذا موقف من هالناحيه .معاها ..
والله مادري شقول لكن زمنا هو الزمن اللي قال فيه رسول الله ...ان اكثر امته في نهايه الزمان يموتوا من العين ..// بما معناه..