جمانة ١٤٤٠ @gman_1440

عضوة نشيطة

الغاز مفتوح غريبه؟!

السلام عليكن اخواتي العزيزااات
تقريبا العشاء لقيت الغاز العين الصغيره مفتوحه بدون نار ومقصر عليها الاخر شي يعني تسريب استغربت من اللي لاعب في عين الغاز سألت بناتي كبار قالن لا ابد
سألت الصغيره ٣ سنوات ونص قلت ياماما لعبتي في عين الغاز قالت لا ماما قلت اعطيك هديه اذا علمتيني قالت ايوه لعبت قلت اي وحده لعبتي فيها اشرت على اللي كانت مفتوحه قلت يالله افتحيها طبعا فتحها صعب لازم اضغط على جوى ثم الفها حاولت ماقدرت بنتي ابدا ماقدرت تفتحها وتلفها زياده انه قلت انتي اللي فتحتي درج البوفيه علميني عادي ما ازعل اذا قلتي الصدق اعطيك هدية اذا قالت ايه فهي تكذب مافتحت عين الغاز لأنه هذي غرفه فيها طاولة طعام وبوفيه ماندخلها ابدا مقفله بتأكد اذا هي صادقه لعبت في عين الغاز بنتي ولا اعترفت عشان اغريتها بالهديه وتفاجئ تقول ايه ماما فتحت درج البوفيه انا شكيت وبداء ابليس يلعب براسي قلت هذي العاملة الأسيويه اللي عندي وطلعت غرفتها اسألها قلت انتي شغلتي عيون الغاز قالت لا قلت متأكده قالت ابدا وطفيت دبة الغاز كلها طبعا العامله كانت بغرفتها وقت ما انا اكتشفت ان الغاز مفتوح وتستعد للنوم قلت وين مستحيل بتنام وتخلي اللغاز هذا انتحار بنفس الوقت ابليس الله يلعنه قام يوسوس فيني قلت بيني وبين نفسي لو بنتي كان عرفت تلفه وتفتحه لكن قدامي حاولت ما قدرت شلووون وبس الوسوااس قام يلعب فيني طبعا هي لها سنه و ٦ شهور ماشفت منها شي تطبخ النفسها وتحوس بالمطبخ ما اشتكيت منها ابداااا لكن ابليس شاطر والعاملات بشكل عام ما اثق فيهم لكن شر لابد منه

يلزم عليك تسجيل الدخول أولًا لكتابة تعليق.

تسجيل دخول

Nadine Abdulaziz • 4 سنوات

ممكن بتكونوا نسيتوها بعد الطبخ
الله ستر ولطف ما اختنقتوا ولحقتي عليها وانتبهتيلها
الحمد لله عالسلامة

حكاية اكتوبر • 4 سنوات

لاتظني الظن السيئ في احد ..
دائما تسير اشيل الطبخه من على النار واكون مستعجله وانساها شغاله ..
لو اتكرر الشي ممكن اقولك بفعل فاعل ..
بس اول مرا حرام لاتظلميها الظلم ظلمات يوم القيامه ..
الحمدلله ربي حفظكم انتبهي المرات الجايه وشيكي على الغاز قبل تنامي ..

جمانة ١٤٤٠ • 4 سنوات

Nadine Abdulaziz :

ممكن بتكونوا نسيتوها بعد الطبخ الله ستر ولطف ما اختنقتوا ولحقتي عليها وانتبهتيلها الحمد لله عالسلامة

ممكن بتكونوا نسيتوها بعد الطبخ الله ستر ولطف ما اختنقتوا ولحقتي عليها وانتبهتيلها الحمد لله...

لا دخلت المطبخ المغرب وماكان فيه ريحة غاز واخر مره وقت الغداء فتحنا الغاز والمغرب شغلت العين الثانيه مو اللي كانت مفتوحه وسويت قهوة ورجعت الصينيه على اذان العشاء وماكان فيه ريحة غاز والعامله مافتحت الغاز شفتها تسخن لها عشاء بالمكرويف من غدانا ماقربت للفرن متأكده ميه بالميه محد كان موجود بالمطبخ الى العشاء الا العامله هي كانت موجوده بالمطبخ وبناتي يترددن اللي تشرب مويه واللي تفتح الثلاجة تاخذ تفاحه ولا اي شي لكن محد قرب من اللغاز بناتي كباااًر مافيه الا الصغيره

غيمه ونسمه • 4 سنوات

الله يحفظكم
قبل ماتنامي لازم تشيكين على البيت كامل
الغاز والكهرباء والشواحن
أحياناً اكون خلاص منسدحه بنام مافيني حيل
بس اتذكر عيالي اخاف يكونون لاعبين بالنار والغاز
خصوصًا لهم سوابق في ذالك الله يهديهم
و اقوم اشوف المطبخ وافصل الأفياش والشواحن

جمانة ١٤٤٠ • 4 سنوات

حكاية اكتوبر :

لاتظني الظن السيئ في احد .. دائما تسير اشيل الطبخه من على النار واكون مستعجله وانساها شغاله .. لو اتكرر الشي ممكن اقولك بفعل فاعل .. بس اول مرا حرام لاتظلميها الظلم ظلمات يوم القيامه .. الحمدلله ربي حفظكم انتبهي المرات الجايه وشيكي على الغاز قبل تنامي ..

لاتظني الظن السيئ في احد .. دائما تسير اشيل الطبخه من على النار واكون مستعجله وانساها شغاله .. لو...

اول مره بحياتي تصير وبنتي اللي عمرها ٣ سنوات ونص من الاطفال الغير عبثيين وماعي راعية حوسه ابد ما عانيت منها الحمدالله
وش خلاني اشك بالعاملة لانها مره تنظف الثلاجة وسكرتها من الفيش ونست تفتحها يوم كاامل وذاب اللحم وخربت الارزااق