سعودية من قلب...أنا مثلك ولدي بيدخل المدرسة هذي السنة إن شاء الله..وشايلة هم أشياء كثيرة غير تجهيزات المدرسة .مثل التحرشات الجنسية والبدنية ( المضاربات) ، والسلوكيات والألفاظ اللي يتعلمونها الأطفال من بعض رغم ان المدرسة اللي سجلناه فيها سمعتها طيبة جدا مل شاء الله ..,انا أتمنى لو الوزارة يفصلون السنوات الثلاث الأولى عن السنوات الثلاث الأخيرة خاصة انهم لهم نظام مستقل بذاته سواء في الدراسة أو الإجازات.
أما بالنسبة لتجهيزات المدرسة : اللي أشوفه إنك تاخذين الأشياء الأساسية والباقي أجليه لين تشوفين طلبات المعلمات .
يعني المريول والجزم والشراريب واكسسوارات الشعر والشنطة وأقلام الرصاص والألوان والتجليد اللاصق والبرايات والمحايات. هذي أساسية في كل مرحلة والباقي خليه حسب الطلب علشان ما تجيبين شي يكون زايد.وبالنسبة للدفاتر أظن ما يحتاجونها بأول سنة لأن تطبيقاتهم تكون على الكتب نفسها ولا لا؟

أختي منى ..جزاك الله خير على التنبيه عن موضوع الصور ..لكن المؤسف إن السوق مليان شنط بصور بطريقة غير عادية حتى ولدي جنني أبغى سبايدر مان..أبغى باتمان ..حتى الصغير اللي بيروح روضة إن شاء الله صار يقول مثله وأنا وأبوه كل شوي نذكره نقوله صور لا وفي الأخير ما شاء الله عليه تجاوب معانا والحمد لله واختار شنطة حلوه معاها مقلمية ومحفظة وفرحان فيها وفي المحفظة ..الله يصلحهم وينبتهم نبات حسن. وعلى فكرة هذا كله وأنا ما عندي غير قناة المجد في البيت أجل كيف اللي عندهم فضائيات ثانية.

الله يجزاكم الف خير يالغاليات
يالله ياشجرة الدر ايش لو عندك سبيس تون او تنزاو mbc3 و غيرها الي الاعلانات فيها ما تخلص
لو تشوفين بنتي مجننتني على اي شيء يسوون له اعلان وخصوصن اغراض البنات اعلاناتها كثير مرررررررررررره كثيره و ماتخلص
الله يعين بس

الله يحفظ لك بنتي راح اوصيك بانك تروحين معاها اليومين الاوليين وتتعرفين على مدرستها وتشرحين لها كل شي عن بنتك لانه فيه اطفال يكونون خجولين او عندهم تصرفات مثل الحركه الكثيره وغيرها000وكذلك اشتري لها جزمه مريحه جدا اسفه ولدي يبكي اكمل لك وقت اخر

تسلمين عيوني نوف الحربي
انا الحمد لله بنتي دخلت السنه الي راحت الروض وعارفه النظام
ولو انها جرئه شوي بس احسن من انها تكون خجوله


وانا في انتظارك بعد ما يسكت ولدك _________ صدق اني ما انعطي وجه:)