الغالي سعره فيه

السلام عليكم ..
مساءكم فل ياحبايب قلبي
بنات اليوم بتكلم معكم بموضوع حيل مهم ويهم كل ربه منزل ...
واتمنى نتناقش فيه ونفيد بعض بتجاربنا...
راح اتكلم عن تجربتي مع محلات التخفيضات والاغراض اللي بخمسه ريال وعشره ريال وعشرين ريال
وكيف انها استنزاف لااموالنا ببضاعه رديئه وصلاحيتها محدوده
بقولكم تجربتي اللي تعلمت منها.
{اول ماتزوجت ياغوالي اول ماينزل الراتب كنت انزل اقضي نواقص المطبخ
لاني تزوجت وزوجي ماثث البيت من الى من كل شي حلو بس المواعين ماشترى شي يقول تخصصك انتي
اذا جيتي اشتري ..
قلت له ابشر ..
المهم كنت اول ماينزل الراتب هجوم ع محل الاواني المنزليه
فالبدايه كنت اشتري اواني الماركه الغاليه والمره اللي بعدها صرت اشتري من التخفيضات
اعجبتني التخفيضات صرت انزل كل شهر املى المطبخ من كل شي وبارخص سعر
بس الاحظ ان الاغراض تخرب من ثاني او ثالث استخدام
واحيان تنكسر بيدي من اول مره
مثل الملاعق تنكسر بيدي
الكاسات لو بس انزلها ع الطاوله انشرخت
المبشره تنكسر
ترامس القهوه والشاي بعد ساعه صارت بارده
الفناجيل بعد شهر يصفر لونها وتبهت
صرت اتضايق بس ماجاء ببالي اني ممكن اترك محل التخفيظات
ممكن اغير المحل فقط
وفعلا منطقتنا فيها مئات محلات التخفيظ
صرت اروح للمحل اقضي مواعين والاقي فيها ملابس حلوه جدا
البجايم ع عشرين ريال
والارواب ع خمسين ريال
سال لعابي
لكن كمان الاحظ الملابس بعد اول غسله يبهت لونها ويمكن يجي فيها فتق صغير
جلست سنين احيان اخذ مواعين غاليه وعليها القيمه وماركه
والمره الثانيه اخذ من ابو عشره وخمسه
بعد الخساير والخمسات والعشرات طول هالسنين
المطبخ مافيه ولا ملعقه ولا كاس ولا صحن ولا مبشره ولا قدر
من اغراض التخفيضات
كلها خربت وتكسرت وبهتت
مع اني حريصه ع مواعيني حرص مو طبيعي
وارتبها وانشفها عشان ماتقولون تكسرت من اهمالك
انا بعد اللي حصل استنتجت شي واحد
مطبخي فاضي من كل اغراض التحفيضات اللي اخدتها من فتره بسيطه
لكن مطبخي فيه مواعين من اللي اشتريتها غاليه
ولها سنين معي
وباقي كنها جديده
واستخدمها يوميا
ولا تخرب ولاتتكسر
ولاتنخدش
وزي الفل
وقررت اقاطع محلات التخفيضات وارفع شعار الغالي سعره فيه
صح الاواني صارت مره غاليه وتنافس الفساتين والاجهزه الالكترونيه
بس تجلس معك وتطول وتستفيدين منها
بدل ماكنت اروح اقضي للمطبخ والبيت ككل ب500 ريال وفالنهايه تخرب وتضيع فلوسي واقسم بالله بعضها تتكسر وهي باقي بالكرتون حقها
صرت اروح اشتري لي شي واحد غالي
شهر اشتريت ترامس قهوه وشاهي مع فناجيلها وطقم كامل من الى ب300 ريال
وشهر اشتريت شنطه كامله سكاكين وملاعق وملاعق حلا وشوؤك طوال وقصار
ب280 ريال
صرت اشتري اكواب حلوه مثلا 6اكواب طقم ب140 ريال
وابشركم استخدمها كل يوم وميه ميه
هههههه حتى نفستي زانت بدل مو كل يوم يخرب شي وينكسر بيدي شي واتحسر ع دراهمي
قررت اني اقاطع محلات التخفيضات والغيها من حياتي واذا مريت من جنبها اكش لها بيدي
لو جمعت فلوسي اللي راحت ع اشياء تقليد وشريت بها شي حلو وسعره مناسب كان فلوسي راحت بشي يفيد
صدقوني الشي الغالي سعره فيه ويعمر معك
سواء ملابس او اغراض بيت او اي شي نحتاجه في حياتنا
خصوصا اذا كان استخدام يومي
طبعا ماقولكم ضيعو فلوسكم واشترو بالغالي
بس بدل ماتضيعن تعبك وفلوسك بشي تقليد
حطيها بشي سعره كويس وينفع
وشرايكم بكلامي من توافقني عليه
وياليت نسمع تجاربكم..
واسفه لو طولت عليكم بس وربي ابي افيدكم ...}