موضوع جدااااً مفيييد ومهم الف شكررر

وينك يا داليا :(

كيفكم صبايا انا اسفة على الاختفاء المفاجئ بس من ورا تحاليلي اختفيت وانا وعدتكم احطلكم إياه بس ححكيلكم الأرقام او كلمة ممتاز او سيء


فيتامين د .. من 23 صار 120
فيتامين ب12 مو متذكرة اديه كان بالزبط بس كان بحدود 100 هلا صار 400
بالنسبة للسكري الصايم 83
بالنسبة للكوليسترول ممتاز جدا جدا جدا لانه هو عبارة عن 6 تحاليل تقريبا بس كل واحد فيهم ممتاز والأرقام الطبيعية بعد ما كان ببداية ما بعد رقم العالي الطبيعي


لهون الوضع ممتاز ... نيجي للغدة الدرقية واللس سبب اني اختفيت وما عم بدخل لاني انصدمت من النتيجة


فحص FT4 هو 10.62 والمعدل الطبيعي ما بين 12-22 يعني اقل من الحد الطبيعي وهاد مو مشكلة عندي لانه لما الدكتورة خفضتلي الجرعة زمان لـ 50 كان فحص FT4 6.87 يعني ارتفع بس ما وصل الحد الطبيعي ومع الوقت بيرتفع


فحص FT3 هو 3.46 والمعدل الطبيعي هو 3.1 - 6.8 يعني ماشي حاله بس زي ما حكيت بده وقت ليرتفع لانه بيتاثر بهرمون T4 لهون الوضع مبين عندي كسل غدة صح يا جماعة


نيجي لفحص TSH طلعت النتيجة 0.018 والمعدل الطبيعي ما بين 0.27-4.2 طبعا الي فترة بعاني من انه دايما TSH كتير قليل كانه عندي نشاط غدة من شي سنة او اكتر بس ما كنت اخد ببالي صح دايما قليل بس عمره ما وصل لهيك ارقام الا من شي 7 او تمان شهور


طبعا انا كانت تيجيني اعراض كسل ومرات اعراض نشاط بس الي شي سنتين لما راجعت حالي فعلا عندي اعراض نشاط غدة دائم متل التعرق والشعور بالحرارة دايما حتى بالبرد يعني بعز التلج لما نزل عنا بالأردن كنت فاتحة الشباك ولابسة صيفي لاني مشوبة وكان يمسكني صداع اخبط راسي بالحيط عشان يهدا وغير عيوني دايما بتحرقني وناشفة وبتحكني وهلا صار بشكل دائم بس برضه ما توقعت اللي حقرأه


طبعا اول امبارح بالمسا طلعت النتيجة وامبارح من الصبح وانا اتصل بدكتورتي لانه تحليلي نصه معناته كسل غدة والنص التاني معناته نشاط غدة بس للأسف كانت مجازة امبارح واضطريت ادور عن حالتي ليه هيك عم تطلع النتائج معي والها فترة سنة تقريبا او اكتر دايما TSH بالواطي عندي


المهم طلع في حالات جدا جدا نادرة بينصابو بمرض المناعي هاشيموتو اللي بسبب كسل الغدة وبنفس الوقت بينصابو بمرض المناعي جرايفز اللي بسبب نشاط الغدة وهاد السبب اللي بخليني عم اتعب وخاصة قبل ما اترك الجلوتين كنت في نزاع ... وبحمد ربي ليل نهار اني تركت الجلوتين لانه لما عم بخف الالتهاب بجسمي عم توضحلي الرؤيا اكتر لانه مثلا اخواتي ابسط مثال صح عندهم هاشيموتو بس صحتهم ما شاء الله منيحة وما بعانو متل معاناتي


طبعا قبل شوي رجعت من عند دكتورتي انصدمت من التحاليل الخاصة بالغدة حتى حكتلي مو عارفة شو مشكلة الغدة وحطت ايديها على راسها فقلتلها دكتورة انا امبارح من كتر قلقي على الموضوع فتشت عن السبب وطلع في حالات نادرة جدا بصيبهم هاشيموتو وجرايفز بنفس الوقت وقالتلي صح في هيك حالات وبالفعل طلبتلي تحاليل كل أنواع اجسام المضادة الخاصة بالغدة الدرقية وليوم السبت لتطلع النتيجة باذن الله ويا رب يكون فعلا عندي نشاط غدة لانه علاجه اسهل من السهولة نفسه بالنسبة لحالتي حاخد حبة اليود المشع عشان النشاط يتحول لكسل ولأنه بضل كسل الغدة احسن واهون من نشاط الغدة وكتير صعب يوازنو بين ادوية النشاط والكسل


وبشكر كل انسانة دعتلي لانه دعاءكم اله دور كبير باني اعرف شو مشكلتي لانه اذا عرفتي المشكلة عطول بتعرفي العلاج ... وبشجعكم اكتر من قبل تتركو الجلوتن والزيوت النباتية المضرة ... هدول الي كانو مخبيين علي مرضي ومجرد ما تركتهم جسمي نضف والكوليسترول كان مرتفع شوي هلا ما شاء الله جدا ممتاز وحتى السكر كان شوي مرتفع هلا نزل للرقم الطبيعي


بنات أي واحدة عندها أسئلة او استفسار باي شي تكتبو وانا من الاحد حرجع ارد عليكم بس بدي اعرف اكتر عن اليود المشع واثاره الجانبية وكل شي بس وعد الأسبوع الجاي برجعلكم وبجاوبكم والله العظيم اشتقتلكم على الرغم ما بعرفكم شخصي

مبرووووك اخت داليا
ماشا الله نتائج تحاليل تبارك الله ممتازه
الله يساعدك وتكملي اللي بديتيه
ويعافيك ويعافي كل مريض
أنا كمان الاسبوع الجاي بسوي تحاليل لبنت اخوي وأشعة MRI لنتأكد ان الرأس سليم
وان شا الله تطلع الناائج حلوه علشان تشجع أهلها يكملوا علي الحمية

ماشاء الله اخت داليا نتائج التحاليل ممتازه عسى الله يتمم لك شفائك وترجعين بكامل صحتك وعافيتك