اخت داليا
عملت تحليل tpo وطلعت النتيجة اقل من 98
ايش معناها ؟؟
وشكرااا
اخت داليا
عملت تحليل tpo وطلعت النتيجة اقل من 98
ايش معناها ؟؟
وشكرااا
داليا-74
•
اخت داليا انا معاي حساسية صدربلغم والتهاب شعب ويجي معهم كتمه صيق نفس وع البخاخ سيمبيكورت وحبوب سينقوليرالحمدالله ع كل حال ودال معاي 8 ومعاي جيوب انفيه وحاليا حلقي ياليت تردي علي سويت اشاعه وطلع معاي وتخطيط قلب وسليم الحمدالله وصورة دم وسليم ياليت تردي علياخت داليا انا معاي حساسية صدربلغم والتهاب شعب ويجي معهم كتمه صيق نفس وع البخاخ سيمبيكورت وحبوب...
حبيبتي جاوبتك على الخاص على كل اسئلتك
مشكوره ياداليا الله يجزاك خير وتمنى تردين على اسألتي انا استأصلو الغده كلها وعطوني علاج تعويض مدى الحياه وذلحين حولوني على الرياض يقولون لازم تصوير لدم واشاعه نوويه وتنويم يومين بيعطوني حبة اليود المشع فيديني في الموضوع اذا كنتي عارفه احد قد اخذو منه هذي الفحوصات وعطوه الحبه اوكم يعتزل عن الناس ردي الله يسعدك دنيا واخره يارب
الصفحة الأخيرة
بالنسبة للدجاج والبيض اذا مو مكتوب نباتي الاغلب بكون طبيعي وبتقدري تاكليه وممكن ترفعي السماعة عليهم وتساليهم للشركة اللي بتاخدي من عندها وحيجاوبوكي وبحالة ما بدك يبقى الافضل تقللي الكمية سواء البيض او الدجاج ... وصح حكيك بنسلخ الجلدة عن الدجاج لما تاكليها
مرقة اللحم يومي اشربيها وطبعا اذا فيها لحم كليه وخاصة اذا كان لحم اللي بيرعى على الحشيش جدا جدا مفيد وبيعالجك بسرعة واستمري عليه كل يوم على الاقل صحن او صحنين وما تنسي القلوبات والكبدة والكلاوي ممتازين جدا وبعجلو من الشفاء ... انا من جديد صرت اكل اللحمة عشان هيك ما قدرت اشرب مرقة اللحمة والا المفروض كلنا نشربها لانه الفوائد كلها بالعظام اللي ما بنقدر ناكلها
بالنسبة للبروتين مو بس جاج ولحمة وسمك بتقدري كمان تاكلي فول وتاكلي عدس وتاكلي كتير شغلات بتقدري تنوعي منها بس عموما من وجبتين لتلات وجبات باليوم واذا حابة تاكلي من اللحوم فكلي قطعة حجمها اد كف الايد وجنبه صحن خضار وما تنسي تاكلي البصل والتوم وزيت جوز الهند لانه مرضكم بحاجة لهدول التلاتة بشكل يومي معلش بعرف الريحة مؤذية بس في حبوب الثوم كمكملات غذائية بتقدري تاخدي منها حبة كل يوم
اشربي عصيرات زي ما بدك ما دامها طبيعية بس اول شهر قللي عصير البرتقال واشربيه بكمية محدودة يعني مرتين بالاسبوع اما باقي العصيرات بتقدري تشربي منها بس عموما انا اول شهر كنت اشرب اكتر شي مي واعشاب وحاولي تقللي من عصير البرتقال عشان ننضف جسمك من رغبته بالسكريات بس بعد شهر اشربيه بكل اريحية
عصير دكتور اوز بيشفي كمان وبيقوي الجسم وبيقوي المناعة وبيعالج وبخليكي تشربي العصير من غير ما يؤثر كتير على اكلك وخاصة اول فترة صعب تاكلي 9 كاسات خضار وفواكه فحيسهل عليكي كتير وان شاء الله ربي يشفيكي وتقومي وتركضي وتعملي اللي بدك اياه خلال فترة حميتك
بالنسبة لفيتامين د .. اذا كان عندك نقص شديد ما حيصير معك شي بالجرعة اليومية 5000 لانه الدكاترة عنا بالاردن بيكتبو للي عندهم نقص شديد (متل امي كان على ما اذكر 12 او 13) كل اسبوع 50000 وحدة دولية ... يعني بالشهر بياخدو 200000 وحدة دولية ولمدة تلات شهور وامي هيك كانو كاتبينلها وما استفادت هالشي العظيم ارتفع بس قليل ... الافضل تاخدي جرعة يومية واذا بتحكي لدكتورتك على الاقل تعطيكي النقط تبعون الاطفال لسة بتستفيدي اكتر وكل يوم حتتنشطي اكتر من اليوم اللي قبله وحيكون امتصاص جسمك للكالسيوم بالنسبة المعقولة وما حيسببلك غثيان وغيرها من الاعراض اللي بتصير مع اللي بياخدو جرعات كبيرة.. وجرعة الاطفال حسب ما فهمت عندكم قليلة 2800 ضرب 30 يوم بيطلع 84000 يعني احسن من اللي انتي هلا عم تاخديه وخاصة مرضكم بده فيتامين د وهاد حكي الدكاترة الاجانب الكل بينصح بالجرعة اليومية لو حتى 2000 او حتى 1000 بس تكون يومية وما تكون لا اسبوعية ولا شهرية
بالنسبة للدكاترة ما تزعلي منهم لانه دراستهم بس كيف يعالجو المرض ما ينظرو بالاسباب اللي سببت هاد المرض عشان هيك بمرضى كسل الغدة ما بيهتمو يحكولنا شي عن السبب بيحكو بس المرض وعلاجه لانهم ما بيعرفو شو الاكل الصحيح ولا بهمهم شو السبب خاصة العلاج واحد مافي غيره ... بس احنا هلا الحمد لله صرنا نعرف شو الاكل الصحيح ولازم باذن رب العباد نمشي عليه ونضلنا ماشيين عليه .. اذا بدك ترجعي تمشي وتركضي من غير تعب ولا وجع لازم تمشي على الحمية وتتعبي على حالك واكلك كله صحي ونضيف وحينشطك وخلال اول شهر حتحسي بالفرق وتاني شهر حتحسي بالنشاط وبالقوة وتالت شهر حتقومي باذن الله زي الغزال من غير وجع ولا تقل على رجليكي ويارب من اول شهر تشفي وتروح كل اعراضك
واي استفسار اسالي انا اختك والله العظيم بفرح لما تسالوني بحس انو في صبايا فعلا مهتمة وحابة تشفى وانا حعمل كل اللي بقدر عليه عشان اساعدكم