داليا
أسأل الله العظيم رب العرش العظيم أن يجزيك على موضوعك هذا خير الجزاء
أحييت الأمل فينا بعد إرادة الله وقدره ومشيئته التي جعلتني أفتح موضوعك وأقرأه لأول مرة
فَقَدْ ثَبَتَ فِي صَحِيحِ الْبُخَارِيِّ مِنْ حَدِيثِ أَبِي هُرَيْرَةَ- رَضِيَ اللَّهُ عَنْهُ- عَنِ النَّبِيِّ- صَلَّى اللَّهُ عَلَيْهِ وَسَلَّمَ- أَنَّهُ قَالَ: «مَا أَنْزَلَ اللَّهُ دَاءً إِلَّا أَنْزَلَ لَهُ شِفَاءً».
وَفِي صَحِيحِ مُسْلِمٍ مِنْ حَدِيثِ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ: «لِكُلِّ دَاءٍ دَوَاءٌ فَإِذَا أَصَابَ دَوَاءُ الدَّاءِ بَرَأَ بِإِذْنِ اللَّهِ».
وَفِي مُسْنَدِ الْإِمَامِ أَحْمَدَ مِنْ حَدِيثِ أُسَامَةَ بْنِ شَرِيكٍ عَنِ النَّبِيِّ- صَلَّى اللَّهُ عَلَيْهِ وَسَلَّمَ- «قَالَ: إِنَّ اللَّهَ لَمْ يُنْزِلْ دَاءً إِلَّا أَنْزَلَ لَهُ شِفَاءً، عَلِمَهُ مَنْ عَلِمَهُ وَجَهِلَهُ مَنْ جَهِلَهُ»، وَفِي لَفْظٍ: «إِنَّ اللَّهَ لَمْ يَضَعْ دَاءً إِلَّا وَضَعَ لَهُ شِفَاءً، أَوْ دَوَاءً، إِلَّا دَاءً وَاحِدًا، قَالُوا: يَا رَسُولَ اللَّهِ مَا هُوَ؟ قَالَ: الْهَرَمُ» قَالَ التِّرْمِذِيُّ: هَذَا حَدِيثٌ صَحِيحٌ.
أنا الآن بصدد آعادة قراءة موضوعك مرة أخرى
وكتابة أهم النقاط الرئيسية
ولكن لدي بعض التساؤلات سأضعها في هذا الموضوع وأتمنى أن تجيبيني عليها ولك من الله الأجر العظيم
الصفحة الأخيرة
كيفكم صبايا انا بعرف الي زمان ما دخلت بسلانه تغير شغلي وكتير مشغولة فيه بس بناء على طلب قريبة عضوة بالمنتدى تواصلت معي بالواتس اب وطلبت منياحط الحمية بشكل اوضح ... فاليوم ححطلكم حمية الشهر وشو الاكل اللي بتقدرو تاكلوه بهايالفترة بس بعد الشهر وبعد ما نجرب الماكولات التانية حنقدر نخلي الفطور جبنة اولبنة او بيض او كاسة حليب (هدول بيعتبرو بروتين) على حسب كل واحدة وتقبلها لهادالاكل وفي حالة جسمك ما تقبله ضلك على فطور الحمية
الفطور :
اختيار اي نوع من الاطعمة المذكورة:
صحن فول مدمس - صحنحمص – صحن عدس – سلطة خس مع مربعات صدر دجاج (عدد واحد) - فاصوليا حمراء – كمشة يد لوز او جوز او بندق اوكاجو غير مملحين ولازم يكونو ني يعني مو محمصين ونفس الشي بزر دوار الشمس لازميكون ني هدول بيعتبرو جزء من البروتين وبرضو بيعتبو جزء من الدهون
صحن سلطة خضراء كبير (خس وخيار وبصل وزيتزيتون وليمون وملح) ومرات كنت الغي الخيار واحط بداله فاصوليا حمراء – وكمان بعشقسلطة الجرجير
اللي بتشتغل تلغي البصل بس لازم يومي تاكلوبصل او توم لانه هدول بجددو الخلايا التالفة بالجسم وبرجعوها سليمة فبتاكلي بالليلوالمتزوجة تخلي زوجها ياكل معها عشان ما يعلق على الريحة خاصة في رجال بتعلق بساذا اكل معك ما رح يحكي شي.
الغداء :
اختيار أي نوع من الاطعمة المذكورة :
ستيك – كفتة – قلوبات والكلاوي والكبدة (شو ماكان مصدرها الحيواني سواء من دجاج او عجل او خروف او غيرهم) - صدر دجاج – سمك او اي نوع منالمأكولات البحرية ما يعادل كف اليد اذاكان من المرعي بالحقول وتغذيتهم صحيحة اللي ذكرتها بالحمية بالصفحات الاولى امااذا غير متاكدين بتاكلو ما يعادل نص كف اليد وبالنظر بتقدرو تقدروالحجم
صحن خضار سوتيه (مثل بروكلي ، جزر ، كوسى ،أرض الشوكي وفاصوليا وكرفس وغيرهم ) أو
صحن سلطة خضراء أو
ممكن طبخ بجانب البروتين اطعمة متل (سبانخ –بامية – فاصوليا خضراء او بيضاء - أرضالشوكي مع لحمة مفرومة مع جزر وبازلاء – الملوخية فوائدها كتير كبيرة وغيرهم منالاطعمة)
العشاء :
سلطة تونا مع فاصوليا حمرة (كتير طيبة) – او اذاباقي اكل من الغداء بتقدري تاكليه بالعشا او تكتفي بسلطة خضراء او خضار مطبوخة اوتعملي شوربة خضار – او تاكلي اي شي من قائمة الفطور غير اللي اكلتيه او اي نوعخضار او فاكهة بتقدري تاكلي اذا ما اجى على بالك اكل - او بتقدري تاكلي اي نوع موجود بقائمة الغدا ما اكلتيه
ملاحظة مرات كنت اعمل مثلا قطع ستيك زيادة بالعشا واكلهم الصبح او دجاج مشوي واكلهم الصبح بس معهم صحن سلطة صح بكون بارد بس ما كنت اهتم واكل زي المتوحشة :)
اما بالنسبة للسناك :
بتقدري تاكلي اي نوع من الخضار او الفواكهبالقائمة اللي حطيتها بالحمية بالصفحات الاولى وما تنسو واحدة من السناك لازم تكونتوتيات ما يعادل كوب سواء بلو بيري او رازبيري او فراولة او اي نوع توت ، وحاولوالفواكه تكون ملونة من جوا يعني متل المشمش والدراق و التين مثلا بتحتوي على فوائداعلى واكتر من الفواكه اللي بتحتوي على لون ابيض من الداخل زي الانجاص والتفاح مثلا بس مو معناته هدول سيئين بالعكس مفيدين برضه بس اقل
بالنسبة للعدس : أنا كنت اسلق العدس البنيمقدار كوب كتير منيح وبعدين بحطه بصحن وبحط عليه ليمون وملح ورشة كمون وباكلهبالمعلقة ... العدس من الماكولات المليانة الياف واللي بتمنع سرطان القولون طبعامو بس العدس حتى الفول والحمص وارض الشوكي وفاصوليا وغيرهم بس العدس وارض الشوكي اكتر شيفيهم الياف فحاولو تدخلوهم بحميتكم.
اما سلطة تونة مع فاصوليا الحمراء: المكوناتتونة وخس وبصل اخضر وفاصوليا حمراء وليمون وملح ورشة كمون ، هاي الطريقة جبناها منالانترنت لما كنا انا واختي باديين بالحمية ومحتارين شو ناكل وعملناها وطلعت رائعةوتقريبا بناكلها 2-3 مرات بالاسبوع لهلأ.
بالنسبة للبقوليات في ناس بتعمل عندهم غازات بس هاي المشكلة حتواجهوها اول الحمية بس لما جسمكم ينضف ما حيكون في غازات الا خفيفة جدا ونادرة (انا هلا هيك نادر يكون عندي غازات او نفخة حتى لو كان فطوري وغداي وعشاي بقوليات نادر ليكون عندي غازات اما نفخة مستحيل والحمد لله )
طبخة ارض الشوكي : بتسلقي ارض الشوكي كتير منيح (هيبتيجي مقسومة نصين واطيب شي ارض الشوكي المصري) وبطنجرة تانية اسلقي الجزر وبعدين البازلاءحتى يستوو كتير منيح .. بتيجي صينية وبتحطي الجزر والبازلاء وبترصي فوقهمارض الشوكي وبتحطي جوات الارض الشوكي اللحمة المفرومة بعد ما تكوني مسويتيهاومجهزتيها وحطي مي على حسب الكمية اللي انتي حاطيتيها مثلا اذا حاطة الكيس كاملحطي من 2-3 كوب مي وحطيها بالفرن شي نص ساعة او اكتر شوي وطلعيها وكلي انا كتيربحبها ان شاء الله تحبوها وما تنسو الملح البحري هو الوحيد اللي حنستعمله من البهارات (يعني على اللحمة بس حطي ملح وما تحطي لا فلفل اسود ولا بهار حلو) بس بعد الشهر بتضيفو اللي بدكم اياه وممنوع مرقة ماجي لانها بتحتوي على الجلوتين ماشي..
بتقدري كمان تسلقي الزهرة كتير منيح وبعدينتشويها سواء بالفرن او بالشواية برضه كتير طيبة والزهرة مفيدة يعني حاولو تخترعواكلات وشاركونا فيها وكل واحدة عملت طريقة جديدة تحطها هون خلينا نتعلم شي جديد
طبعا كلها شهر على خير وبترجعو الاكل المفيد متل الرز والباذنجانيات والالبان والاجبان والبيض واللي بتقدرو ترجعو تاكلوه طبيعي زي ما كنتو تاكلو قبل الحمية بس الفرق الوحيد حنضل لاغيين القمح والشعير والزيوت النباتية والشهر بمر بسرعة انا قربت اصير الي سنة عاملة الحمية :)
ان شاء الله يكون كل شي واضح عندكم ودايماارجعو للقائمة اللي حطيتها اول الصفحات عن اكل الحمية اكتبوها وخلوها عندكم مرجعاي شي بدكم تعملوه او تطبخوه او تخترعو اكله ارجعو للقائمة لانه فيها خضراوات وفواكه كتير مفيدة وانا ما ذكرتها وما تنسو السناك بتقدرو تاكلوه امتى ما بدكم او كل ما حسيتو بالجوع ... وكل عام وانتم بخير