السلام عليكم ورحمة الله وبركاته
خواتي الغاليات بقولكم قصتي وياليت تساعدوني لاني تعبت من التفكير
انا متزوجه من اربع سنوات وعندي ولله الحمد ولد واحد عمره سنتين ونص ربي يخليه لي ويحفظه من كل شر
معاي كسل باالغدة الدرقيه واخذ علاجها
ومعاي كلسترول واخذ برضه العلاج تبعها
حملي بولدي كان تمام لحد ماوصلت الشهر الثامن بديت اتعب من اي مجهود
وصار معاي ارتفاع بالضغط وصرت كل يومين بالمستشفى وكملت التاسع ودخلت بالعاشر وانا على ذا الحال
لحد ماقرر الدكتور اللي يتابعني اني اخذ حبوب علشان الطلق
وللاسف ماسوت شي عطوني ابرة وكمان ماسوت شي الرحم ماهو راضي ينفتح ابدا
واخيرا قرر يولدني قيصري وتخدير نصفي علشان خايفين من الضغط
وسبحان الله من لما ولدت ولدي مارحت اراجع لدكتورة نساء وولادة وكل ماقلت لزوجي ضروري اروح واكشف لان نفسي احمل مرة ثانيه
كان رافض ويقول حملتي المره الاولى عادي وخلي عنك الوسوسه ووكلي امرك لرب العالمين
وقبل شهرين صار معاي لخبطه بالدوره رجعت لي بعد ماطهرت منها باربع ايام فخليت زوجي
يوديني لدكتورة نساء بمستوصف خاص حسبي الله عليها ماتوقعت حبها للفلوس تطلع فيني شي مو موجود
سوت لي اشعه صوتيه وقالت ان معاي ضعف بالتبوييض ولما قلت لها ان دورتي منتظمه وتجيني كل شهر
وماعمرها تلخبطت الا المره هاذي قالت ماهو شرط
وطلبت مني تحاليل وش كثرها
بس الحمد لله زوجي رفض نسوي شي عندهم ووداني لمستوصف حكومي
وطلبت مني الدكتورة تحليل ثاني يوم من الدوره واليوم 21 وسوت اشعه صوتيه
والحمد لله كل شي عندي طبيعي ومافيه ضعف وقالت مادام دورتي تجي كل شهر فهذا شي ايجابي ويدل على عدم وجود مشاكل
بس قالت ان الغدد جارات الدرقيه فيهم شي
وطبعا جميع مراجعاتي لها كان دايما ضغطي مرتفع وطلبت تحاليل جديده على الكلى علشان يشوفون قصه الضغط المرتفع وطلبت مني اخفف وزني لانه مره كبير
سؤالي اللحين الغدد هاذي لها تاثير على تاخير الحمل عندي
صرت طول الوقت افكر وخايفه لايصير فيني شي لاقدر الله
خواتي ادري قصتي طويله وممله بس حبيت اقول لكم كل شي ممكن وحده منكن تقدر تساعدني
مشكورات يغوالي على صبركم علي ولاتنسون تدعون لي ربي يكتب لي الحمل السليم ويرزقني وجميع المتاخرات بالحمل بالذريه الصالحه وبفرح قلوبنا
اختكم
هنودة الامورة
هنودة الامورة @hnod_alamor
عضوة نشيطة
يلزم عليك تسجيل الدخول أولًا لكتابة تعليق.
ليمونه توتي
•
ماعندي علم ياقلبي بس اظن ماتاثر انتي من متى عندك كسل فالغده وكم لكي تاخدي ثيروكسين
تسلمين ياغلا
انا معاي الغدة من قبل ماتزوج يعني اللحين لها خمس سنين واخذ ثايروكسين 100
من لما دريت انها معاي بس الدكتورة تقول مالها سبب لانها بكل تحليل ثابته ماتتغير
ومنتظمه على علاجها
انا معاي الغدة من قبل ماتزوج يعني اللحين لها خمس سنين واخذ ثايروكسين 100
من لما دريت انها معاي بس الدكتورة تقول مالها سبب لانها بكل تحليل ثابته ماتتغير
ومنتظمه على علاجها
الصفحة الأخيرة